【龔成問答信箱】（Q22481-Q22500）
Q22481：
老師，如果我找你私人教學股票，可以？我想有機會私人向你好好學習。
我可以自己做到快速睇完一份財務報表就知道呢隻股票會升定跌，我本身都有一定的股票知識。
另外，其實你認為股票算唔算是一種技能和手藝？？
因為我較多時間放在研究股票，但啲人成日話我不務正業，又講股票等同於賭博。但我自己認為喺一盤生意。
龔成老師：
抱歉，我教學10年，都是大班教學，一次過令多人得益，而不提供私人的教授。
始終我一個人的時間是有限的，我要想想如何在相同時間，令最多人有所得著。
這與你是否有實力無關，而是我本身的時間問題。
我過往做過銀行、證券行，當中都要用到股票知識的，你現時擁有技能，其實可以好好發揮。我建議你大量閱讀，增加你的知識，然後再上我的股票班。
------------------------------------------------
Q22482：
老師，你好！因承繼了家人的股票遺產，我地想買樓所以已沽了一部分的股票，現在還持有以下的股票，想請問老師的意見
01398
01813
00005
01888
03333
00939
02689
03913
01288
02380
03377
00941
02238
00175
00388
02238
02314
02689
02800
03988
06837
因不想持有過多的股票，請問邊隻股票合長揸？有邊隻股票可以現時/近期可沽？適合賣出的價位係邊呢？請指點
龔成老師︰
1398, 0005, 0939, 1288, 2380, 0941, 2314, 3988係收息股類，增長力不高，主要只係收下息。若你係年青至中年，這類股票不宜持有太多，你可沽出大部份。相反，你都將近退休之年，這類股票你應保留，去為自己創造現金流。
3913, 2238, 0175, 0388, 2800這些股票較有質素和增長力，若你係年青至中年，這類股票建議保留。若你較年長，就不宜持有太多。
1813, 1888, 3333, 6837風險比較高，唔建議持有太多，你可以沽出部分。
2689, 3377質素較弱，建議沽出。就算相保留，都只宜好小注。
現時這些股票，大致上都在合理價位，未算好貴。但無人會知，幾時先去到一個好貴架水平，所以我建議你有策略地，去慢慢出貨。
你唔好等到要買樓先一次過沽，最好係分段，每距一段時間就沽少少。例如你一年後會買樓，可能你就每2-3個月就沽少少，以減低價格波動，所造成之影響。
------------------------------------------------
Q22483：
你好，龔Sir,小弟睇完你兩本著作獲益良多，正在步處未來十年財務計劃，希望可以盡快財務自由，希望你可以俾d意見小弟。
我和太太42 歲，三年前買了一層公屋450萬，收租$1.1萬（三成首期）
一年半前買了一個$760萬單位自住（2成首期供30年）
家庭月入10萬，扣除開資每月儲蓄3萬，手持現金$400萬，目標希望可以盡快把自住物業供完千+每月有被動收入5萬，應該可以退休。
請問應該如何投資及要花多少時間才能達成以上目標呢？
龔成老師︰
由於你現時財富組合，已經有2個物業，因此我地係未來進行增值時，會先集中係優質股上，以免成個財富組合，太偏重物業類，而造成風險。
如果你希望8年後每月有5萬蚊現金流，以股息率6%計，你需要本金1000萬。
以你42歲，可以選擇一些「平穩增值股」+「潛力股」作投資目標，去累積這筆所需資金。
以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。
如果你現時無太多投資經驗，潛力股這類風險較高的股票，你就不要持有過多，最多維持2成好了，甚至先集中係平穏增長股類。
若你有一定投資經驗﹐潛力股比重可以相應調高，佔組合約3-4成，視乎你投資經驗多寡和了解這些股票程度而定。
大市現處於合理水平，那400萬資金，你可以先用100-150萬，以"分注"形式慢慢入貨。餘下資和每月儲蓄，就等大市有明顯回調，才慢慢大力度掃貨，並長線投資。
我假設投資回報有10%（連股息再投資），你每月投資$30000 + 400現金，10年後大約會增值至1600萬，這樣安排相信很大機會達至你的財務目標。
------------------------------------------------
Q22484：
老師，記得你叫唔好破產
但又差卡數 又有貸款 唔知點搞好
龔成老師：
第一，提高收入。
第二，減少支出。可以剪去所有信用卡。
第三，債務重組，將高息負債轉到較低息。
第四，定一個還款計劃。
------------------------------------------------
Q22485：
你好，請問 2814 三星 現價值得投資嗎？
龔成老師：
三星FANG ETF（2814）的投資目標，係追蹤NYSE
FANG+指數的表現。是一個美股潛力股基金。
首先，FANG+係代表美國上市多隻領先既科技股票，即係代表Facebook、Amazon、Netflix、Google，而該指數會再加上其他科技股，如Twitter、Tesla、百度等，即是全球處最前列的科技類公司。
這基金是一個潛力基金，長遠正面，但要留意價格會較為波動，加上近年科技類公司上升左唔少，因此現價唔算平，建議以月供的模式投資，或少注好了。
買入後長遠持有。
如果同時持有香港上市的科技股，再加上這基金，能有平衡配置的效果。
------------------------------------------------
Q22486：
你好！龔成老師！我係你fans。我想揀隻收息股，現價買入659，6823定939好？
本人30出頭
龔成老師︰
若果以收息股黎講，建行(0939)和香港電訊(6823)，質素上會較高，現價合理，可以分注。
但當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時30歲出頭計，是財富增值的黃金時期，應該先集中投資「平穏增長股」和「潛力股」這類增長股，而唔係收息股。
你應該係先用增長股，去累積大個財富。到你退休時，才換成收息股，去創造穏定現金流，支援退休生活。
------------------------------------------------
Q22487：
你好，我本身有買你嘅書，都有睇你yt 嘅片同留意fb。
我同女朋友依家23歲，兩個人加埋只有40萬，希望5年內儲夠130-150萬，未入過市，想入。
有留意你話要買「潛力股+平穩增長股」，想了解下京東物流、中國龍工、中國銀行、中芯國際、華虹、領展呢幾隻股票如何，值得入貨嗎？
幾多價位先算合理呢？早幾日大跌市冇建倉有啲後悔
龔成老師︰
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
你23歲，應以增值為主，可以用一些「平穏增長股」 + 「潛力股」作組合，去創造一個增值平台。
京東物流（2618）和中芯國際（0981）質素係有，但未到最高質素，只宜小注。前者在合理區，而後者要等佢回多少少，才好開始慢慢入貨。
中國龍工(3339)質素只係中等，現價合理，但不值得太大注。
中行(3988)係收息股，增長力唔會太強，主要係收下息，不適合你年紀。
虹半導體（1347）有質素，發展不差。但現價有少少貴，回翻D才開始慢慢入貨，會較好。
領展(0823)有質素，現價算合理區頂，可分注。
其實我地投資優質股，一般預期年均回報大約10-15%。要單憑40萬，5年內累積150萬，係有點難。
建議你，再加上每月用$12000月供優質股，我假設投資回報有10%（連股息再投資），你每月投資$12000 + 40萬，5年後大約會增值至150萬，這樣安排相信很大機會達至你的財務目標。
策略上，你可以投資「平穏增長股」和「潛力股」。你每月5成儲蓄，即是用$6000做月供。其餘先儲起，用一邊月供一邊儲蓄的策略。
若你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。
若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。
現時大市只是合理區，你現有40萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。
------------------------------------------------
Q22488：
龔Sir先前上完你堂明白價值投資道理，但700仍高位五百幾買入，見現在一直下跌，上了堂仍不懂補捉合理價而且現在一直下跌，
所以恐慌此股能否上回五百幾，是否要四百幾時止蝕，本身認為它是有質素的，但看完一堆股評人說好像會跌至三百幾而且好難上返去五百，
因此現在好像沒信心自己先前是選了優質股，好像選擇錯誤入了的心情。但你上堂時分享了比亞迪跌至底點仍持有的心態，好像有點困難學到。
所以想知道現在騰訊俾中國政府這樣大壓，而且北水同外資同時流走，那股價是否不能上回去，因為股值已經不是當初計的這樣，如果重身估值將可能是大跌了，
那賺錢優質股會否變成無法上升回去的股，希望老師指點下，謝謝
龔成老師︰
你要學識分辨企業質素和價格之餘，都要學懂冷靜分析大市現狀，和一些發生的因素。
就好似近期股市大跌，主要係中央一系列政策出台，加上大市氣氛較弱，令不少優質股都出現較大調整。但我地要了解翻，這些因素，係唔係會對企業造成長線影響。
騰訊(0700)的確係會對佢賺錢能力，有負面性影響。
所以，估值上會減，同時如果持有太多貨，可能要略為減持，因此政策對佢長遠有影響，影響了賺錢能力與估值，不過，未到核心性影響（即是未去到令企業無錢賺、無優勢，而是賺錢能力略減）。
但由於企業有一定規模和質素，相信佢長線會適應到這些新規則，令業務重回正軌。
我暫時唔見到，騰訊長線投資價值有明顯差，現貨可持有，相信回翻上去5XX，唔係大問題。但你預佢中短期，個股價一定會好波動。但只要你目標係長線，咁就無問題。
------------------------------------------------
Q22489：
如果有500萬，全部買港燈成世收息係味最好，唔想煩。無今多時間，成日心驚驚 驚d錢變廢紙
買左50隻穏健收息股本書，重有咩會適合我架
龔成老師︰
港燈(2638)係有質素收息股，適合你家人退休之用。但完全集中晒係佢身上，就唔係咁理想。
任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。
因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。
特別係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。
若你不太懂選股，你可以集中未來恒生高股息率（3110），大約佔6,7成，再加上幾隻不同行業的收息股，咁會較好。
如果你真係完全對這些收息股，無任何概念，你才100%持有3110。
但你緊記，現時大市只在合理區，未到好平。你只宜先用一半資金，分多注去慢慢入市，唔好貪快一次過入晒。
我地要分開多注，去平衡價值波動所帶來的風險。而餘下一半，就等大跌市才出手。
以下是我的13本書：書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。
《80後百萬富翁》（第9版）
《80後2百萬富翁》（第4版）
《80後3百萬富翁》（第2版）
《財務自由行》（第7版）
《大富翁致富藍圖》（第5版）
《50優質潛力股》（第4版）
《50穩健收息股》（第3版）
《50值博倍升股》（第3版）
《股票勝經》（第3版）
《選股勝經》（第2版）
《年報勝經》（第2版）
《5年買樓4部曲》（第2版）
《80後千萬富翁》（初版）
除了50隻收息股，建議你首先睇埋以下3本，之後再睇其他。
《80後百萬富翁》
《股票勝經》
《財務自由行》
------------------------------------------------
Q22490：
您好，龔sir，我今年26歲，月薪2萬。無投資經驗，又想資產增值，會睇下啲行業龍頭股，一年前心急入左市，依家9成資金用左黎買阿里巴巴
因為股價一直跌我又一直買，依家買左30萬貨，平均會242元，不過佢長期低位，我唔知應該一直等，定依家低位放再轉下其他股，又應該持有咩組合？希望指點一下，感謝！
龔成老師︰
其實你買入一隻股票後，買入價已經唔重要。你是否持有，應該係睇佢質素，有無長線投資價值。如果有，帳面虧損唔洗太在意，因為佢長線會增長，慢慢令價值提升。
你26歲，投資應以增值為主，阿里巴巴(9988)係合適。
但問題係，我地唔好成個組合，只集中係1隻股票身上。
最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。
同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。
因此，你要沽出部份，換碼至以下增長股。未來新資金，都可以用以下「平穏增長股」 + 「潛力股」作目標。
由於你係初學者，對企業估值，點去定平貴未必太了解。我建議你先利用月供模式，去建立一個股票組合，以減低買貴貨風險。
現在你每月先用5成儲蓄做月供。其餘先儲起，用一邊月供一邊儲蓄的策略。
由於你投資知識不高，因此可較集中在平穩增長類股，至於潛力股，只宜小小注(不多於3成)。最好是你先提高投資知識，等到你有一定知識和經驗，才慢慢增加潛力股比例(大約5成)。
餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。
------------------------------------------------
Q22491：
老師，想請教有關1024快手，我277數蚊買了很多貨，之後不斷跌，有咩對策？隻股前境仲好喺嗎？謝謝指點
龔成老師：
快手（1024）有兩大問題，第一，佢一直都貴，現價仍唔平，你在高位重貨，其實要在反彈減持。第二，政策因素，對佢賺錢能力都有少少影響，不過，佢仍是有質素的，未到劣質類。
係全球數一數二大的直播平台，絕對是一隻優質股，有獨特性，有客戶群，有潛力，長遠的發展力正面。這股有長線投資價值。
快手與業務夥伴合作提供了一系列產品和服務，於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等。
快手科技已建立了穩定的用戶，在全球已佔據了重要的位置，企業有一定的優勢，以及獨特地位。加上用戶仍在快速增長，以及增長趨勢仍持續，預期有一定的發展。
雖然這刻盈利不多，甚至因加強發展業務而出現虧損，但這類股的分析特點是將來，等之後的收成期。
由於已擁有一定的優勢，以及仍增長中，企業要將用戶化成現金並不困難，只是時間問題，以及多少問題，預期2022年盈利模式已穩定，同時有一定的盈利。
簡單來說，企業有質素，有發展，但不宜持有太多貨。
------------------------------------------------
Q22492：
老師你好啊！ 今天大市跌了千多點，我分注買了幾隻股票，也想你對我的組合給予意見。謝謝你。
月供股票：
中電：521 @$87.6 （這隻已停供了，在高位時供的）
煤氣：1827 @$14.08
港鐵：984@$43.93
粵海：1168@$11.89
領展：326@$78.8
中生：5097@$7.11
盈富：488@$28.28
分注買入：
福壽園：2000@$7.2
金沙：[email protected]
阿里巴巴：200@$196
3067：1000@@17.23
組合共11隻，會否太散？
而大部份買入價都略高，所以現在賬面都是蝕的。 希望老師有時間可以給予意見，謝謝你
龔成老師︰
你現時持有股票和月供組合，都係有質素，買入價大致都合理。若你係年青至中年人士，這些股票都係合適的。
你要記住，就算再優質股票，中短期都會出現波動，只要質素無變，你唔洗理佢帳面虧損，照持有就可以。
組合有11隻股票，又少少多，勉強可以。
由於上述的股票都是有質素的，因此，不用改變，投資要長線，你保持進行就得。不用理短期的股價波動。
------------------------------------------------
Q22493：
老師，多謝你之前比既議建。另外改變左投資既方式，都開始睇緊你既書吸收知識。呢半年我同男朋友都為左將來煩腦緊，一直15/16唔知點決定買樓定租樓既問題
我地兩個分別37同39歲， 兩人月入$63000 因為黎緊想結婚，所以打算搬出去住， 兩人家用同保險供款$25000左右 ，一個月可儲$38000
1/ 想買細價樓 $520萬樓下 但唔知手頭既錢夠唔夠 定 應該租兩年樓 用手頭上既錢黎增值下
2/ 手頭有110萬cash , 股票39萬
如果要租樓 股票同cash 應該點分配
1038 長基建 - 500 $46
388 港交所 - 100 $508
2800 盈富 - 500 $28.956
3067 安碩 - 558 $17.458
1475 日清 - 9000 $7.348
1337 雷蛇 - 10000 $2.58 (準備放)
3399 粵運交通 - 1000 $4.96 (準備放)
700 騰信 - 100 $565
1810 小米 -2000 $24.277
3690 美團 - 100 $204 (準備放)
9988 阿里 - 100 - $279.4
241 阿里健康 - 2000 $27.2
年頭開始做月供，依家供緊
2800 -$2000
3067-$1500
1810 -$1500
想老師比d 建議我哋
龔成老師︰
以你2人收入，做9成按揭供25年或以上，應該可以供到520樓下的物業。當然最終你要睇埋，銀行佢地審批、估值、當時息率，才會知道最終結果。但粗略估值，應該可以。
至於先置業定租屋，你可以睇翻在你能力範圍內的樓盤，能否滿足你生活需要。講緊唔係而幾年﹐係未來20年。如果可以，你地又有信心長線「供得起」，咁就無問題。
但從資產平衡配置角度，你在買樓同時，必需留有一定股票，以免財富組合過於偏重物業類，造成過度集中性風險。
若你決定先租屋，去要增值多D本錢，才去置業。你可以用「平穏增長股」 + 「潛力股」作組合，去創造一個增值平台。
現時你組合和持股，都係合適。但當中的粵運交通（3399）質素未算強。美團(3690)、阿里健康(0241)、雷蛇(1337)不確定性較高，這4隻股票，不宜持有太多。
你可以減持少少，但不至於要全數沽出，因為佢地唔係無質素，只係風險較大，要控制注碼。
另外，現在你現時月供金額有點少。建議你用每月先用5成儲蓄做月供。其餘先儲起，用一邊月供一邊儲蓄的策略。
大市現處於合理水平，那110萬資金可以多用30-50萬，以"分注"形式慢慢入貨。餘下資金和每月儲蓄，就等大跌市機會出現，才大力度掃貨，並長線投資。
而租金部份，你就唔好去投資，直接留起現金去支付。
------------------------------------------------
Q22494：
龔老師妳好，首先祝你事業和運氣蒸蒸日上！我想請教一下，我有本金300萬左右，沒有投資經驗，想買一些保本的產品，目標是有4%回報和安全
之前聽你說買2800，我也打算買，不過我想買幾種產品以策安全，請問你有甚麼投資策略可推薦嗎？感謝！
龔成老師︰
其實完全保本產品，係現時低環境，你基本上係唔會找到4%。
如果你想完全保本，你可以考慮做定期、A級債券、年金之類，但唔會有4%，而且債券都有違約風險。
至於我講的盈富(2800)，或者一些優質收息股，佢地係相對穏健。但始終都係股票，一定會有股價波動，無可能做到保本要求。
而且，你現時才22歲，十分年輕，風險承受力應該較高。就算你無投資知識，都可以透過有策略地投資一些優質股，去進行增值。
你22歲，應以增值為主，建議你用「平穏增長股」 + 「潛力股」作組合，去創造一個增值平台。
平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)。如果有投資美股，可投資VOO。
或潛力股︰安碩恒生科技(3067)、中生(1177)、福壽園(1448)、小米(1810)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。如果有投資美股，可投資QQQ。
由於「潛力股」係需要一定經驗和有一定波動性，如果你經驗較淺，可以先小注，大約佔組合3成左右。若你係有一定經驗，你可以投資到約5成比重。
大市現處於合理水平，那300萬資金，你可以先用30-50萬，以"分注"形式慢慢入貨。餘下資金，就等你提升投資知識後，再慢慢因應市況，加大注碼，並長線投資。
另外，除了用現有資金，我都建議你用每月儲蓄，進行月供股票，去加快你財富增長。
策略上，你每月先用5成儲蓄做月供。其餘先儲起，用一邊月供一邊儲蓄的策略。餘下一半，就等大跌市時，才出手入平貨。
------------------------------------------------
Q22495：
想問老師，點睇私樓與居屋?我目標係馬鞍山 首選新港城，呢一年升幅太誇張。337實呎2房已經要670萬起跳（議價可能650萬都得），計埋裝修30-50萬，差不多用盡2人儲蓄先比得起
而居屋可以4xx呎5xx萬，但我擔心過多十年會甩皮甩骨 始終質素不及私樓。
但我地深信10年後300呎係唔夠住 有了小孩一定要換大啲
依家好忐忑不安 唔知買咩先啱
龔成老師︰
如果你買入新港城，要資金盡用，其實唔係咁理想。我比較建議，係買樓同時，都可以留有一定資金和優質股作增值。
其實，居屋投資價值不及私樓，但勝在入場費較低，令你可以有更多資金空出來，作其他投資。所以，作為自住樓，居屋都有佢存在價值。
你可以睇翻你長線生活需要(10-20年)，如果4xx呎係可以，而佢質素又唔係太差，其實你選擇居屋都無問題。
相反，如果4xx呎都係唔夠住。你就可能先買一個較細單位(私樓/居屋)，去暫住。同時間，用優質股保持增值，等將來可以細屋換大屋。
另一個方法，就係唔買屋住，直接用優質股增值，之後買理想物業。但就有一個風險，就係萬一股市跑輸樓市，你買樓成本變相會升左。
選擇那一個方案，你可以睇翻自己人生計劃和實際情況，去作決定。
------------------------------------------------
Q22496：
我今年27歲，每月可以儲1萬5千，現時流動資金約15萬
股票持有：
騰訊$492 100股
雷蛇$2.5 15000股
金沙$31.52 4000股
海螺水泥$42 1500股
香港寬頻$11.3 10000股
安碩恆生科技$18.07 1500股
我現時投資組合可以嗎？
我另外想儲錢買樓、我應該買居屋(假設實抽到)定私樓好？
龔成老師︰
你現時才27歲，應以增值為主。你現有持股，大致上都適合。
雷蛇(1337)不確定較大，唔建議你持有咁多，最好沽出部份，換至其他有增長力的優質股。
香港寬頻(1310)主要係收息，唔適合你年紀。
現時大市只在合理區，你現有15萬就等大市有明顯回調，才慢慢加注。
至於置業方面，居屋投資價值，比私樓為低。但由於佢售價跟市場價相比﹐係有折扣。
你考慮時，可以從長線角度去考慮，邊個方法先至可以令我地，有較多現金流空出來，作投資增值。
因此，從財富增值角度，居屋係值得考慮。
所以，其實無話邊個明顯較好。若係自住樓，你可以考慮埋邊個物業，可以配合你長線生活需要，而且又有信心"供得起"，去作最終決定。
------------------------------------------------
Q22497：
龔老師，你好，想請教你。我有100股阿里巴巴，買入價是$287，應唔應該現在再買入100或200股呢？或者，會唔會應該將資金買入小米（冇貨在手的？
另外，想問下，如果吉利及渣打，應該選擇邊隻好？我有400股渣打，買入價50.5。本身是沒有其他銀行股的，亦沒有任何車股。
麻煩晒你，更加多謝你，得到你的提醒，及看你的書，知道應看企業質素，買入優質股，沒有因股市大起大落就情緒波動。
龔成老師︰
從現價計，阿里(9988)算係合理區中間，而小米(1810)仲有少少貴，要回多1成倒，才算開始合理。
以平貴水平計，你係應該加注阿里(9988)。但你要考慮多一件事，就係持股組合平衡性。
如果你本身資金不多，我建議你分少少去買小米(1810)，去分散風險會較好。如果你資金較充裕，尚有2,3注資金係預留入阿里，現價可加1注。
至於吉利(0175)及渣打(2888)，我會建議等入吉利(0175)，但現價略貴，要等佢回多1,2成才好開始入貨。
而渣打集團（2888）質素只是一般。
雖然未到劣質，但質素不高，但本地銀行股中，賺錢能力算是較弱。加上銀行業近年的環境不及過往，賺錢能力不及以前咁好，相信佢之後，都只是好基本增長，不要對股價有太多期望。
投資價值只是一般，我會建議你慢慢換至其他銀行股較好。
你可以考慮恆生(0011)或中銀香港(2388)，現價合理。前者係收息為主，加少少增長。而後者增長潛力會較強，但風險都會略高。
------------------------------------------------
Q22498：
1: 老師，我想問下，如果想用nav來衡量股價的高低，除左地產同銀行類，仲有冇其他行業係適合？
2：老師，想問這幾天都跌了咁多，最大持倉可加到幾多成？
3：老師，我自己計9698估值係下限大約60附近，依家跌穿左咁多，但我又真係唔認為我計錯，因為我都綜合左好多卷商報告，想問算唔算係恐慌式下跌跌凸左？
4：另外承上題，第3題，通常呢d殺錯價，係未好快會升番，因為我又諗，冇理由咁好比個錯位我地慢慢買，我呢個諗法岩唔岩？
龔成老師︰
1) 一些資產可以明確反映到佢價值和賺錢能力的股票，其實主要係地產同銀行類，有部份製造性行業，都可以用到。但你要先了解清楚，佢資產價值，有多大程度可以反映佢賺錢能力。
如果係有好核心性影響，你才可以用市賬率去分析。
2) 無大變，大致持有3-5成現金等機會
3) 萬國數據（9698）有質素的。
佢的業務為開發及營運數據中心，根據佢公司提供的資料，佢係全中國最大的運營商網絡中立數據中心服務提供商，市場份額約2成。
現時主要通過GDS上海、GDS北京及其子公司進行該等業務。GDS北京及GDS上海各自持有經營業務所需的互聯網 數據中心牌照。
佢提供託管和管理服務，包括創新和獨特的託管雲價值主張，機房面積為266,260平方米，有一定的規模。
見佢生意有一定的增長，行業前景正面，現價算係合理區中間倒，未至於跌到好平。此股投資價值都有，但就唔建議太大注。
4) 佢幾時會上翻，無人會知。近期不少中央政策，令成個大環境多左不確定性。佢客戶當中，包括阿里巴巴(9988)和騰訊(0700)這些最近較受打擊的大企業。
故市場可能憂慮，佢生意會唔會受到影響。畢竟佢頭2大客戶，佔生意額過半。雖然年報無列明頭2個客戶是誰，但相信離不開某2間。
只能說，投資此股係可以，現價都合理，但唔好太大注。
------------------------------------------------
Q22499：
想問老師，最近研究緊新能源氫氣概念股，這些都是未來世界大趨勢？我見到有好多大國家都有實質政策扶持
想問長城汽車，金馬能源，中國旭陽，中國石化和濰柴動力都是有優質股嗎？
老師你有哪個氫能源股推介？
想問老師 我有3手阿里巴巴。依家跌穿左招股價，應該走哂3手？
受監管下，阿里巴巴本來的質素有下降嗎？
龔成老師︰
其實綠色能源，一定會係未來大趨勢，新能源氫氣有機會係其中之一。
但我地唔會因為咁，就盲目去投資一些相關概念股。因為你要本身這個能源，係有一定效益，而企業又能成功將之市場化，才有機會有投資價值。
好多時，當中央出現政策扶持時，就會造就不少相關企業急速發展，但好多時都係良莠不齊。因此，你要認真分析企業本質，才去下投資決定。
我未有研究氫能源相關股份，所以無建議比你。
如果你睇好新能源類，可以考慮GX中國潔能（2809），其目標為追蹤SOLACTIVE中國清潔能源指數NTR之表現。
當中佔最多為"半導體產品與設備"股份，約組合4成，其次是逾2成的"獨立電力及可再生電力"。
此股平貴不易分析，而且頭10大股份中，除了信義光能（0968）外，其餘都在內地上市。潛力度是有的，但會比較波動，如投資宜慢慢分注，可長線。
長城汽車（2333）、濰柴動力（2338）、金馬能源（6885）、中石化(0386)都有質素，但未算係最高。
濰柴動力（2338）不確定較大，要控制注碼。而金馬能源（6885）、中石化(0386)增長力唔高，主要係收下息。
中國旭陽（1907）無特別分析，只見之前有些報導。
佢之前公布，澄清最近涉及其於河北省定州市及內蒙古的氫能項目的若干媒體新聞報道，指定州項目試產，並擬於呼和浩特市建加氫站。
該集團指，有關於定州經濟開發區河北旭陽新能源產業園內建設運營氫氣儲運和建加氫站，有關生產基地去年7月開始試產，探索區內在氫能存儲、運輸和燃料相關電池布局機會，開拓京津冀市場等。
至於去年，該集團合營企業與呼和浩特清水河縣政府簽訂另一項氫氣項目框架協議，合作於清水河縣開展氫氣開發項目。
與定州項目相似，該集團將負責於清水河縣進行氫能生產、運輸和建設加氫站，把該市發展為華北地區氫能輸出基地。
只可以話有風險有回報的類別，如真的想投資，一定要控制好注碼。
另外，你唔好用買入價，作為判斷一隻股票優劣的標準。你應著眼佢本身有無質素，如果有，中短期價格波動，令到出現帳面虧損，係無問題，照可以長線持有。
但如果係無質素，就算而一刻是賺定蝕，你都要將佢沽出。重點分析的地方，係企業質素，而非股價上。
阿里(9988)近期受中央政策風險和大市氣氛影響，出現明顯回調。但暫時唔見長線質素，有明顯變差，現貨照持有就可以。
------------------------------------------------
Q22500：
你好呀龔sir！請問面對依家嘅跌市，我應該點變動我嘅投資組合呢？
00909@1000 (31.4)
01044@1000 (52.35)
01177@3000 (7.5)
01299@200 (92.5)
01448@1000 (7.35)
01530@1500 (9.067)
01810@400 (24)
02126@500 (25)
02158@400 (52.75)
03309@2000 (9.4)
03690@300 (331.667)
06618@300 (111)
06690@600 (28.433)
09633@600 (45)
09988@300 (235)
ibond@400
月供緊(每月每隻$1000)
00066@326 (43.4)
00388@17 (482.176)
00823@257 (70.086)
02800@498 (28.559)
03067@776 (17.372)
我明白依家嘅組合實在太散，而且資金只能夠支持我繼續保持月供股票。請問我應該蝕放D貨再趁低買其他股票溝貨定點？
唔該哂
利申：我27歲
龔成老師︰
這些股票，只要係有質素，你係應該長線持有，等佢自然增值。唔建議你咁換來換去(除非已經好貴)，如果其餘股票真係平，你可以用新資金投資。
你現時持股真係好亂，好散。未來時間，你要集中翻係10隻以內，否則你好難定期去審視佢地質素和管理。
以你27歲計，應該先做好財富增值部份。你現時月供組合，係可以。
而ibond只係收息產品，唔適合你。
你現時持股，都係有質素，但有個好大問題，就係你非常集中係醫藥股。
任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。
因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。
但你唔洗沽出，只要用你新資金，去慢慢將個比例拉翻平衡，咁就可以了。
另外，明源雲(0909)、三生製藥（1530）、藥明巨諾(2126)、醫渡科技(2158)、美團(3690)、京東健康（6618）不確定較高，雖有長線投資價值，但不宜持有太多，暫時唔建議加注。
----------------------------------------------
若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。
另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。
由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。
山長水遠黎到無理由咩都唔做 在 閱讀文章- 精華區Stephen - 批踢踢實業坊 的推薦與評價
有心人整理一下吧>>>
廟街
相士： 先生，你額有朝天骨，眼中有靈光，仙人托世，神仙下凡，終於比我等到你。(史提芬周不理會她)
相士： 咪郁，雖然我洩露天機，災劫難免，但係我命中註定，就算我冒再大o既危險，我都要同你睇個全相o既。(史提芬周仍然不理)
相士： 先生！先生！先生！先生！
史提芬周： 唔該比碗"哪渣麵"。
史提芬周： 鹼水麵冇過冷河，所以成碗湯有鹼水味。魚蛋亦都冇魚味，但係你為左掩飾，專登加D咖喱汁將佢做成咖哩魚蛋，但係咁做太天真，因為你煮o既時間唔夠，咖喱味根本只係o係表面，而冇入到裡面，掂到湯之後重要ꠊR走埋。好好地一粒咖喱魚蛋，俾你整到冇魚味亦都冇咖喱味，失敗！蘿蔔冇揀過啦，太多渣，失敗！D豬皮又煮得太淋，冇咬口，失敗！D豬紅鬆泡泡，一夾就散，失敗中o既失敗！最慘係D大腸，裡面都未通乾淨，重有舊屎，你
有冇攪錯呀？(火雞不理會他)
史提芬周： 喂！屎呀喂！(火雞仍然不理)
史提芬周： 喂！屎呀喂！(比第一次大聲，但火雞仍然不理)
史提芬周： 喂！屎呀喂！(比前兩次更大聲)
火雞： 去"抆"左佢丫！(遞廁紙給史提芬周)
史提芬周： 唔好咁幽默好喎！我四圍唱你有屎架喎！
火雞： 唱乜鬼野丫！話明"哪渣麵"有兩舊屎有幾咁奇呀？廿三蚊呀！
史提芬周： 你比我呀？
火雞： 虛！
史提芬周： 虛！講左咁耐野比番三十蚊黎睇醫生丫！
火雞： 虛！
史提芬周： 比下面丫！話晒都食神丫！
火雞： 食神？
史提芬周： 食神！
兩人對望很久，另一邊......
相士： 你額有朝天骨，眼中有靈光，仙人托世，神仙下凡，終於比我等到你啦。
神仙： 我神仙o係呢區都起晒朵架啦！駛乜你講呀！死婆！
相士： 喂！搵食姐，唔駛咁hurt我下話？
神仙： 死婆！
相士： 死佬！
神仙： 死婆！...
相士： 死佬！...
故事回到從前...
司儀： 全港至尊名廚大賽，現在開始！(眾參賽者向史提芬周鞠躬)
司儀： 有請我地今晚o既評判...食神！！
司儀： 食神首先要品評o既，就係大龍鳳酒樓o既總廚，戴龍師傅o既"皇帝炒飯"。
史提芬周： (史提芬周食了一啖)好！居然將D米釀o係箕圍蝦裡面黎蒸熟，再用原隻吉品鮑魚榨汁，加上極品官燕黎炒，表面上睇起上黎平平無奇o既炒飯，其實金雕玉砌，高深莫測，不愧有炒王o既稱號。
戴龍： 哈..哈..哈..
史提芬周： 可惜，水分太多，飯粒太軟影響口感，因為你連炒飯最基本o既常識都忽略左，要用隔夜飯炒呀炒王！零分！
戴龍： 下！
司儀： 跟住要試食o既就係錦江飯店大廚劉三師傅o既"錦繡多味魚"！
史提芬周： 嘩！居然用蘇眉頭、星斑背、三刀腩、煗魚身、奀哥尾黎重新砌成一條魚，仲要一邊蒸一邊炸，每種魚兩種食法，總共十種唔同味道，條魚真係......真係受左輻射咁喎！睇見就想嘔啦，你重話叫我食！零分！番屋
企自己檢討下！
劉三： 我...
史提芬周： 你咪就係多舊魚囉你！
廚師甲： 唔係多舊魚，你係多左幾舊魚呀！你呀！你呀！你多左幾舊魚呀！
司儀： 即刻要試食o既就係御善坊陳東師傅o既素菜"金鏤佛衣"！
史提芬周： 咦！呢味齋菜，材料變化豐富，刀工細膩，造型突出，連最難雕o既豆腐都比你雕到十分精細喎！雕左幾耐呀？
陳東： 雕左成日架啦！
史提芬周： 咁咪得個雕字！臭晒啦！你聞到嗎？
陳東： 聞到。不過..主要呢個菜式呢，顯示我快刀手o既刀工姐！
史提芬周： 唔該伸出你o既左手。突出你o既中指。(陳東的中指貼了膠布)快刀手，就切損手，好野！(將零分的牌遞給陳東)
司儀： 而家只係剩得五羊酒家大廚楊震天果味"乾坤燒鵝"姐，睇黎今次冠軍佢好穩陣啦！
史提芬周： (史提芬周將手放在燒鵝上)凍晒啦！零分！收工！
楊震天： 米住！叫得"乾坤燒鵝"，當然內有乾坤啦，其實，我係食裡面果D禾花雀咋！D禾花雀吸收燒鵝o既香味，而且保溫，o係呢個時間食，o岩o岩好呀！每一個細節，我都計算埋架！食神，你無話可說呱！
司儀： 精彩呀！今屆o既至尊名廚終於誕生啦！
史提芬周： 米住！都係零分！
楊震天： 下！
司儀： 喂！唔係下話？
楊震天： 點解呀？
史提芬周： 因為太醜樣。
楊震天： 冇可能o既，我D禾花雀係百中選一，無論身材、樣貌都係一等一喎！
史提芬周： 我並唔係指D雀，係指閣下！
楊震天： 我醜樣！(旁邊的人都點頭認同)喂！醜樣關煮送咩事呀！
史提芬周： 關事，試問見到閣下個樣，仲邊有胃口食。所以我都唔敢望你。
楊震天： 醜樣冇罪架！
史提芬周： 有罪，作為一個廚師，應該考慮到食客最細微o既心理，等於三級片o既女星，都要去隆胸黎取悅觀眾，你有D潛質，不過整左容先講啦！
楊震天： 呀......(雙手掩面痛哭)
記者： 擘開佢隻手啦！
司儀： 估唔到食神對菜式o既要求係咁嚴格架！究竟點先可以煮到一個無懈可擊o既送出黎呢？
史提芬周： 其實煮食之道，最緊要係一個字......(拿些材料在天空中劃，最後劃出個"心"字)
史提芬周： 呢味"彩虹鮮花拔絲"，係我送比大家o既甜品。
司儀： 下！係個心字！
史提芬周： 冇錯，只有用心，先可以煮到最好o既菜！
楊震天： (吃了一啖)好好味呀！
司儀： 佢高傲，但係宅心人厚；佢低調，但係受萬人景仰；佢可以將神賜俾人類o既火運用得出神入化，可以煮出堪稱火之藝術o既超級菜式！佢究竟係神仙o既化身，定係地獄黎o既使者呢？冇人知，但可以肯定，每個人都俾佢
一個稱號──食神！(被史提芬周打了一巴)
史提芬周： 你就咁神仙o既化身咪得咯！你講乜野地獄o既使者呀！地獄關我咩事呀？
司儀： 我諗住加少少神秘感比你咋嘛！
史提芬周： 你諗住？咁幾時輪到我諗呀喂？神秘感！神你老母！黑晒畫面一眼spotlight打落黎打到你條粉腸成隻鬼咁，你都仲嚴唔夠神秘感？我而家唔係拍恐怖片呀大佬！
司儀： 導演叫架！
史提芬周： 果個導演你同我搵人買起佢，跟住你再同我搵人買起你，有D咁o既廢柴導演呀！要有你D咁o既廢柴司儀大家配合埋一齊先黎"線"到我咋嘛！你而家係咪玩我呀？
司儀： 對唔住呀！我保證下次執番好D稿佢丫！我而家去改一改。
史提芬周： 廢柴！你條廢柴！你記住呀你係一碌廢柴，你唔好行番去你碌番去好呀你。
史提芬周： (走去另一邊)各位師傅，辛苦晒！
各師傅： (拍手)應該o既！應該o既！
戴龍： (史提芬周和各師傅逐一握手)心照啦食神！
史提芬周： 唔好咁講！唔好咁講！
劉三： 應該o既！
史提芬周： 多幾舊魚呀你！
楊震天： 多謝你封大利是就真！
史提芬周： 你知道收左我大利是o既咩？你知收左我錢架下話？咁你唔好成場鬼晒咁嘈啦！
楊震天： 我好投入好大聲黎講架啦！
史提芬周： 唔係大聲就好戲架楊師傅！你尤其是最嬲尾果句"好好味呀"果句呀你o益到幾硬幾假呀！盲o既都知道你做緊戲啦！你有冇職業道德架你呀？
楊震天： 當時含住你整o既水晶膠加雙氧水...
史提芬周： 咁梗係水晶膠加雙氧水啦！唔係我撩到個字出黎！你一早知架嘛呢D野！
楊震天： 好難頂丫嘛！
史提芬周： 咁梗係難頂啦！而家就係要你難頂咋嘛！你仲o係到駁咀，你以為真係有料呀？有料你企o係度插我唔係我o係度插啦！你D咁o既死蠢！你比著我兩年前唔好"老皮"，一腳"young"你落下面花園道呀，再掛o係皇后像廣댊鶞G度黎鞭屍呀！你D咁o既...(拿了一堆煙頭塞在楊震天口中)即刻同我含住D煙頭企o係角落頭，o益好好味呀o益到我滿意為止呀！
史提芬周電話響起，又走到另一邊...
史提芬周： 你個大快樂升左幾個價位喎！你唔通知我o既？
財團老闆： 係咩？我唔知喎！我自己都唔知！我發誓自己都唔知！傾番生意先，我有舊野，諗住借助你o既大名睇下大家有冇得合作下。
Richard： 即食碗麵。
史提芬周： Maggie。
Maggie： 而家市面上流行o既"即食麵"係有五十三種。一年o既營業額係有十三億，即食碗麵佔其中o既33%，競爭都好大。
史提芬周： 包裝唔錯呀！
財團老闆： 個細姪負責搞o既，佢好崇拜你架！Richard，叫史提芬哥丫！
Richard： 史提芬哥。
史提芬周： 咦！Richard好Richard喎！受過高等教育頂啦！
Richard： 係呀！美..美..美國哈佛大學。
史提芬周： 美..美..美國哈佛大學。(眾人笑)
Richard： 仲有英國劍..劍..劍橋大學。
史提芬周： 劍..劍..劍橋大學。(眾人大笑)
Richard： 雙碩士學位。
史提芬周： (拍手大笑)
Richard： 或者等我講下呢個產品o既設計丫！(走向史提芬周)
史提芬周： 你做咩呀？你行過黎做咩呀？你o係果面講你咪講囉！呢度係你行埋黎o既咩！你邊度鄉下呀？
Richard： 潮州。
史提芬周： pu li a mu！你曉唔曉規距o既姐！唉！你真係，仲話碩士學位，食屎學位咋呱！
財團老闆： 你行過去做咩姐？人地叫你o也屎呀！聽唔聽到呀你呀？
史提芬周： 喂！算啦，唔好嚇親D細姪啦！
財團老闆： 咁係丫嘛！呢個細姪我唔教，邊個教佢姐。
史提芬周： 定D黎呀你，唔好手震呀！黎！乖啦！un gu un gu，笑番。(Richard笑番)呀！！
史提芬周： 喂！你呢碗野呢，我睇D魚蛋曳D喎！鬆泡泡冇彈力o既！
財團老闆： 愛黎食姐！要咁彈做咩呀？打兵乓波呀？哈...哈...哈...
史提芬周： 邊個話...唔可以...打兵乓波姐！(將魚強三次打在財團老闆的面上)虛！原來都幾彈喎！
財團老闆： (發怒，站起來怒視史提芬周)
史提芬周： 飲杯先啦衰鬼！
財團老闆： 衰鬼！喂！呢劑野你幾時有興趣幾時搵我！赴湯蹈火。
史提芬周： 上刀山落油鑊。
二人： 好兄弟
史提芬周： 真係好兄弟呀！
財團老闆： 睇住我呀大佬！
史提芬周： 靠你啦大佬！合巹交杯！
在一大廈內。
財團老闆： 喂！有批牛肉好抵架！有需要咪打呢個電話囉！(將卡片給史提芬周)
史提芬周： 鮑魚唔見你益下我！
唐牛： 借借唔該！阻大家一陣下！我叫做唐牛，我係中國廚藝學院一百零五屆畢業生，我煮野好好食架。
史提芬周： o岩啦！煮野好食咪終須乞食囉！喂你請埋晒D傻仔唔掂喎！
財團老闆： 喂我唔識佢架大佬，唔係你D人黎咩？
史提芬周： 阿肥牛！你邊個部門架？
唐牛： 唔關事o既！我行過咋！
史提芬周： 下！
唐牛： 其實我好仰慕食神你，所以想睇下食神你有冇可能比個機會，或者比我跟住你執頭執尾丫！
史提芬周： 仆你個街！
財團老闆： "實Q"
史提芬周： 做咩姐？
財團老闆： 鎖佢丫嘛！
史提芬周： 我有話鎖佢咩！
史提芬周： 你好想跟我咩？
唐牛： 係呀！你叫我做乜都得架！
史提芬周： 即刻o係電梯痾篤屎黎睇下先講啦！
唐牛： (跑到電梯前除褲，口中含著廁紙)
史提芬周： 得o勒！呢條肥仔幾掂喎！哈哈！聽日九點鐘，上四十一樓搵Amy啦！
財團老闆： 喂！唔你下話！
史提芬周： 我鍾意呀！
財團老闆： 鍾意點就點！拿！呢D就Power呀啦！
唐牛： 多謝！多謝晒！
另一日
職員甲： 呀o也！(屁股插著一支叉)
眾人： 咩事呀？
職員甲： 老細今晚留o係度食飯，我錯左支紅酒上去，而家發晒脾氣呀！
職員乙： 你左邊支上去姐？
職員甲： 佢要八二。
唐牛： 我呢支咪八二囉！
職員甲： 我錯左支八三丫嘛！
職員乙： 咁仲唔拿拿聲上去！
唐牛： 係羅！係羅！
眾人： 你去啦！
天台
唐牛： 老細，你支八二年呀！(不小心判倒，將酒打碎)
史提芬周： (用毛巾替唐牛抹去鼻血)肚唔肚餓呀？坐底食野丫！
唐牛： 點解會咁o既？
史提芬周： 我其實係個好人黎架！我都有同情心架！你地估我唔到架！快D食野啦！
唐牛： (垂下頭準備吃東西，卻被史提芬周一手將頭按在蛋糕上)點解又會咁o既？
史提芬周： 兜口兜面同你講左啦！你估我唔到架嘛！快D食野啦！
唐牛： 下！一次咪夠囉！仲想整多次！
史提芬周： 嘩！比你估到我想黎多次我仲有面o既！咁仲得了o既！
唐牛： 係喎！我真係戇居呀！(又垂下頭吃東西，史提芬周再將他頭按在蛋糕上)我真係估你唔到呀！
史提芬周： 兜口兜面講左兩雲架啦！比你班蛋散估到我就唔係食神啦！
唐牛： 食神好野！
史提芬周： 駛乜講呀！掂呀！
唐牛： 食神好野！
唐朝分店開張日
史提芬周： 張檯有咁窄得咁窄，張凳有咁迫得咁迫米等D友坐得咁舒服，食完拿拿聲好走，支飲管有咁粗得咁粗，冰有咁大舊放咁大舊，杯汽水咪chur一聲飲完買過第二杯囉。你係咪新黎架呢D野要我教，你唔好一尾得個up做啦
仆街！
女職員： 周生，可以剪綵囉喎！
史提芬周： 好！黎！準備好未？準備好未？預備.....好！
鬼佬： Congratulation！
史提芬周： Thank You！入去食D野！
財團老闆： 喂！你間分店又開正o係我大快樂對面，認真唔話得啦！
史提芬周： Friend唔Friend呀？
財團老闆： 衰鬼！
史提芬周： 哈哈哈...
唐牛： 陣間一黎呢就有女Fans同你獻花，跟住上台呢....
史提芬周： 邊個識得請D Fans番黎獻花咁有計呀？
唐牛： 唔係請架！真係你Fans呀！
史提芬周： 下！
唐牛： 女學生，斯斯文文，等你好耐架啦！
史提芬周幻想美麗女學生，但攬著唐牛
唐牛： 周生，周生。獻花呀！
史提芬周： 係呀！我知呀！
唐牛： 黎得未呀？
史提芬周： 等你咋嘛！
一核突女學生撩著鼻屎走來
女學生： 食神！
史提芬周： 咦！有飛蝶喎！(引開眾人視線，一腳將女學生踢走)
史提芬周： 各位！我地今日慶祝唐朝第五十間分店開張典禮即刻就開始。
唐牛： 時辰亦都擇o岩晒，可以請阿灶君入廚房啦！
史提芬周： 但係我地趁住仲有些少時間呢，想同大家介紹一下唐朝新推出o既"刻骨銘心初戀金銀情侶奪餐"，孔子同耶穌都講過，"初戀無限美"，所以我地揀左呢個題材，加上高貴o既用料，每個套餐只係賣九十九個九毫九，一
舊水都唔駛呀陰功！隨餐仲要附送印花一個，集齊印花五個，再加九十九個九毫九就可以換到呢個刻骨銘心o既骨頭鏈咀，呢個鏈咀因為經我食神開光，所以對於青年男女談戀愛有妙不可言o既功效。
唐牛： 加埋印度神油仲如虎添翼添呀！
史提芬周： 哈哈哈哈哈！
唐牛： 不如請阿食神為大家示範下點整個套餐丫！
史提芬周： 獻下醜就少不免架啦！但係整得唔好大家唔好噓喎！
唐牛： 唉！整得唔好你就唔係食神啦！好野！好野！好野！
史提芬周： 首先我地要重金禮聘一啤熱戀中o既豬。吼佢唔為意將佢放血。再用佢地o既血...
唐牛： 即係豬紅囉！
史提芬周： 虛！係濃情化不開o既豬紅。做咩呀？見到D同類o既血，有多少難過呀？哈哈哈！
史提芬周： 然之後我再將佢o既皮炸成金黃色。
唐牛： 即係豬皮啦！
史提芬周： 係情比金堅o既炸豬皮！
唐牛： 咪即係豬皮囉！(眼中閃出殺氣)
史提芬周： 再將一生只戀愛一次o既"巴黎九棍魚"起肉打成魚蛋，再放o係印度o既感情咖哩上面。
唐牛： 咖哩魚蛋？豬紅、豬皮、魚蛋，有冇蘿蔔添呀？
史提芬周： 希！呢D人多事呀！呢度唔駛你，出去幫手招呼人客！唉！其實當然唔少得代表天長地久o既韓國野生蘿蔔，同埋一條盪氣迴腸o既豬大腸，再舖o係煙韌前錦o既生麵上面。
唐牛： 就一家團聚成為一碗街邊o既"哪渣麵"。
史提芬周： 哎！哎！哎！哎！
唐牛： 呢碗野賣九十九個九毫九過唔過份呀？
史提芬周： 哎！哎！哎！哎！
唐牛： 不過！一碗"哪渣麵"能夠整得好食都唔容易喎！因為越簡單o既野越難整丫嘛！
史提芬周： 呀！所以個意義就之唔係就係咁囉！
唐牛： 好！就等我試下你碗"哪渣麵"呢！
唐牛： 咖哩魚蛋冇魚味，咖哩又唔入味，失敗！豬皮煮得太淋，冇咬口，失敗！豬紅鬆泡泡，一夾就散，失敗！蘿蔔揀都冇揀過一口都係渣，失敗中o既失敗！最離譜係舊大腸，完全冇通乾淨，重有舊屎，你有冇攪錯呀？
史提芬周： 棟篤笑咩家下叫你做！叻啦！番去後台補妝先啦！
唐牛： 你咁樣做生意有冇良心呀？
史提芬周： "實Q"！"實Q"！(但"實Q"被財團老闆攔著)
唐牛： 呢舊骨頭呀！我每晚有分o係垃圾筒度執架！你夠膽賣成舊水，你咁樣呃D顧客我實在睇唔過眼！我唔會再幫你做D咁o既野架！你呢D咩食神呀？除左呃人仲識唔識煮野呀？仲識唔識渣鑊丫？仲識唔識渣刀呀？
史提芬周： 你擋住我走先！
保安： 人地問緊你野，你答左人先走得架！
史提芬周： 咩話？好野！
唐牛： 你根本就冇資格叫做食神！
史提芬周： 我唔會o係度同你撐架！你慳D啦！
唐牛： 你連o係街邊賣"哪渣麵"都冇資格呀！
史提芬周： 對唔住！你已經唔係本集團o既人。你再o係度發o急風我叫警察！你冇資格企o係我面前講野，我先係食神！你連同我挽鞋都未夠班呀！契弟！你想玩我！我唔怕疼架黎呀！我買起你全家都仲得呀！
唐牛： 你恐嚇我冇用架！
史提芬周： 有人o係度搗亂！唔準影！
唐牛： 夠膽那起把菜刀證明比大家睇你仲識煮野丫笨！
史提芬周： 我唔識？(拿起刀，但立即被唐牛一羹打走，刀將史提芬周紙板打爛)
唐牛： 身為一個廚師，你連渣刀o既基本腕力都冇。嘩！(身上衣服飛脫，露出廚師服)
史提芬周： (目瞪口呆)
唐牛： 等我唐牛黎話比你知，點樣煮一碗靚o既"哪渣麵"。(一輪雜技，"哪渣麵"完成)
唐牛： 煮"哪渣麵"都要心思，一字記之曰"心"！我先係真正o既食神！
史提芬周回想起唐牛之前對他的奉承，不禁驚慌起來，不小心把灶君推跌，這時衛生署職員入來。
衛生幫： 阿周生，有五十幾個客人o係你間餐廳食左牛扒餐，感到不適，我地懷疑你用左英國o既走私牛肉，而家請你即刻跟我地番去協助調查。
史提芬周回想財團老闆之前介紹給他的牛肉，雙手亦被戴上手扣，史提芬周不斷掙扎，回頭見財團老闆及唐牛互相對望奸笑。食神之名被唐牛奪去，史提芬周正式破產。
唐牛： 張凳有咁窄得咁窄，支飲管有咁粗得咁粗，D冰有咁大粒得咁大粒，D薯條有咁熱氣得咁熱氣，等D靚仔食完之後有咁口渴得咁口渴，呢D野你應該知唔駛我講架啦！
廚師： 咁樣對D小朋友o既健康好似唔係幾好喎！
唐牛： 以前史提芬周除左插你地之外仲有冇開拖打你地架？
廚師： 冇。
唐牛： 妖！妖！妖！妖！(將廚師打在地上狂踢)嬲得我丫！唔好迫我丫嘛！我好人黎架嘛！拉佢出去啦！
這時唐牛取代史提芬周的地位，而史提芬周則行蹤成迷。在廟街......
史提芬周： 蘿蔔冇揀過啦，太多渣，失敗！D豬皮又煮得太淋，冇咬口，失敗！D豬紅鬆泡泡，一夾就散，失敗中o既失敗！最慘係D大腸，裡面都未通乾淨，重有舊屎，你有冇攪錯呀？
火雞： 話明"哪渣麵"有兩舊屎有幾咁奇呀？廿三蚊呀！
史提芬周： 你比我呀？
火雞： 虛！
史提芬周： 虛！講左咁耐野比番三十蚊黎睇醫生丫！
火雞： 虛！
史提芬周： 比下面丫！話晒都食神丫！
火雞： 食神？
史提芬周： 食神！......唔係講笑呀真係！幫幫手丫！做兄弟，一個幾毫都好丫！拍攔擋丫！
兩人走出來將史提芬周拳打腳踢...
火雞： 算啦！算啦！
兩人： 唔好左住我地做生意丫嘛！
火雞： 得啦！點呀你？
史提芬周： 冇事！冇事！冇事！咦！見晒紅添呀真係！嘩呢鑊真係要睇醫生喎！比番多少好喎！
瘦骨仙： 玩野下話！
史提芬周： 冇野！冇野！唔好意思呀大佬！
瘦骨仙： 你玩野我同你玩呀！
史提芬周： 唔係！唔係！大家好兄弟好冇呀？好兄弟我食神呀，比下面丫大家。對唔住，對唔住，唔好意思，唔好意思，真係，真係。
史提芬周再被眾人毒打，火雞出來勸開眾人...
瘦骨仙： 夠膽出黎搵食！斬佢隻手落黎！打佢老母！
火雞將史提芬周拖入後巷...
肥雪： 咦！咩料呀？比我"中"番槌先啦！唔該丫！
火雞： 走！走！走！走！
史提芬周一直倒在後巷，後來火雞又去看他。
火雞： 肚唔肚餓呀？
史提芬周： 麻麻地啦！
火雞： 食唔食野呀？
史提芬周： 是但啦！
火雞將叉蛋飯遞給史提芬周，史提芬周大啖吃著，火雞露出笑容...
史提芬周： 碗飯......好好食呀！(將飯吃得一粒也不剩，突然聽到嘈雜聲，出面兩幫人準備講數)
神仙： 喂！仲唔幫拖！(將史提芬周拉了出去，兩幫人對峙，鵝頭及火雞坐在中央)
火雞： 鵝頭！我係個女人仔黎姐！你要蝦我就蝦啦！不過當年昆叔o既頭馬飲大左兜頭劈我一刀，比我"那"住兩把野由西頁街斬到佢落公眾四方街，有邊個唔識我"雙刀火雞"呀！阿姐十二歲出黎廟街碌，乜野風浪未見過呀！你넊aD咁o既二打六黎踩我場！你嚇鬼呀？
鵝頭： 火雞，你講咩呀？我要踩你個場呢，肯定唔止咁少人！我黎係話聲比你聽，以後"瀨尿蝦"就跟我！
火雞： 你話跟就跟呀！你估你係天王老祖呀？"牛丸"單野都未同你計呀！
鵝頭： 咁講法，食屎都得o勒！總之牛丸呢，就各有各做，瀨尿蝦我包黎做！
火雞： 咁唔駛講規矩啦！
鵝頭： 我而家就同你講規矩，總之四四六六傾掂佢！
火雞： 就同你四四六六，你地四我地六！
鵝頭： 唔係呀嘛！我撞聾呀！不如九一，我九你一！(兩幫人各自起哄)
鵝頭： 我比晒D瀨尿蝦你又點姐！你識整咩？
火雞： 我地唔識你地識咩？
鵝頭： 我地堅記o既椒鹽瀨尿蝦，不嬲都賣到出晒位o既！仲有呀，辣椒同淮鹽比例o岩o岩好，鑊油晚晚都換o既，奉旨冇油煙味呀！火爐十足，連D蝦殼都炸到卜卜脆架！
史提芬周： 咁搞法就冇左瀨尿蝦o既鮮味啦！
鵝頭： 邊個o係度阿支阿左呀？(史提芬周望著正在飲咳水的神仙)
火雞： 總之我地"白灼瀨尿蝦鮮味十足。
鵝頭： 白灼！去整番你D一pat屎o既牛丸啦！
火雞： 你D牛丸做唔掂，想"納"埋我D瀨尿蝦咋呱？
鵝頭： 牛丸你唔做我地做埋！比張好牌你都唔識上！
史提芬周： 爭咩丫，兩樣溝埋黎做瀨尿牛丸丫，笨！
鵝頭： 邊個？邊個又搭爹？阿大o係度講野邊個夠膽插咀！(史提芬周做出手勢叫神仙不要出聲)
火雞： 唔好迫我D靚，係你D靚講唔得呀？
鵝頭： 我D靚咁有家教，肯定唔係佢地講！
火雞： 係咩？
鏡頭一轉，兩幫人馬一字排開。
鵝頭： 逐個講：「爭咩丫，溝埋黎做瀨尿牛丸丫，笨！」
火雞： 有講個笨字咩？
鵝頭： 肯定有呀，我出名順風耳呀！
二人： 你講先！
手下甲： 爭咩丫！溝埋黎做...流利牛丸丫笨！
鵝頭： 唔係！你！
手下乙： 爭咩丫！溝埋一齊做牛丸..瀨尿丫笨！
鵝頭： 你！
手下丙： 我駛唔駛un下un下先講？
鵝頭： 隨你！
手下丙： 溝咩丫！哎！Sorry！
鵝頭： 講過啦！繼續啦！
手下丙： 爭咩丫！溝佢黎做瀨尿牛丸丫！笨！
鵝頭： 你！
手下丁： (用閩南話說出)別吵了！做尿尿牛肉丸就行了！笨！
鵝頭： 你講乜春呀？
手下丁： (用閩南話說出)閩南話囉！
鵝頭： "閩南話！"你番去食屎啦！
鵝頭繼續聽其他人說，肥雪則在自己練習。
鵝頭： 你！
肥雪： 爭咩呀！溝埋一齊黎做瀨尿蝦啦笨！
鵝頭： 你！(神仙忍不住笑)笑咩呀？講呀！
神仙： 爭咩丫！溝埋一齊黎做瀨尿牛丸啦笨！(一邊笑一邊說)
鵝頭： 你！
史提芬周： 爭......笨！(含糊其詞)
鵝頭： 你！(史提芬周見成功過關，得意洋洋)
瘦骨仙： 爭咩丫！溝埋一齊黎做...
鵝頭： 米住！你再講多次！(指著史提芬周)你呀！
史提芬周： 爭......笨！(含糊其詞)
鵝頭： 再清楚D講多次！
史提芬周： ......笨！(含糊其詞)
鵝頭： 陷家產！仲唔係你！
史提芬周： 喂！我咁求其你都認得出？
鵝頭： 下！你把聲咁yarp，化左灰都認得啦！火雞，你o既人呀！點睇呀？
史提芬周被按在檯上。
鵝頭： 架生！你個"懶癱"，成晚窒頭窒勢，冇大冇細，想唔愛手指尾定手指公呀？
史提芬周： 手指甲啦！
鵝頭： 下！(一刀劈下，火雞徒手接著)
火雞： o係我環頭邊個夠膽郁佢！
鵝頭： 咁即係算點呀？
火雞： 佢係我o既人，我唔攬佢我仲駛出黎行o既！(一手將鵝頭的刀撥開)
鵝頭： 咁即係唔駛講規矩啦！行開！(拿起檯向火雞打去)仆街！
火雞用刀將檯劈穿，刀鋒停在鵝頭面上，眾人亂作一團。
鵝頭： 定D黎！雞姐！我諗過架啦！總之以後瀨尿蝦、牛丸，乜Q都比晒你做，咁得咯呱？(火雞將刀移開，鵝頭等人很不服氣地離開)
史提芬周： 唔該晒你呀喂！
火雞： 做兄弟唔駛講野！
史提芬周： 好似你咁夠義氣o既人真係難搵！
火雞： (唱出)情與義，值千金，刀山去地獄去有何憾！為知心，犧牲有何憾！為嬌娃，甘心剖寸心！好兄弟！血淚為情流，一死豈有恨，有誰人，敢過問！
火雞和史提芬周坐在一起，鵝頭帶著眾人拿住架生來尋仇，但不久後三人卻坐在一起，望著一粒東西在跳彈著。
鵝頭： 瀨尿牛丸？
史提芬周： 冇錯！
鵝頭： 點解會咁彈o既？
史提芬周： 因為粒牛丸中間係空o既，原理就好似而家鞋底有氣o既Air波鞋一樣！
鵝頭： 我想整啖得唔得呀？
史提芬周： 快D丫！
鵝頭： 好爽呀！
史提芬周： 爽呀？
鵝頭： 爽呀！
史提芬周： 全靠佢咋！阿火雞姐腕力驚人，只有佢先可以打出咁靚o既牛丸，因為平均每底牛肉需要二萬六千八百幾次不停係咁"中"係咁"中"。
鵝頭： 但係"瀨尿牛丸"點"瀨尿"法呀？
史提芬周： 成粒part落去睇下點！
鵝頭： (將全粒"瀨尿牛丸"放入口中，水如火山爆發般噴出，鵝頭幻想自己在沙灘上狂奔)從來未試過咁清新、脫俗o既感覺，牛肉o既鮮、瀨尿蝦o既甜，溝埋一齊o既味道，居然比老鼠斑有過之而無不及，甚至比我o既初戀更加렊眻△e意，所謂「舉頭望明月，低頭思故鄉」，好詩！好詩！
僂儸： 喂！大佬，冇野呀你？
鵝頭： 行開，呢粒野掂呀！
史提芬周： 名我都改埋啦！叫"爆漿瀨尿牛丸"！呢劑我睇發達都似啦！
鵝頭： 講呀！你當我kai架！咁易發達，我夠會講啦！
火雞： 我信佢！應該點做？
史提芬周： 梗係開間舖頭做旺佢搵左第一舊錢先啦！
火雞： 嘩！咁我咪可以換過部最新o既卡啦OK！
鵝頭： 火雞，講出黎都比人笑啦！梗係買層樓收租丫嘛！咁先至係最高章！
史提芬周： 梗係啦！不過如果比我呢！開分店，一間變兩間，兩間變四間，四間變八間，八間之後上市，上市咪再集資囉！跟住炒股票囉！搞埋地產添丫笨！跟住，再分拆上市，到時剩係收股息我都唔知點計呀！哈哈哈...
鵝頭： 哈！
火雞： 下！你笑呀？你明呀？
鵝頭： 明就唔係好明，不過聽落就好有計呀！
三人一起大笑，史提芬周望著"食神"唐牛的海報苦笑。第二日，眾人合力炮製瀨尿牛丸，"爆漿瀨尿牛丸"正式開張，一名老婆婆行過...
史提芬周： 阿婆，整碗瀨尿牛丸試下啦喂！
火雞： 食完唔會瀨尿架！
鵝頭： 好過癮架！(阿婆被嚇走)
瀨尿牛丸一直沒有生意，價錢由$25降至免費，才有一肥護士行過...
肥護士： 免費唔駛錢咁抵！整碗走！
史提芬周： 咁咪做成第一單生意囉！距離上市集資近左一大步架啦！
肥護士將瀨尿牛丸帶回醫院，輾轉之下被厭食症病人吃掉，肥護士帶眾厭食症病人去吃，瀨尿牛丸開始大受歡迎，價錢不斷提高，更被傳媒大肆報導...
記者： 今期o既城市話題就係連群醫都束手無策o既厭食症，竟然比一粒叫做瀨尿牛丸醫番好，而o係短短o既時間仲賣到街知巷聞添，而原來發明呢粒瀨尿牛丸o既，就係飲食界o既傳奇人物，前唐朝飲食集團主席，曾經有食神稱
號o既史提芬周！(走向史提芬周)係啦史提芬周，點解你D瀨尿牛丸會咁受歡迎啦可！
史提芬周： 呀！我諗問我係唔公平o既，最好問一問D顧客為咩事要黎幫襯我啦！細路！為咩事你要黎食瀨尿牛丸呀？
手下丙： (這時手下丙穿上了校服)呀！自從我食左瀨尿牛丸之後呢！D腦筋好左好多呀！次次考試都得一百分添呀！
記者： 真係咁勁？
火雞： 啊！我食左之後咪靚左咯！哈哈哈！
瘦骨仙： 我食左之後個人明顯高左，大隻左，個自信心番左埋黎！呀！
記者： 咁你今次重出江湖呢，係咪諗住東山再起呢？
史提芬周： 東山再起？哈哈哈哈！
記者： 咁你可唔可以總結一下瀨尿牛丸o既成功秘訣呀？
史提芬周： 好簡單，好食、新奇又好玩！
記者： 好玩？點玩呀？
史提芬周將瀨尿牛丸拋到天空，跟著便打起乒乓波，這時財團老闆和唐牛在看著電視。
財團老闆： 真係要黎打乒乓波！有冇搞錯呀？
唐牛： 呢粒野呢真係......抵死得黎好夠噱喎！我都忍唔住買左兜！
財團老闆： 冇理由比佢...渣住堆野黎發圍先得架！
唐牛： 唔駛咁躊躇！始終細"藝"野，發圍極有譜丫！
財團老闆： 至怕佢發圍兼起啤咋！
史提芬周那方面正向銀行借錢。
史提芬周： 彈牙到可以打乒乓波o既牛丸喎！而家全香港邊個唔知呀！
經理： 係咪食左真係會瀨尿架？
史提芬周： 其實會瀨屎架！(眾人笑)
經理： 真係奇蹟，難得你地有咁好o既開始，但係你地晒所有野去做抵押，開二十間分店，我就覺得冒險左D囉！
史提芬周： 你覺得冒險左D？
神仙： 不如開住兩間先啦！(史提芬周將file掟向他)
經理： 阿周生，你都既然贏左第一舖咯！唔駛即刻擺晒落去再搏姐！
史提芬周： 唔好講咁多廢話啦！你識條春咩！我做生意駛你教！
經理： 問題係，周生以你以前o既紀錄，對我地銀行借錢比你黎講呢，係好困難架！
史提芬周： 我諗你係對我地隻牛丸冇乜信心姐。
經理： 話時話丫！真係未試過呀，不嬲都好少食呢D立雜野o既！
瘦骨仙： 試下丫！(經理猶疑)試下呀！
經理吃下，鏡頭一轉他已在唐牛及財團老闆那處。
唐牛： 你真係借左錢比佢？(經理點頭)
財團老闆： 唔該晒！
經理： 客咩氣丫！老細你叫到我地照做姐！
財團老闆： 哼！條靚仔"兀"起條尾我都知佢想點啦！開分店喎！
唐牛： D分店全部開o係"山卡啦"，赤臘角、沙頭角，最旺果間o係牛頭角，仲要o係地牢喎！喂你學過風水未呀？
財團老闆： 字你識睇啦呱！(電腦將分店的位置連在一起，顯示出個"死"字)睇唔睇到呀！死路一條呀！
唐牛： 多多錢都借比佢呀！等佢死得大鑊D！哈哈哈！
原來史提芬周借錢不是開分店......
財團老闆： 咩呀？講多次！
職員： 佢地晒D錢去出罐頭呀！
財團老闆： 出罐頭？
職員： 係呀！全香港二千八百間超級市場、便利店將會有得賣，所有舖頭位置o既分布圖我已經set左入電腦。(財團老闆看電腦，見分布圖顯示出"掂"字)
唐牛： 真係估唔到呀！(腦海浮現出史提芬周的說話：「駛乜講呀！掂呀！」)
在香港飲食奇才頒獎典禮。
記者： 史提芬周，咁你今次入選飲食奇才有咩感想呢？
史提芬周： 好似發左場夢咁！哈哈哈！亦都証明香港係一個..一個奇蹟o既地方黎o既，只要你努力，夢想會成真！(財團老闆和唐牛迎面而來)
史提芬周： 衰鬼！
財團老闆： 衰鬼丫！哈哈哈！(拋雪茄給史提芬周)去左邊呀？咁耐都唔call我，我以為你死左o羅！
史提芬周： 我係死左呀！但係點到你唔服呀！
財團老闆： 點解我要服呀？
史提芬周： 點估到我又番生呀得架！
財團老闆： 服晒咯！哈哈哈！
史提芬周： 喂！唔記得恭喜你添喎！
財團老闆： 哎！我地大快樂獎幾咁唔閒姐！你同班街市爛鬼都獎咁至難能可貴丫嘛！
鵝頭： 講咩呀？
史提芬周： 呢個世界鑊鑊新奇鑊鑊金呀拿！正所謂點到你唔服呀！
財團老闆： 點解我又要服呀？
史提芬周： 如果我唔呢個獎，我點有資格參加下個月o既食神大賽呀！
財團老闆： 嘩！真係服到我雙膝跪地，七個一皮咯！
唐牛： 叻仔呀！
史提芬周： 哎！我唔係想話比人聽我叻，而係想話比人聽我冇左o既野可以得番！
唐牛： (財團老闆和唐牛相視而笑)喂！等我講句真心話丫！周生你得架！但係真係比D心機學下點煮野丫！
史提芬周： 中國廚藝訓練學院，梗記得啦！報名添呀聽日！
唐牛： 好咯！我見到佢咁我就開心啦！浪子回頭呀！拿！真架下！無論你以前幾咁陰質哪渣下流賤格，只要你肯改過，我地大家一定比機會你架可？拿..拿..唔好打我呀拿！我個人講野係咁直架啦，我個好真架！我真係為你好
架！
史提芬周： 其實我成世人，就係睇漏左你一眼，(將唐牛的假鬍鬚扯下，唐牛露出趣怪的表情)你睇下佢個樣，幾咁天真可愛...幾得意...幾活潑！(一直把玩著唐牛面上的肥肉)又識瀨屎又剩咁，點估到原來食屎最叻至得架！(딊o惡大力扯唐牛的面)
唐牛： 妖！(將史提芬周推開，火雞從後拿住垃圾筒上來打在財團老闆頭上，眾人亂作一團，史提芬周一面勸開火雞，一面用腳踢向財團老闆)
財團老闆： 我要個仆街死！我要佢死！
唐牛： 好呀！比佢死o羅！
史提芬周將激動的火雞拖入廁所。
史提芬周： 定D黎！定D黎！唔好郁呀！唔好郁呀！(火雞攬著史提芬周，錫了他的面，史提芬周立即彈開，這時鵝頭等人入來)
鵝頭： 喂！o係度！o係度！全部搞掂晒！冇事！
火雞： 咩搞掂晒呀？我話有事呀！我出去刮佢！
史提芬周： 你慳D啦！你呀！郁D就開拖！我有講過郁手咩？你睇我頭丫大佬呀！你估呢度廟街呀？爛泥扶唔上"bat"！望咩呀？連我都郁埋呀！(火雞氣憤離開，眾人想前去勸他)唔駛理佢！
廟街，史提芬周、鵝頭、神仙、肥雪四人一同吃飯。
史提芬周： 兄弟！兄弟！大家都o係廟街起碼襯左十幾廿年，跟住就要上軌道、搬架步，祝我地"瀨尿牛丸"生意蒸蒸日上！(乾杯慶祝)飲杯！
神仙： 拿！我再祝你聽日...番大陸學煮送，早日學成歸黎，番食神個朵！
史提芬周： 關你叉事呀...講笑姐！(眾人笑)
鵝頭： 各位！今晚我地最後一晚o係呢條街，大家睇清楚，聽日我地殺出廟街，放眼世界！
肥雪： 雞姐話唔走個喎！
鵝頭： 火雞又搞邊科呀？
肥雪： 雞姐話「生於斯就長於斯」喎！
鵝頭： 從一而終！經典呀！要搵老婆搵呢D！
史提芬周： 知你想"chap"佢好耐架啦！(眾人笑)
肥雪： 雞姐以前好靚女架！
史提芬周： 原來佢想"chap"！(眾人笑)
鵝頭： 喂喂喂！講真丫！三年前火雞真係o答得杯落架！不過有一次同人"殺"氣，先搞到破左相咋！
史提芬周： 因咩事同人"殺"氣呀？
鵝頭： 冇人講過，真係唔知。
肥雪： 呢單野，問我啦！果日得我見到咋！昆叔o既頭馬喪彪，黎雞姐檔野食燒夜，"meet"左雞姐支旗。
史提芬周： "meet"左佢支旗？
回憶......
火雞： 邊個"meet"左我支旗呀？
喪彪： (拿著旗來呻鼻涕)
火雞： 你個仆街o係我檔口"meet"我支旗黎呻鼻涕！你老味呢度冇廁紙比你用呀？(將廁紙掟向喪彪)你問過我未呀？
喪彪： 你講咩呀？我鍾意用黎呻鼻涕呀！你吹呀？(將旗掟向火雞)下！你知唔知我邊個呀？咁同我講野！唔好"meet"佢支旗！全部將個檔口掃晒佢！(火雞以一敵眾，喪彪拿起刀斬向火雞)
廟街(現在)。
肥雪： 兜頭一刀，撻"啦"由額頭去到鼻哥窿，呢！就o係佢檔口前面咋嘛！跟住尾龍骨再中多刀，插住條孖筋，再搭住條三叉神經線，影響左大腦中樞系統，連棚牙都爆埋出黎呀！哎！雞姐個樣咁就一世啦！支旗仔真陰功！
史提芬周： 咩野旗仔呀？
肥雪： 咪你支旗仔囉！
史提芬周： 我支旗仔！
肥雪： 你當年食神支旗仔呀！
回憶：當年火雞在檔口和眾人搏鬥。
現在：旗仔呀和眾人到火雞檔口看。
肥雪： 拿拿拿！真係貼晒你D公仔海報架！尤其是佢鍾意你抱BB仔個廣告呀！話你好有愛心。真係你天字第一號忠實Fans黎架！
這時食神想起唐朝分店開張那日那個學生妹。
鵝頭： 喂！咁呀真係恭喜晒喎！
史提芬周： 哈哈！
鵝頭： 哈哈！
火雞： 肥雪！你講咩呀肥雪？(火雞打扮野艷的出現)我問你講乜野呀？叫你唔好講架嘛！(史提芬周不斷抹汗)
肥雪： 其實係佢叫我借D倚講比你聽架。(細聲對史提芬周說)
火雞： 不過既然講左就算啦！又唔係咩醜事，唔...真係好"閔"o既姐！(很姣地說，史提芬周嚇得站不穩)咦！你聽日自己一個番大陸喎！冇人陪你咩？我陪你丫！(做出很姣的動作)
史提芬周： 的士！(很敏捷地走上的士離去，火雞傷心落淚)
史提芬周抵達湖南，和鵝頭通電話。
鵝頭： 你o係邊呀？
史提芬周： 仲有o係邊姐，o係大陸囉！
鵝頭： 唔駛雞咁腳走呀嘛？火雞話晒對你有情有義丫！
史提芬周： 喂！唔好講咁多無謂野！而家我搵唔到中國廚藝訓練學院呀！
鵝頭： 唔你呀嘛？我搵人check過有個喎！
史提芬周： 係呀係呀！乜都有呀呢度，廁所又有呀！少林寺又有呀！係冇中國廚藝訓練學院！
鵝頭： 冇理由o既！大傻個細妹個老母個大佬個仔話有個喎！米啦！你番黎先啦！
史提芬周： 仲番黎！我而家著緊草呀你知唔知呀？
鵝頭： 唔駛驚喎！火雞依家都唔o係度，你走左之後佢都失埋蹤啦！
史提芬周： 去左邊呀佢？
這時發現火雞正向自己奔來，立即拋開電話逃走，一輪追逐，終被火雞抓到。
火雞： 捉到你啦！終於......捉到你啦！哈哈哈哈！咁都捉到喎！哈哈！
史提芬周： 咁點丫？咁點丫？
火雞： 我買左好多日用品比你呀！你上次走得咁快，我都比唔徹你，專登上黎比你架！既然買左唔好"晒"丫嘛！
史提芬周： 多謝晒！
火雞： 喂！幫我做番D野喎！(拿出一張紙卡，在上面劃了個心)幫我o係旁邊劃多個心，再搵支箭咀穿住佢。
史提芬周： 唔好搞咁多野啦！
火雞： 比我做個紀念姐！黎丫！
史提芬周： 雞姐！大家好兄弟，唔怕坦白講，即你搞成咁呢，其實我都好遺憾，亦都好感動，但係我都唔想架嘛你明白唔明白姐？
火雞： 明！我梗明啦！黎丫！你幫我劃左先啦！
史提芬周： 劃冇問題呀！劃個心幾咁閒姐！但係大家好兄弟，好多野一定要講清楚
火雞： 喂！我山長水遠黎到呢度o益你幫我劃個心咋嘛！你咁都炸我營，你唔念下我為你做左咁多野，都念下我為你擋左咁多刀丫！
史提芬周： D野唔係我叫你幫我做架嘛！D刀又唔係我叫你幫我擋，咁查實關我咩事姐？如果你咁講，人人走埋黎話幫我擋兩刀，又話要咁，又話要咁，咁我咪好唔掂！(一人踏著單車慢慢駛近)哎！好多野整定架啦！有就有冇就
冇，係冇o既你擋多廿刀都係冇架啦！你明唔明姐？(騎單車人下車)你明唔明呀？(火雞留意著騎單車人)喂！明唔明姐？
火雞見騎單車人拿出槍，立刻推開史提芬周，兜頭中了一槍，史提芬周十分驚訝，拿了火雞手中的紙卡，走出路中，騎單車人再用槍指著史提芬周，只聽見一聲槍聲......一個月後，食神大賽。
財團老闆： 掂晒啦！
唐牛： 點會咁o既呢？百年難逢o既九星連珠點會咁翹係今晚架？九星連珠必有怪異。
財團老闆： 放心啦！佢會永遠消失。
主持： 第二十八屆超級食神大賽仲有一分鐘就開始啦！首先有請今晚o既評判，國際美食評審主席，有味公主之稱o既...薜家燕。仲有半分鐘，根據大會規定，所有遲到o既參賽者，一律取消資格，絕對冇情講，請各位參賽者就
位。
唐牛一直神色凝重地望著門口，恐怕史提芬周會最後一刻來到，突然看到一隻腳從門口伸出，以為是史提芬周，大驚，原來是主持。
主持： 我經已chack過晒，真係冇人黎，比賽即將開始。
唐牛： (鬆一口氣)仆街！嚇得我丫！
場外，史提芬周站在船頭向會場進發....
女記者： 咦！佢咪係......
史提芬周： 阿嬸！拍爛檔撐快兩步丫唔該。
阿嬸： 最快係咁架啦！
史提芬周： 咁冇辦法啦！(用輕功從船上一躍跳入會場，眾人驚訝)
史提芬周： o岩o岩趕得徹！
唐牛： 你...
夢遺大師： 阿彌陀佛。
主持： 請問你係邊位呀？
夢遺大師： 少林寺方丈，法號夢遺。(這時夢遺大師慢慢升起)阿彌陀佛，我隨風而來，隨風而去，喂！我係史提芬周老友喎！比下面得卦！喂！唔該丫！唔該丫！(原來升起是由於被警衛抬走)
主持： "實Q"！將D無謂人掟左出去之後，順便"山"窗落閘，唔好再比夢遺o既人入黎啦！好啦！最後一位參賽者亦都經已趕到，比賽正式開始。
所有參賽者立刻開始工作，只有唐牛及史提芬周在對視著，唐牛助手想拿起刀，卻被唐牛制止。
唐牛： 敵不動，我不動。
史提芬周回憶當日被追殺的事，原來那殺手正想開槍殺史提芬周時，一架車從後高速駛來，殺手只顧閃避，史提芬周逃上車上，不久後又被車子拋下山坡。
在會場夢遺大師又被拋下樓梯。
女記者： 我想問你呢，史提芬周點解搞成咁o既？
記者乙： 點解會著古裝o既？
記者丙： 點解頭髮白晒架？
女記者： 仲有呢，見佢又踩水又飛天係咪吊威也架？
夢遺大師： 師主佢已經成為左少林寺o既俗家弟子。(眾人驚訝)
當日史提芬周被拋下山坡後，無意中爬到少林寺。
夢遺大師： 阿彌陀佛。一字記之曰緣，佢與佛有緣，老納本住慈悲為懷o既心，收留左佢。
當日夢遺大師收留史提芬周後，爬上史提芬周的床，脫去他的褲...
史提芬周： 喂！你！
夢遺大師： 咪郁！你呢，就比D有毒o既山籐呢，就"吉"親，而家好在呢，就未去落到去百會穴，唔係呢，你就死梗架啦！我呢，已經同你啜D毒呢，啜到七七八八啦！而家呢就剩番呢度姐，就比我啜埋先下唔該下！
史提芬周： 行開啦！(一手推開夢遺大師)
夢遺大師： 你既然唔比我啜，我都唔勉強你。(說完慢慢「飄」走，另一和尚入來)
和尚： 你大鑊啦！方丈份人好小器架！(夢遺大師突然飛入來一掌打死和尚)
夢遺大師： 我最憎人o係我背後講我壞話。(說完又慢慢「飄」走)
在會場，史提芬周和唐牛仍然對視著，沒有行動。參賽者甲見味公主望著，突然將刀玩起雜技來。
味公主： Out！
參賽者甲： 下！
味公主： 出局！
參賽者甲： 我出局？
味公主： 而家係選食神，唔係選馬戲班小丑，食神除左煮野好食之外，台型都好重要架，你咁就想做食神呀？冇咁易！！！
史提芬周回憶在少林寺時，他想偷走，突然見到牆上現出多個人影......
史提芬周： 少林寺十八銅人？
十八銅人： 冇錯！少林寺十八銅人！得罪方丈，你想走，冇咁容易！！(史提芬周被狂毆，有銅人更拿著摺凳)
在會場。
味公主： Out！
參賽者乙： 下！點解呀？
味公主： 睇下你個樣。而家死老豆呀？苦口苦面咁，番屋企整苦瓜啦！出局！(這時味公主突然跳起舞來，吸引了眾參賽者目光)
味公主： 望咩呀？Out！
眾參賽者： 下！點解呀？
味公主： 作為一個食神，最緊要係專心一致，我只係少少動作姐，你地就企晒o係度啦！成何體統！真係令我失望！Out！出局！
主持： 若然再"foul"人出局，只怕再冇人比賽架啦！
味公主： 我自有分數！全神貫注，氣定神閒，由頭到尾都冇望過我一眼o既，只有佢地兩個，至有資格。
史提芬周： 點解要殺人？
唐牛： 你教我o既！因為我鐘意囉！
史提芬周： 放下屠刀，立地成佛。
唐牛： 哈哈哈哈哈！今日我佛就係佛，不過係整佛跳牆。
史提芬周： 乜咁o岩呀！我又係整佛跳牆喎。
唐牛： 慳D啦！咪以為染白晒個頭，著住套古裝就真係有計先得架！呀！(衫被爆開，現出古裝)我夠得咯！想坐食神個位，第二世啦！(二人拿起材料開始煮)
唐牛： 倚天切。
史提芬周： 層龍斬。
味公主： 好刀法。
唐牛： 咁快o既？降龍十八炒。
史提芬周： 打狗鏟。
味公主： 好鏟法。(這時二人的煮法機乎完全一樣)
唐牛： 我抗議，佢抄我呀！
主持： 有D咁o既事咩？
唐牛： 我做乜佢跟住我做乜。
主持： 唔係呱？
唐牛： (扮鬼臉)
史提芬周： (學他扮鬼臉)
唐牛： 拿！你見到啦！
味公主： 比賽係咁架啦！好似游水跑步咁，又咪係你做乜佢做乜，有乜好抗議呀？抗議無效！
唐牛： 死啦！(將鑊裡的東西撥向史提芬周)
史提芬周： 多謝！(用鑊接住他撥來的材料)
唐牛： 下！
史提芬周： (將鑊中的油撥向唐牛，唐牛拿了有孔的鏟去擋)
唐牛： 呀！仆街丫！(再將檯上的數把刀掟向史提芬周，但被一一接著)睇你仲有冇手接！(將最後一把掟出，史提芬周跳起將刀踢回，正中財團老闆)
財團老闆： 哎呀！
Richard： 冇事！冇事！刀背黎咋！刀背黎咋！
財團老闆： 刀背黎咋咩？超！
唐牛： 真係去左中國廚藝訓練學院？
史提芬周： 唔好扮啦！中國廚藝訓練學院即係少林寺o既廚房。你亦都係少林寺走出黎o既叛徒。
唐牛： 冇理由o既！我學藝十年，你只係去左一個月，冇理由咁勁！
史提芬周： 呢 D野好講天份。
史提芬周回憶在少林寺另一次偷走時......
十八銅人： 少林寺十八銅人！
史提芬周： 哈！衰鬼！(再度被毒打)
不久，史提芬周和十八銅人賭錢......
銅人甲： 細細地十丫！
史提芬周： 十一隻係嘛？
銅人甲： 大呀？
史提芬周： 哈哈！
銅人乙： 囡呀！
史提芬周： 我幾時先可以行出呢撻地方呀？兄弟！
銅人甲： 弟呀！除非方丈話冇野啦！
史提芬周： 咁方丈幾時先算數得架大佬呀！真係！
銅人甲： 你睇下！(指著掃地名伯)果個老野呀！十三歲果時得罪方丈呀！
銅人乙： 係咯！咪一直"困"到而家都仲"困"緊咯！
史提芬周： 姐係點呀？姐係點呀？
銅人甲： "花"大丫嘛！姐係點呀？鋤大D呀！炒呀呢舖！
史提芬周： 仆街實在欺人太甚呀！(翻檯)
十八銅人： 少林寺十八銅人！
史提芬周： 呀！(又被毒打)
史提芬周： (旁白)我唔單止o係少林寺個廚房學會煮送o既秘訣，更加o係十八銅人o既身上學會上乘o既武功。呢一"渣"金粉餅果然名不虛傳！
唐牛： 我唔信！呀！(飛向史提芬周，並一直大叫著)
味公主： 好輕功，輕功奧妙之處係可以令一個好似海狗咁重o既人，飛到老鷹咁高，其間仲可以鬼殺咁嘈。
史提芬周： (拿摺凳將唐牛打在地上，並繼續狂打)
味公主： 好摺凳，摺凳奧妙之處係可以藏於民居之中，隨手可得，下！仲可以坐住佢黎掩藏殺機，就算比差人拉到亦都銼你唔入，真不愧為七種武器之首。
主持： 希！打多兩下好啦！仲有三分鐘，因住時間呀下！(二人又回去繼續煮)
這時財團老闆拿出一個搖控器。
夢遺大師： 弊！(在會場外)
史提芬周： 弊？點弊呀？(見唐牛走開，知事有QK，立刻將手中佛跳牆拋開，卻被主持接住，佛跳牆果然爆炸。)
財團老闆： 哈哈哈哈哈哈哈哈哈！
主持： 佛跳牆整到會爆炸，係唔容許o既，應該foul你出局架啦，不過念在幾有創意幾夠噱，仲有兩分鐘咋整過個啦！
唐牛： 哈哈哈哈！仲有兩分鐘你整魚生就得，認輸啦靚仔！(發功令火變大)
味公主： 好內功！原來係用內力，加速提高溫度，使到原本要燉七七四十九個鐘o既佛跳牆，家下o係兩分鐘之內就搞掂。
史提芬周： 請問大師，一生人食過最好食o既野係咩野？
夢遺大師： 施主，呢個問題應該問番你自己。(在會場外)
史提芬周： 問我自己？
夢遺大師： 冇錯。(在會場外)
女記者： 大師呀大師，你同邊個講緊野呀？
夢遺大師： 呢D係千里傳音。(在會場外)
史提芬周全神貫注弄起叉蛋飯。
味公主： 下！呢招係？
唐牛： 九陰真經？
夢遺大師： 錯！呢招係"黯然銷魂手"。(在會場外)
女記者： "黯然銷魂手"。
夢遺大師： 呢招係施主由心而發o既自創招式，有一日，我見到施主好黯然咁o係度唱歌......
回憶......
史提芬周： (唱出)情與義，值千金，刀山去地獄去有何憾！為知心，犧牲有何憾！為嬌娃......(終於忍不住痛哭起來)
會場外。
夢遺大師： 施主佢一夜白髮，情深義重，問世間情是何物，直教生死相許，我見施主佢痴心一片，所以我就原諒左佢。(流淚)
女記者： 估唔到大師都係性情中人。(替夢遺大師抹眼淚)
會場內，史提芬周全力煮叉蛋飯，更將蛋在手掌的火上煮熟。
味公主： 少林絕學"火雲掌"！
主持： 夠鐘，比賽完畢。
味公主： (先評唐牛的佛跳牆)好香呀！
戴龍： 嘩！好香呀可？
廚師甲： 係呀！係呀！係呀！
味公主： 呢盅就係......
唐牛： 超級無敵海景佛跳牆！
味公主： (試了一口)好！好！好！呀！呢盅由內功燉成o既佛跳牆，不但火侯十足，而且濃得黎又唔滯，膠得黎又唔立，九種材料均為極品，足足有九九八十一種變化，不但香味層次不同，而且可以渾然一體，不愧為超級無敵긊猨漲繨儺臐I
唐牛： 哈哈哈哈哈！
味公主： 呢碗係？
史提芬周： 黯然銷魂飯。
唐牛： 你老醒你！叉飯呀叉飯啦！加多隻荷包蛋比盡你咪廿二蚊碗！黯咩然銷咩魂飯呀？咪懶有型啦靚仔！
主持： 荒謬！我夠膽講句，o係我面前冇 人夠膽話懶有型！唔該你靜D。
味公主： (試了一口叉燒)叉燒呀！好叉燒呀！我從來未食過咁好味o既叉燒呀！救命呀！！！
唐牛： 呀！！！！！
味公主： 叉燒o既肉汁封o係纖維裡面，好似江河匯聚咁樣，而裡面o既筋絡比內力打碎，入口極之鬆化，再配合埋火雲掌煎成o既糖心荷包蛋，舊叉燒真係好味到塵世間冇野可以形容得到架！點解呀？點解呀？點解呀？點解我食
左碗咁好食o既叉燒飯？我第日食唔番點算呀！！(暈了在地，突然流出眼淚)咦！係咩黎架？點解我會流眼淚o既？有一種哀傷感。
史提芬周： 係洋蔥！我加左洋蔥！
味公主： 呀！實在太點題啦！原來係洋蔥黎架！唔！呢碗飯食到人感動流淚！呀！唔怪得之叫做黯然銷魂飯啦！實在太黯然！實在太銷魂！實在太好啦！可惜......
味公主： (心想)如果唔係我老公唔生性爛滾，比佢地捉左黃腳雞。呀！我又爛賭貪心，比人捉到我打牌出老千。呀！最慘o既就係......
Richard： (帶著味公主的仔)叫大老丫！
味公主子： 大老！
味公主： (心想)連我o既乖仔都比佢地踢埋入黑社會。咁多痛腳比班衰人渣住黎要脅我，我......我......我......
味公主： 今晚o既食神係......唐牛！
財團老闆： 唐牛至係食神！！！Yeah！(眾拍手)
唐牛： 講咁多野始終咪又係要比我！
史提芬周： 根本就冇食神！
味公主： 下！咩話？
史提芬周： 或者人人都係食神！
味公主： 下！咩話？
財團老闆： 唔好講咁多！頒獎！
史提芬周： 老豆老母、阿哥細老、條仔條女，只要用心......
味公主： 咩話？
史提芬周： 人人都可以係食神！
唐牛： 條友輸到痴左線啦！快D同佢Call白車啦！
天上突然傳出聲音：「食神歸位！」會場四處都爆炸起來，天上射出一道光柱直入會場，原來觀音下凡！
觀音： 食神！你本來係掌管煮食o既神仙，因犯天條，而被罰落凡間受三十六劫、七十二難，今日你終於領悟到食o既真諦，真正得道。(施法令史提芬周穿上神仙服)剛才你所煮o既飯真情流露，連玉帝都深受感動，但係你動左꼊咫腄A洩露天機，本應受罰，但姑念你一往情深，故網開一面。(史提芬周扣頭)
財團老闆： 哈哈哈！哈哈哈！史提芬，你都算落本啦！玩到出神仙下話！好！出神仙又睇下點！(拿出長槍對著觀音開槍)出神仙丫拿！出神仙丫拿！
觀音： 你隻烏咀狗，貪食唔守門口，而家要將你打回原形！(施法令財團老闆變了一頭狗)
唐牛： (拿出長槍想射觀音)
觀音： 你都想試下？
唐牛： 冇冇冇冇冇冇！我唔關事架！我行過架咋！呢！呢度D人呢！我完全唔熟架！尤其是果邊渣槍亂咁"啡"果D呢！我特別唔識架！
觀音： 廢話！狗都不如！(向唐牛施法)
唐牛： 呀！呀！呀！呀！(突然一切回復平靜)
Richard： 呀！阿叔真係變左隻狗呀！！！
唐牛： 荒謬！又唔見我有事！幻覺黎姐！嚇我唔到o既！
Richard： 呀！！！！
唐牛： 呀！！！！(看到自己的身體穿了一個大窿！)
廟街。
相士： 咩都有可能o既！聖誕節丫嘛！額有朝天骨，眼中有靈光，神仙托世呀你！
睇相者： 有冇咁多神仙呀？
相士： 有！所謂舉頭三尺有神靈，其實通街都係神仙，呢！聖誕老人呀！都係神仙黎架喎！
睇相者： 哼！你都越講越離譜o既！(動身想走)
相士： 咪住！神仙唔o岩聽咪講番姻緣，睇過，所謂姻緣天註定......
另一方面。
史提芬周： 有咁o既事？唔係卦？
鵝頭： 真係呀！我地唔去睇比賽呢，都係佢叫o既！驚你分心喎！
神仙： 係呀！
史提芬周： 唔係卦？
鵝頭： 真係喎！粒子彈呢，比佢金牙擋住，不特止冇死到，醫生仲同佢換埋棚牙，順便磨埋塊面，執番企理個o麥頭添呀！
史提芬周： 唔係卦？
鵝頭： 真係喎！呢！都黎緊啦！(變回漂亮的火雞慢慢行來)
火雞： o岩唔o岩睇呀？(史提芬周默不作聲)
鵝頭： 喂！o岩唔o岩睇都講句野丫！
史提芬周： 事到如今講多無謂丫！比番你！(將劃了兩個心的卡紙飛回給火雞)
--
心若冰清.天塌不驚.
--
Origin:<不良牛牧場> zoo.ee.ntu.edu.tw (140.112.18.36)
Welcome to SimFarm BBS -- From : [211.78.15.28]
... <看更多>