關於 希望快啲出院 ，我們在網路上蒐集到這些相關的討論、資訊與評價

【余慕蓮相隔3個月首度報平安：「希望快啲出院！」】

現年83歲、人稱「魚毛姐」的資深女演員余慕蓮，去年11月因肺纖維化和血管炎入院治療，經過手術後脫離危險期獲準離開ICU休養。今日她就接受了車淑梅電話訪問，魚毛姐事隔3個月後向外界報平安，並表示希望可以快點出院。

據知魚毛姐連月來都留醫休養，近日已經拔除喉管，但就因為長期無聊天和只吃流質食物，導致談話會不夠氣，她直言現時見到所有食物都想吃。

在訪問後期，魚毛姐感激外界關心，並透露雖然3個月都在病床度過，但有積極做物理治療，希望可以儘快恢復飲食先有力起身。

去年魚毛姐自行入院時，曾傳語音短訊給好友，指自己入院後不知道自己能否醒來，若不能醒來，便下世再見，與朋友作出「道別」。

#be_celeb #余慕蓮
____�
💕立刻訂閱Be Telegram頻道: http://t.me/be_hk
�💕立即Follow 我哋IG：instagram.com/be_hk/�
💕訂閱YouTube Channel：youtube.com/beautyexchange�
💕搶先睇Be資訊可以喺網頁版cover photo下方，㩒『Following』按鈕之後㩒『See First』�
___
更多人氣話題：
👉GD傳與Jennie@BLACKPINK秘密拍拖一年 女方自由出入GD屋企
http://bit.ly/2ZHuJXW
👉具惠善直言「離婚不是大事」 坦言與新歡拍拖3個月好幸福�http://bit.ly/3aKiyQp
👉【月升之江】金所炫古典美滿瀉 兩招消腫 「電」走嬰兒肥�http://bit.ly/2NZEKxe

《第一次派利是🧧》

六年前一走，要等到今年先有機會返香港過農曆年。

滿滿期望有一個好濃厚嘅新年氣氛可俾意佬感受一下，因為往年唔係喺意大利冇人知農曆新年同人類有咩關係，就喺非洲某個角落，靜悄悄渡過一個人嘅新年。

喺我哋成為冇腳雀仔兩夫妻後第一次喺我娘家過年，但偏偏，這個新年是充斥着那麼多的壞消息。

聽着奶奶那邊，四位佢同意佬都認識的同鄉喺兩星期前行山嘅時候突然遇着雪崩，意大利北部派來了1000多士兵嚟中部搵人，可惜仍杳無蹤跡......

同時，新病毒好似Bio Hazard咁入侵了意大利，奶奶住緊嗰度又再封城 ，再次成為高危區。

香港呢邊廂，屋企人不斷出出入入醫院，連大年初一都唔放過，再次留院。難得喺鄉港，都未能全家人齊齊整整的過一個農曆年。

由舊年11月將成舊木乃伊咁嘅意佬推上飛機，再經歷以上種種，又屢次接到朋友屋企人離世嘅消息......坦白說，簡直係一場負能量核彈爆炸。

心理學家話過，人類最偉大嘅作品都來自於我哋人性中的悲劇性。與其患上傷心症候群，我倒認同人越能夠接納或者整合你生命中的負面情緒，就越會獲得一種更加立體同完整嘅人格，同時你的整個生命也會變得更有深度。

正因如此，我絕對唔會逃避情緒。
因愛自己，更加會接納自己情緒。

「別太眷戀遺憾與錯過，
人生匆匆總要向前看。」

眼淚流過，抒發過，又係一條好漢。

日子開心要過，唔開心都要過，梗係揀開心去面對啦！收拾好心情，我就同意佬講，我收利是收咗幾十年，今年終於輪到我做派嗰個喇！叫佢著得靚仔少少，幫手入利是，點知入咗嗰幾封就話好攰要坐低抖吓，真係嬌生慣養。

過年前剪埋呢個不一樣嘅蓋頭，迎接呢一個不一樣的新年。

世事總是難料，無論情人節又好，咩節日都好，新一年，希望大家都身體健康～勇敢向前看！💪🏻

Instagram @misi_gipsy_italy
MeWe @嫁到意大利 生根唔落地

#嫁到意大利
#不一樣的新年
#六年 #鄉港
#第一次
#派利是感覺好奇怪
#希望快啲出院
#世事難料
#RedPacketMoney
#FirstTime
#myturn
#GetWellSoon
#WeAreWaitingForYou

希望快啲出院啦。

正所謂「天有不測風雲，人有旦夕禍福」，人生在世，免不了遇上大大小小的「意外」，甚至會打破平淡幸福的生活，胡太劉倩萍(Cindy)就自嘈說，自己就是這樣一個「幸運」的人。

突如其來的中風

時光倒流回到2012年一個聖誕假日的早上，Cindy原本仍沉醉在夢鄉，卻被丈夫的嘔吐聲弄醒，原以為他是腸胃炎，到附近中醫就診時卻被指是中風，於是馬上叫白車送入急症室，當值醫生亦很快把胡先生確診為面積頗大的出血性中風。老公隨後被轉往病房，怎知這卻是Cindy惡夢的開始。

人生最後的6小時

「第一分鐘去到醫院，我好安心因為好信任，但突然之間喺一個短嘅時間，將我嘅信任打散不特止，仲驚你唔死再踩多幾腳。」Cindy略帶激動地說。她回憶當時在病房，她一方面觀察丈夫的變化，一方面不停尋求協助，但無奈病人多醫生少護士忙，直到6小時後，終於有醫生來到病床前：「佢就死啦，要即刻同佢做開腦手術。」

「老婆，我真係好愛你。」這是當時50歲的丈夫，最後一句和Cindy說的話。

手術後醫生告訴Cindy，她丈夫有生命危險，即使能救回亦會變成植物人，家屬可以自行決定未來：「短短6個鐘內變成咁，我係唔相信，我唔係唔接受。我嘅感覺係，喺政府醫院，輕症嘅等到變成重症；重症嘅等到無得救。」Cindy示意，不會終止丈夫的生命，也不會放棄治療，會用她的方法「喚醒」丈夫。

植物人丈夫　何去何從

Cindy丈夫最後雖然保住了性命，卻變成一個沒思想、只剩一副軀殼的植物人。住院一個月後，醫院通知Cindy由於床位不足，胡先生必須出院，但Cindy在社區甚至內地都找不到一間院舍肯收留她丈夫，糾纏了九個月，在院方單方面申請了胡先生的監護令後，Cindy迫於無奈接丈夫回家親自照顧：「究竟有幾多植物人係返咗屋企？或者係喺醫院？無人答到我，你要趕我出醫院嘅時候，你有無畀我一啲確實資訊，話畀我知應該點做？係無。」

「消失」的頭骨

「我問可唔可以安好丈夫頭骨再出院，醫生話無必要，因為佢係植物人，無危險性，我問『咁頭骨點呀？』，佢哋答『可能揼咗啦』。」對這個解釋，Cindy感到很不解，亦令她情緒很波動：「好多事我可以諒解，但我絕對接受唔到不解，喺醫療、社福甚至法律層面，都幫唔到我嘅時候，我就好似孤軍作戰，完全無兵器任由踐踏。」

賣樓醫丈夫

Cindy一家原屬於中產，但丈夫出事後，面對龐大的醫療開支，她只好將唯一的自住物業出售，但都無怨無悔：「我話初初會用兩年時間，我耗盡所有積蓄都無問題，咁兩年佢有進步我就繼續落去。」就是這樣，她一個人在家照顧植物人丈夫足足五年，丈夫由最初要用胃喉進食變到可以用口再吃東西，甚至可以拿到乒乓球拍，這對植物人來說都是很大的進步。

「暈住做，醒住瞓」

但她丈夫的進步並不是偶然，亦不是「奇迹」，而是Cindy用一雙手及自己的健康去換取的：「兩個鐘轉一次身，佢嘅被單係全部濕晒，得我一個人，要同佢換都幾吃力。」因為沒有工人願意做這照顧的工作，除了女兒課餘時幫忙，以及社署提供的家居護理和陪診服務外，Cindy基本上是一個人24小時照顧丈夫：「暈住做，醒住瞓，真係做到暈，一日24小時咁做，夜晚瞓覺要好醒瞓，因為佢隨時有狀況出現。」

用自己健康換丈夫健康

「對眼啱啱做完手術，淋巴有癌細胞，肝臟亦都有腫瘤，依家做緊化療，成個人真係好攰。」照顧了植物人丈夫五年，Cindy身體終於發出警號，今年1月身體多處部位發現癌細胞，幸好因為丈夫的狀況改善了，2月終於獲安排送入社署資助的安老院。

Cindy自身難保，過去幾個月未能經常去院舍照顧丈夫，丈夫的身體狀況又退步了，需要重新用胃喉進食，Cindy就希望當自己打贏癌魔後帶丈夫回家：「可能做一啲精神上嘅支持，體力上我都無信心，好似頭先推完佢我都幾辛苦。」

犧牲了女兒

Cindy丈夫中風最終變成植物人那年，他們的女兒剛好17歲。爸爸作為家庭經濟支持，突然倒下了，女兒原想不讀書出來工作幫補家計，但Cindy堅持要女兒完成學業，亦催促她畢業後盡快結婚，女兒聽她的話，去年和男友拉埋天窗：「我唯一可以犧牲嘅就係個囡，我嘅精神已經去唔到付出咁多關心，我都安心因為佢好聽話，依家佢兩邊走都好辛苦，又要照顧爸爸又要照顧我，但佢都無怨言。」

出書助同路人

作為植物人照顧者，Cindy一路走來跌跌撞撞很辛苦，有見於在香港有關植物人的資訊嚴重匱乏，於是她將過去照顧丈夫的經歷，寫成《真空》一書，希望讓日後的同路人，多一點指引：「我希望呢啲訊息可以畀佢哋起碼喺決擇上，點樣行佢哋嘅路，比較清晰少少。」

今集《港。故》用8分半鐘，由這個有血有淚更有愛的植物人照顧者，告訴大家幸福並不是必然的。

-------------
《港。故》：東網每周專題習作，講故事、講香港人的故事，請關注《港。故》fb：https://bit.ly/oncckonggufb