//支持本Page請Click入內文比Clap，已為Medium收費會員請直接Click入內文閱讀，謝謝！//
要討論口罩短缺問題，首先要將條數攤出黎講，又由於條實數有好多個版本，呢度只係拎一個簡化版比大家有個概念：現時全世界口罩生產量大概係4000萬個，中國大概佔一半左右即係2000萬個；然後台灣每日產量大概係200萬個，香港而家每日產量係5萬個。至於消耗量，你當一個地區嘅人口有一半人係可以成日唔出街，其餘另一半人至少會戴一個口罩，保守估計就係人口五至六成左右。
跟住你就會知條數有幾大鑊：響香港，平均每日口罩消耗量大概係400萬個，張建宗話短期內有2400至3000萬個口罩運黎香港，其實只要6至8日就可以用完，之後下一水幾時到？無人知。
中國產量雖然佔世界一半，但剩係武漢每日都要最少600萬個口罩，經已食咗全國產量三份之一；仲要另一個重災區廣東省有1.1億人、平均每日要用7000萬個口罩，就算全球運哂比廣東省都唔撚夠用啦。
都仲未計，隨住武漢肺炎響世界各地陸續爆發，各國都會開始有人存儲消耗口罩，果個需求缺口只會有增無減；所以而家無論中國定台灣都係燒緊自己啲存貨：台灣人口超過2300萬，好彩嘅係仲未去到人人戴口罩嘅階段，但萬一武漢肺炎響全台爆發，每日就需要1200萬個口罩，供應缺口係每日1000萬個，而家台灣二千幾萬個存貨一陣就無哂。
然後要好不幸話比大家聽，香港目前嘅市場口罩存量經已係0，每日都只能夠唔同渠道響各國搜購口罩拎番黎香港頂住，黎幾多都即刻燒哂；有人會將澳門同香港類比，覺得點解澳門可以隨時公佈各藥房口罩供應量而香港做唔倒，咁好簡單，當你個特衰政府每日都宣佈香港庫存量係0，除咗惹來更大民怨仲會有咩效果？梗係唔報好過報！
而事實上亦唔需要報，因為你而家響香港只要見倒有人群聚集，唔駛問都一定知道係某某商店傳出黎話有口罩賣。
至於有人謠傳特區政府收埋咗1億個口罩無拎出黎囤積居奇，跟至偷運番大陸，我基本上係唔信。首先上篇文都有講過口罩係有儲存期限，再加上政府平日都無乜防災意識，根本無動機去儲埋咁多口罩；政府話而家大概有1000萬個口罩庫存，我諗呢個數響呢幾個禮拜消耗之後又再少咗──
記住，全香港有18萬公務員外交大量合約工，每日本地生產5萬個口罩無論再增產幾多都只係夠三份一人用，所以點解政府聲稱自己係咁採購口罩，卻從來無打算過公眾派發就係咁解……
至於民間存儲量就睇大家平時積埋幾多，但幾乎可以肯定嘅係，再過多一頭半個月，將會有數以十萬、甚至個百萬計嘅嘅家庭經已會係連一個口罩都無。咁之後會發生咩事呢：
1. 搶購不及格口罩、翻用二手口罩幾乎可以話係必然嘅結果。而家我響街見倒有人戴住啲阻隔唔倒病毒嘅布口罩、黑色版活性碳口罩時，幾乎上我係連提都廢事提佢──因為相比起佢唔知原來無用，更加可能係佢根本已無口罩剩，唯有乜都戴住先；
2. 再之後果啲唔合格嘅口罩又好、扮外國貨國產口罩又好、二手翻新口罩又好，都會比人陸續搶購，因為大家都係覺得有，點都好過無；至於元秋走去問人蒸口罩當然係低能，但佢卻係講出一個殘酷事實：對好多基層、長者黎講，佢真係再搵唔倒新口罩戴喎，咁點先？然後政府又幫唔倒手，咁就梗係死馬當活馬醫，蒸都蒸住黎用先啦！
3. 如果疫情一直都平息唔倒，好不幸咁延續到五月、甚至六月以後，無可避免「無罩黨」嘅人士就會愈來愈多，而偏偏疫期愈長代表疫情愈嚴重，愈多人無口罩感染機會就愈高，到時可能就會出現社會崩潰嘅危機
至於政府響呢個時候可以做乜呢？封關、由特區政府統一採購市面上所有口罩再統一派發、限價限購令我響之前幾篇文已講過哂個理據響邊，但林鄭就係全部都唔撚做，咁你仲有咩好講？即係當市民唔夠口罩已成事實，林鄭就唯有洗出斬腳趾避沙蟲一朝：延長公務員停工、學生停課時間，以消極辦法減少口罩消耗。
我當然唔會反對響呢個非常時期採用呢種措施，但問題係當你今日仍然容許每日有萬幾個大陸人、幾十萬個響大陸流連嘅香港人通關返港，疫症爆發危機係始終存在，唔通你係諗住永遠停工停課落去？唔係的話，到一復工復課之際，「無罩黨」嘅人又會出哂街，然後疫情傳播又轉趨嚴重，呢個簡直係永遠無解嘅死結黎……
基於我地對呢個政府已毫無希望，反過黎亦應該問下自己，響呢場口罩之亂之下，究竟我地可以做啲咩：
一、今時今日既然大家都知道口罩短缺，就唔該唔好做「口罩黨衛軍」周圍捉人有無戴口罩：你係要捉，就唔該帶定啲口罩出街，遇到無戴嘅比一個佢戴。而家坊間最多廢老無罩戴，好多唔係因為佢地覺得唔戴都無問題，而係佢地大多都係相對弱勢一群，甚至有罩都可能比咗啲孫仔孫女戴咗先，所以就算我點憎廢老都好，呢排都會忍一忍唔屌啲「長者無罩黨」。
二、我地必須要有心理準備，萬一真係無罩，有咩可以進行替代？係咪真係考慮要戴豬咀防毒罩？係咪無罩都先以勤洗手、用毛巾包臉兼避免觸碰眼同臉頂住先？聽落好似好9唔搭7，但「有一日一個口罩都無」，並唔出奇。
三、最後就係不時提醒自己，無論咩情況之下，都要堅守人性尊嚴，唔好墮落成禽獸。古今中外無數泯滅人性嘅事件，都係始於資源極度缺乏嘅情況下爆發──早幾日藍屍因為買唔倒口罩撞閘亂鬧店員，其實只係人性崩解嘅開始。
呢度唔係話要普世大愛（甚至如果唔係怕染病的話，我係唔反對將隱暪病情嘅武漢肺炎傳染者獅鳥），然而形勢愈緊迫，人性就愈容易被扭曲；我地今日所遵守嘅原則，往後都應該繼續堅守落去，不因有無口罩響手而改變。
廣東省有幾多個市 在 一個來了七年的香港人,究竟識幾多馬來西亞文, 笑死我了! 的推薦與評價
咖啡蟹: https://www.youtube.com/watch?v=GilTl...芙蓉美食: https://youtu.be/YLS30QNds5Q 勝價比高的西餐: https://youtu.be/O8eKkuRxCk4 泰國菜: ... ... <看更多>