關於 恒生科技指數code ，我們在網路上蒐集到這些相關的討論、資訊與評價

［只望停在遠處祝君安好　多麼想親口細訴］（＊）睇住確診買1137，長玩長有—不過到人人都睇到呢篇文就冇得玩了。Efficient market 嘛，亦所以點解咩「股票必勝法」或者「技術分析」係self defeating，因為人人都用就變咗冇用。正如人人都知荷甲入波多專開大，人人去買，賠率自然低，甚至由2.5變成3.5分界。

更多文章在Patreon （https://bit.ly/31QmYj7）

1. 中學同學在whatsapp群組講 「X！幼稚園又停課」（＊＊）。但我就即時去望隻王維基香港電視HKTV Mall 1137 （＊＊＊）．

2. 能知三日事，富貴千萬年（＊＊＊＊＊），想像下如果你一早知道輝瑞會公佈疫苗成果？應該Patreon（https://bit.ly/31QmYj7）唔只講過一次，呢個香港確診數據係好好炒嘅。因為做過大數據雲計算AI研究（即係，整過個Excel畫過個圖放過上Dropbox，真的，Patreon我好似share過個Excel），1137啲股價，同確診數字係好大關係的。

3. 咁最早係邊個會知？我都唔知。To Be Fair，呢啲冇理由係咩市場敏感消息，唔使等收市公佈，但what if 你trade on佢？咁你唔使等張竹君出嚟講先知嘛。有啲傳媒（親建制？）朝早就放晒風。

4. 而你睇下，真的，我同學11:23左右講呢個「X！幼稚園又停課」，隻嘢就即升！

5. 當然理論上你睇啲其他公司都得，但目測1137係對啲疫情敏感度最高嘅。咁你鍾意炒太興都得嘅，呢排幾好，美國大選概念股，拜登一選到真係升，因為「賀—錦麗」（OK，個gag真係爛到仆街，但由華文傳媒開始報呢個名時，我已經諗起錦麗牛肉河。BTW，在胡志明市食過，認真麻麻）

6. 噢，仲有，聽日恒指季檢，會檢埋「港版納指」嘅恒生科技指數。但1137入唔入到？短答案係，梗係入唔到。長答案係，可能有排甚至永世都入唔到。今晚Patreon會寫點解（https://bit.ly/31QmYj7）。

（＊）甚至都唔使加句「識唱一齊唱」。嗯，不過早兩日先知道原本係韓文歌（＊＊＊＊）！我覺得好震憾。但嗰個年代雖則K Pop未有咁多人講，香港已經大量改編了。人地就靜靜地起革命。正如韓片一樣。而《八月照相館》或《我的野蠻女友》前，我已經去旺角百老匯睇《生死諜變》（＊＊＊＊＊＊）（呢套真係韓流第一槍，唔通睇《飛天舞》定《隔世琴緣》咩），在紐約（戲院啦，已執，會變五糧液酒樓）睇《愛的肢解》（沈銀河！八月照相館條女！好睇！），真係走在潮流尖啄。同一日我仲同同一條女在紐約睇《十二夜》，大韓航空空姐嘅張栢芝，就好睇過飛天小女警造型了。至少條脷冇咁熱氣

（＊＊）講開呢個「X！」，當年呀朋友同另一女仔一齊夾稿，做婚禮MC。咁就唔知邊個搵啲現成嘅template，朋友見到佢句開場白係「X！我今日真係好開心呀」。原意係個將個女仔個名代入個X度，但我地一以為係「屌！我今日真係好開心呀」。BTW，個朋友死咗了（人就係會死架啦，有幾出奇？）

（＊＊＊）到底幾時先可以就咁講1137大家就明？其實應該大家明，係我冇信心

（＊＊＊＊）BTW，有幸同埃汾唱過K嘅（乜K都好），都好可能聽過埃汾唱《祝君好》。實不相瞞，我Facebook 有直播過嘅。嗰時在福建漳州。而家啲友講片仔癀，但我只會記得漳州雪耳。BTW，間公司爆咗煲。

（＊＊＊＊＊）有時都未必咁簡單。即係你知道六合彩開乜，或者十年後騰訊幾錢就發達。但如果你只係知騰訊下年賺幾錢呢？可能都會輸錢。

（＊＊＊＊＊＊）BTW當年《生死諜變》啲譯名真係亂鳩咁嚟的，韓石圭（八月照相館個韓仔）個角色叫Yu Jong-won，原本係柳重遠，唔知做乜春香港譯到崔相煥。台灣仲正，叫做「隆」。崔岷植（《原罪犯》個主角）個角色Park Mu-young，原本係朴武影，香港變咗卜萬坤，個坤字點嚟？台灣？仲正，叫做「帕克」，我幾驚佢譯「公園」。你是杰丁嗎？不，我是希爾瑞斯。

-------------------------------------------------
Ivan Patreon，港美市場評點，專題號外，每日一圖，好文推介。一個月一舊水唔使，三個月已近700人訂！仲有免費試睇：https://bit.ly/31QmYj7

-------------------------------------------------
Instagram @ivanliresearch．七成金融（短打）兩成嘢食一成其他嘢。

-------------------------------------------------
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010
內容:
*軟件股IPO狂潮
*買平台股好過
*人民幣強勢買咩好?
本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145

［迷失十年，廿年，卅（＊）年］日本股市卒之見家鄉，sort of

彭博原文：Japan Stocks Finally Beat Bubble-Era High, at Least on One Gauge（https://bityl.co/3iYB）

TLDR：日經指數就仲爭七成，但日經500已經破咗1989年高位。呼，人生有幾多個卅年？

1. 1989年12月29日，你做緊乜？可能有啲讀者未出世，埃汾當然出咗世，11歲。呀仲有，我中學時曾經巧鍾意嘅女同學，係12月29號出世的。後來嫁咗畀我另一男同學，啤咗兩件（定一件？）。重點係住在我樓上添，篤眼篤鼻，而小學年代（即係1989年），我同嗰位男同學十分老友，成日上佢屋企打機，因為就在我樓上。但當然中學已經疏遠咗，況且呀女主角根本冇同我拍過拖，所以不存在咩搶唔搶嘅問題。純係我單戀不遂咁解

2. Sorry講多咗，但至少引到你睇落去。為咗引你睇落去我係無所不用其極的，同街邊（東南亞？大陸？）啲乞兒扯開個傷口畀你睇差不多。

3. 講返，1989年12月29日。你睇題目估到啦，日本。日本發生咩事？1989年就係日本泡沫經濟高峰，雖則經濟冇話邊一個位爆破，但稱12月29日係爆破點，應該係共識。

4. 因為嗰日，日經平均指數去到史上最高—打後咁多年都冇返到去咁嘅位。而家2020年，即係迷失十年，轉眼間變迷失廿年，變到迷失卅年。

5. 對日本文化稍為理解嘅人（即係，所有香港人），都會知道呢個泡沫經濟，迷失十/廿/卅年。因為係無數咁多日本作品嘅題材—其中一套最出名嘅，當然係近排楷仔台有得免費睇返嘅，《悠長假期》（絶對唔係植入廣告）。大家知啦，松隆子當時係新人，而家已經要演人阿媽（《最後的情書》，好合理喎，43歲）。但木村依然屹立不倒／阻住地球轉。

6. 《悠長假期》嘅背景就係泡沫經濟後嘅失落一代嘛，終身僱用制玩完，再冇咩一大堆10000 yen爭住截的士嘅場面。

7. 不過唔使灰心，嘻，「只要活著就有辦法嘛」，近來興講。亦即係埃汾常講嘅「留得賓周在　哪怕沒春袋」。當然廢老同你講「只要活著就有辦法嘛」就係風涼話　何不食肉糜，都係睇日劇好

8. 講返，真的，「只要活著就有辦法嘛」，事隔30年！日經指數卒之返返當年高位！！！！

9. 不過，電視節目有好多種，恒生指數有好多種（冇聽過恒生國企指數？恒生科技指數呢？恒生綜合指數呢？），日經指數都有好多種。一般講嘅日經指數，係指日經225，就未返到高位。唔使開香檳住

10. 但至少，日經500，就真係創出歷史新高了！突破咗1989年12月29日嘅高位—事隔30年後。噢耶

11. 滬深300，就真係300隻股票。富時100，亦係100隻股票。日經225，就係225隻股票。咁日經500，就真係500隻成份股（廢話？咁香港十隻白虎係咪10隻？唔知，冇數過，好似講股票的，有獨角獸有白馬股可能有白虎股，正如有唐伯虎亦有嚴白虎）。

12. 因乜解救會日經500破頂，日經225未破？當然係成份股不同。咁500入面係邊隻帶動？

13. 登登，就係惡名昭彰嘅，任天堂！

14. 舊文都寫過，日經指數基本上係照抄美國道指—戰敗國嘛。事實係戰後嘅嘢，但你話，唔係喎，你見到1949年之前都有數字—冇錯，但只係date back 返。日經指數出現，的確係戰後嘅事，唔信你自己搵日本報紙睇飽佢。咁，由於日經照抄道指，亦承繼咗道指種種不科學嘅嘢，有機會再講。

15. 但呢度想講嘅係，任天堂，係唔在日經225入面嘅！但在日經500！點解？莫非唔夠大？又唔係喎。你常識都估到，任天堂點都係日本大公司。事實任天堂市值應該係日本十大

16. 呢類東西，等我賣個廣告，遲下Patreon 周末專題會講，正如之前寫過美國大選，寫過Palantir，寫過畢菲特點解買日本商社。記得去訂（https://bit.ly/31QmYj7）

17. 賣完廣告，返返嚟。任天堂今年股價上天堂咁滯，年頭至今升超過40%，低位到而家更差不多一個double．但偏偏日經（225）指數就冇份，日經500先有。

18. 如果有會點？我就懶計了。不過由於日經225嘅老味計法，就算有埋任天堂，我心算都估唔會可以一命救全家。事實係日經225今年只係持平（都好過好多地方架啦），但日經500升咗8%。唔止係一隻任天堂

19. 仲有一啲其他公司係日經500有，而日經225冇。包括Keyence（キーエンス），一度係日本第二大公司（但都唔入日經225，死未），SMC Corp，仲有賣傢俬嘅Nitori （ニトリ）

20. 當然，唔一定話係日經500比較好，但至少可以質疑日經225嘅代表性（任天堂又冇，Keyence又冇，兩間都十大企業喎）。而其實日經225同500一樣，都係抄道指，price weighted，十分低智。Uniqlo嘅Fast Retailing就佔咗日經10%比重，三倍市值嘅Toyota就得1%比重，十分神化。

21. 高程度啲嘅，可能聽過TOPIX—冇錯就係科學啲，仲要包1700隻股票—「但又太多啦」，啲人又話太多細股又冇流通性好難track

22. 實情以上種種，包括任天堂同Keyence入日經之類，都講咗好一排。但日本嘛，再搞多幾年先啦。

23. 最後講下，日經（225）當然未返1989年12月29日嘅高位。而家23500點左右。1989年12月29日？差不多38900點，再等下啦，升多六成幾。

24. 其實真係冇你想像中咁難，我諗最值得講嘅係：日經500己經返返當年高位，但日經（225）要升多六成幾先返到。咁變咗你拎咩「股市」嚟講返日本經濟，有何意義？指數？誰的指數？

25. 仲有個小補充。基本上講泡沫經濟，迷失十／廿／卅年，必然仲要講嘅，係MK仔都知嘅，「廣場協議」，日圓升值。

26. 首先，廣場協議並唔係在任何廣場簽嘅（真的）。而1989年已經係廣場協議後嘅4年，日圓升值最急嗰浸已經過咗。不過，而家嘅日圓，仲係貴過當年嘅。如果你用香港人角度，當年係5算（嘩），而家7算，早幾年10算都見過

27. 亦即係，其實對外國投資者嚟講，你計及匯率，日經500一早就返咗家鄉。日經（225）呢？仲未，但升多兩成幾就得了。

28. 但當然，所謂「美國迫日本升值令日本出口競爭力大跌經濟泡爆」呢個論述，並唔係全部人都同意。甚至「迷失十／廿／卅年」呢樣嘢，都有人話係日本人撚化你嘅。日本人生活水平好差咩？「同香港比就係嘅」。有機會在Patreon都會寫

29. 有關平成年代嘅日本股市，之前medium仲有長文寫過，免費的（https://bityl.co/3iZF）

30. 記住訂Patreon啦，遲下成個日經指數同你研究，仲有埋Excel畀你自己玩。（https://bit.ly/31QmYj7）

（＊）之前寫文用過「卅」字，居然有人問我做乜用日文字，仲問我隻字點打，繁體字係乜。照計金庸張三丰畀人屌話寫殘體字嘅日子不遠。或者下次寫個卍字會畀人話係納粹（聽聞個「卍」字在日本變咗潮語）
——————————————————————————
Ivan Patreon 狼耳街華人，一星期至少三篇港美市場評點，其他免費好文推介，每日一圖，仲有FB Page post summary．一個月一舊水唔使，開張一個月已近 500人訂，仲有兩篇免費試睇：https://bit.ly/31QmYj7

——————————————————————————
［收費短片第九擊］美股科技股是否泡沫爆破？價值投資之選

課程資訊：https://homebloggerhk.com/course_detail/?code=CC009

內容:
*美股急跌點算好
*科技股係咪泡沫爆煲？
*有乜價值投資之選？

本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145

另外想買返第八擊（美國總統大選股票部署）都仲可以：https://bityl.co/3NPn

［收費短片第九擊］坐穩啦喂

TLDR：中美科技股大瀉點算好？睇片（https://bityl.co/3NQp）

1. 呢排科技股大瀉，Tesla話咁快高位就跌兩成，蘋果都跌一成幾。高追嘅話咁快就中伏—但都冇計。元兇聽講係啲友不停買期權，其實咪即係槓杆，即係借錢，咁升嗰時當然係positive feedback loop，但跌時就亦一樣，人踩人。

2. 當然普遍散戶冇咁嘅力量，但側聞甚至有相當大份量嘅「大戶」參與。邊位「大戶」？正係孫正義嘅Softbank，聽聞唔只公司賭，佢仲個人保證，賠錢佢自己注資。所以你見今日Softbank股價跌7%，間接拖低埋日經指數（Softbank可係日經指數第二重磅股）。以上種種，Patreon 有講（https://bit.ly/31QmYj7）

3. 咁但，好難夾硬去拗，點解11500點就唔貴，12000點就貴。比較似混沌天氣咁，忽然間拍一拍翼就颱風，並唔係線性邏輯咁推論。收費短片第八擊（https://bityl.co/3NPn）講美國大選部署已經提過，大選年9月10月係例牌弱嘅，原因唔知，但似乎真係同大選有關。甚至呢樣嘢有冇根據都不重要，同啲「技術分析」一樣，信嘅人夠多，自然就自我實現。而反正科技股貴，都講咗好耐，爭在去到邊個位會回。當然事前係估唔到的。

4. 你見而家「港版納指」恒生科技指數仲跌5%，相比之下恒指同國企跌幅細好多（仲要入面有科技股），明顯見到仲未瀉完。

5. 今次收費短片第九擊（https://bityl.co/3NQp）有提，其實由上星期三四開始已見到有先兆，留意當時都未知咩孫正義之類，但真係有先兆。先兆唔同原因，先兆係你見到啲蛇蟲鼠蟻青蛙走人，但你唔知點點。星期三四就已經見到啲蛇蟲鼠蟻—回返帶，星期三晚美股仲係大升，但最強勢嘅蘋果Tesla已回。然後星期四港股ATMX（阿里騰訊美團小米）勁跌。詳情自己睇片（https://bityl.co/3NQp）

6. 咁，點算好？而家飛入去買未？如果唔想買科技股又有咩其他可以睇？入面都有講。

——————————————————————————
［收費短片第九擊］美股科技股是否泡沫爆破？價值投資之選

課程資訊：https://homebloggerhk.com/course_detail/?code=CC009

內容:
*美股急跌點算好
*科技股係咪泡沫爆煲？
*有乜價值投資之選？

本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145

另外想買返第八擊（美國總統大選股票部署）都仲可以：https://bityl.co/3NPn