我以前學過中醫食療養生，當時好記得中醫教授介紹：「一天三粒棗，青春永不老」。但有咁多種棗，各有各唔同嘅功效，究竟邊一種先適合自己？🤔
我睇咗好多中國同西方研究，再請教 何慧潔中醫師 ，為大家喺多角度解構每一款棗嘅營養同功效！之前已經為大家介紹過青棗，有興趣就睇返上一篇啦！今次就講最多人食嘅紅棗、南棗、蜜棗！
紅棗😋
- 熱量： 45 kcal / 15克約 3-6粒
- 性味 ：甘,溫
- 歸經：歸脾,胃經
- 功用 ： 補中益氣，養血安神
- 中醫師何慧潔：適合血虛皮膚萎黃者、氣血不足眠差者進食。女性經期後亦可食用以補氣血。不適合熱底人士或濕重胃脹者食用。
- 營養師Gloria：紅棗中含有核苷酸及多種抗氧化物，包括黃酮類化合物、多酚類、三萜酸，及獨有的酸棗仁皂甙和酸棗仁多醣。多份現代研究指這些營養素有助減少抗老化防癌，並有益心血管和腦部健康 。在老鼠身上的研究指出，紅棗有助於改善記憶力及學習能力、抗抑鬱、改善失眠的作用。雖然很多營養素都是水溶性，但紅棗的外皮比果肉含更多多酚類，所以建議煮湯焗水時，要連紅棗果肉和外皮進食。
- 選購小貼士：選個頭大，有皺紋，外表暗紅有光澤。顏色太瘀代表不新鮮，太紅担心化學染色。果肉鬆軟有果香；果核細粒為之佳品。盡量不要選去核紅棗。
南棗😋
- 熱量： 35 kcal / 15克約 3粒
- 性味 ：甘,溫
- 歸經：歸脾,胃經
- 功用 ： 補中益氣，養血安神
- 中醫師何慧潔：適合血虛皮膚萎黃者、氣血不足眠差者進食、女性經期後食用以補氣血。相比紅棗，較為溫和。適合想食紅棗補氣血又驚燥熱嘅人士食用。熱底或脾虛濕重人士不適合。
- 營養師Gloria：現代研究較少，但有中國研究指出，當中的抗氧化物蘆丁比紅棗更高，有助抗氧化抗衰老，減低患上癌症及心血管毛病的風險。不過南棗經過南棗經燙煮、焙烘、曬棗等工序製成，所以維他命C和鉀質會比起青棗低。
- 選購小貼士：優質的南棗皮色烏黑發亮，肉質淺黑。用手按壓不黏手，搖動能聽到其棗核作響。
蜜棗😋
- 熱量： 55kcal / 一粒 15克（去核）
- 性味：甘,平
- 歸經：歸脾,胃經
- 功用 ：稍為可以滋陰潤肺 ，藥用價值不高、煲湯煮茶調味為主。
- 中醫師何慧潔 ：平日煮湯水時可以加一至兩粒調味，不過切忌加得太多。根據本草綱目所載，蜜棗用糖、蜜拌過，久食損脾、助濕熱。不建議多食。
- 營養師Gloria：因為蜜棗用糖煮過，所以一粒已經有大約兩至三粒方糖。而且當中部分的抗氧化營養素、鉀質、水溶性維他命和維他命C都會流失，所以營養價值為多種棗類中最低。
提提大家，中醫的「補氣血」和西方營養的「製造紅血球補血」的概念唔係完全一樣㗎！其實三種棗類嘅鐵質好低，食約200粒紅棗先可以提供約10片(100克）豬潤嘅鐵質！所以唔可以話飲咗紅棗水，就取代高鐵質食物（牛肉、蜆、豬潤、深綠色蔬菜）呀！兩者各有各用處，所以建議兩樣都食，咁就多方面「補氣血」，保持個人精神有活力，面色紅潤啦！☺️☺️☺️☺️☺️💪🏻💪🏻💪🏻💪🏻💪🏻
#研究睇完又睇 #啲文改完又改
#我哋兩個極度長氣 #大家睇得完嗎
#中國人真係好有智慧
#中西合璧最全面
