【題文不符系列】 食得咸魚抵得渴啦
喺人都知見工睇三樣野：學歷、相關經驗(年資)、Loyalty。
公關仔同意依家入職人工普遍係低，尤其是agency呢行。但如果呢位小姐係為咗追尋自己嘅理想：唔做本科相關行業、裸辭去working holiday、仲要轉field，真係唔怪得做嚟做去都係junior嘅價錢喎。
可能近來係畢業期，公關仔間中都會收到啲同學仔問入職幾錢，工作大約做咩。老老豆豆agency生活好似多姿多彩，但睇得呢個page都知我哋都係做到pk。所以，真係食得咸魚抵得渴，有啲嘢係想要嘅，就要花時間心機去做。
猶記得之前公司請過個PR Executive，返工例遲放工必定準時，做嘢又做到半天吊，然後日日就怨點解自己人工低。同學仔，其實有時有啲嘢真係有得解架！其實做嘢經驗真係好緊要，簡單如對客技巧或者行業術語，甚至寫個Proper啲嘅email，都係要時間浸出嚟。我同意大家要花時間搵自己想做嘅嘢，行行都一定有辛苦位，但起碼要有部份你覺得有滿足感嘅事情去做。但如果你想試多啲唔同嘅嘢，轉多幾份工去追夢，你嘅opportunity cost就係永遠都係entry point嘅人工囉！
不過，當然真係有好多PK老細，永世都唔加你人工，咁就快啲跳糟啦！梗係同佢講金啦，唔通同佢講心咩！
#想人寫好啲個appraisal可以加薪都俾啲表現我睇呀大佬 #大學生養唔到家我同意呀但係因為貴樓交通貴生活費貴到癲 #但阿明報你搵呢個案例係咪太牽強呀
