關於 幔布人道 ，我們在網路上蒐集到這些相關的討論、資訊與評價

【#活動分享‼️人道築織互動展 】
之前同大家分享過紅十字會舉辦嘅 #人道築織互動展，今日已經開始咗啦！

今次活動好啱今日咁熱嘅天氣呀！現場有超過20個活動體驗攤位分布唔同樓層。✨提提大家，記得要拎活動遊戲紙，再集齊至少3個遊戲印花，因為完成攤位遊戲後，可以換取禮物㗎！🎁

我哋除咗去咗1樓睇8個主題展區外，仲去咗7樓嘅榕樹頭講故同埋5樓嘅「幔布人道」工作坊整手工布袋！✨如想參加工作坊嘅朋友記得早啲去排隊呀，因為名額係先到先得呀！

現場仲有絕少展出嘅協助海外賑災時專用嘅裝備⛺，Alfred 更即場體驗下做急救員添🧑🏻‍⚕️。

不得不提嘅就係，場內防疫措施都做得非常好，入場前要量體溫、填寫健康申報表同搓手，而且每個攤位遊戲都有搓手液提供，大會更有人流措施管制，大家都玩得開心又放心🥰。

最後，我哋仲去咗「慈善義賣站」買咗套母親節窩心套裝添，入面有一個炆燒壺、面膜、潤唇膏同毛巾整嘅花花，又抵又實用！仲有其他精選產品發售呀！👍🏻

雖然今年《人道築織互動展》嘅活動登記已滿，不設即場登記。不過如有興趣嘅大家，都可以留意返 香港紅十字會 Hong Kong Red Cross 其他活動動向㗎‼️

【人道築織互動展】活動詳情：
日期：2021年5月8及9日
時間：12noon – 6pm
地點：西九龍海庭道19號香港紅十字會總部

#香港紅十字會　
#世界紅十字日　
#人道築織互動展

上星期同大家分享過免費親子活動《香港紅十字會。人道築織互動展》嘅優先登記。

今日終於可以去啦✨✨今次嚟到呢個活動真係獲益良多，我哋對《香港紅十字會》有更深嘅認識。小朋友仲可以透過活動、遊戲了解到救人、助人嘅意義同重要性。

已報名參加嘅大家，要記得拎活動遊戲紙，因為喺攤位收集3個印仔，最後就可以去禮物換領處填妥問卷及換領禮物㗎啦🎁‼️‼️

嚟到呢到，我哋第一站就去咗1樓玩，嗰到有8個互動小遊戲。和牛b都玩得好開心，之後得我哋仲參加咗《幔布人道工作坊》，用簡單材料創作咗屬於自己嘅Tote Bag啦❤️❤️

臨離開前，我哋仲去咗「慈善義賣站」。和牛b揀咗套母親節禮物套裝送俾我，入面有個燜燒壺、眼膜、唇膜、手工毛巾花，超實用。呢個母親節禮物套裝$100蚊咋‼️‼️仲有其他精品都有慈善價出售。

✨想特別講嘅係香港紅十字會嘅防疫措施做得好好，首先大會喺入口處設置咗溫度探測器、進場前亦必需用消毒精搓手、填寫健康申報表，所以我都好放心‼️

而且去到每個景點、或進行互動遊戲都必須先用消毒搓手液消毒雙手，大會仲有人流管制措施👍🏻✨

✨溫馨提示✨
《香港紅十字會。人道築織互動展》活動反應實在太熱烈，兩日嘅參加活動名額已滿，已經截止報名。今次唔成功報名的話，要等下一次了...

至於活動工作坊，大家要留意時間表預留時間哦‼️‼️我哋今日喺《創意3D打印筆工作坊》開始前10分鐘左右到達，不過活動已經全日爆滿了😭😭活動名額係先到先得㗎，所以大家要注意哦❤️❤️

#香港紅十字會　
#世界紅十字日　
#人道築織互動展
#期待香港紅十字會下一次嘅活動

📢 #母親節親子活動！
登記去「人道築織互動展」好玩又學到救援知識

我哋今日去咗 #人道築織互動展，真係好好玩，有超過20個 #活動體驗攤位、 #影相打卡位📸 仲有絶少展出嘅協助海外賑災時專用嘅裝備⛺，幾個可以體驗各樣人道工作！
.
我哋除咗參觀1樓展區(有8個主題) 之外，特別推介「營·內幕」有各式遠赴災難地區時拯救物資展覽，另外亦推介7樓嘅 #榕樹頭講故，可以聽到紅十字會唔同嘅故事📕！👍🏻
6樓有各類器材服務介紹，5樓有唔同嘅工作坊 #創意3D打印筆工作坊、 #幔布人道 、 #靜觀連結手繩工作坊。
我哋就玩咗「創意3D打印筆工作坊」3個一人整咗一個鎖匙扣！😊
.
如果有時間可以過去參加，8/5或者9/5都有， #時間表可以參考相片 😁！
部分遊戲即時有小禮物🎁，另外玩完遊戲儲齊印仔仲可以換禮物🎁添！
.
提提大家，活動入場時需配合防疫措施，需配戴口罩、保持社交距離、定時清潔雙手，大家可以玩得開心又放心。
.
日期：2021年5月8及9日
時間：12noon – 6pm
地點：西九龍海庭道19號香港紅十字會總部
.
登記免費入場，仲有紀念品送添！
http://link.redcross.org.hk/bhtexpo
.
.
.
#香港紅十字會　
#世界紅十字日　
#母親節活動
#親子活動 #親子好去處