【選購貓糧知多啲⁉️】長文慎入🤣
早幾日同朋友講起養貓，佢問我養貓要注意啲咩❓所以好想同大家分享吓對貓糧/貓砂嘅諗法，估唔到大家都對兩樣嘢咁有興趣，都不相伯仲，旗鼓相當，勢均力敵，難分高下..... 🤣
本身想就咁介紹自己貓貓食開邊隻貓糧就算數，但又覺得應該要有多啲資料去support我嘅睇法，所以搞搞吓就變咗篇essay出嚟😂
其實，貓🐱同bb👶🏻一樣，離唔開「吃、喝、拉、睡」呢4️⃣樣野。
今日就分享一下我對貓貓「吃」嘅睇法先😊
‼️有錯請指正🙏🏻‼️（篇文入面有好多營養成分嘅專有名詞，唔想睇請睇埋下面2️⃣段就飛去最尾睇😅）
首先，我哋要了解貓貓日常需要吸收咩營養😎。貓貓係肉食性動物，佢哋需要高蛋白質、適量脂肪同埋少量纖維嘅食物。
➡️蛋白質方面，幼貓建議40%以上，35%以下對所有貓都不太理想。
➡️脂肪都要適量，15%以下要考慮，因脂肪不足會影響毛髮同皮膚健康。
➡️纖維只需少量，因為難消化，而且唔係必要嘅，只係近乎所有商業寵物食品中都會出現，所以避無可避。多於5%容易影響胃腸道。
➡️呢度要留意，碳水化合物其實係唔重要的，因為根據調查，如果食物中已有足夠嘅脂肪或蛋白質，貓貓係可以唔需要碳水化合物已經做到足夠葡萄糖代謝。假若食物中有過多碳水化合物，會產生過多葡萄糖，並轉化為脂肪，導致貓貓肥胖，亦容易令貓貓消化不良，更會出現其他健康問題，例如糖尿病，胰臟炎或其他腸炎。所以，10％以下係最理想，25％以上就唔建議俾貓貓食喇。
➡️另外，水💧係非常非常非常重要。水佔咗貓貓體重2/3，除咗用嚟消化食物外，亦有助防止嚴重疾病，例如腎病，或者其實泌尿系統嘅問題😿。所以，貓貓一定要飲好多水，最好買會流動嘅飲水機，咁樣會易啲吸引貓貓飲水。
- - - - - - - - - - - - - - - - - - - - - - - - - - - - - - - - - -
所以，俾貓貓食新鮮肉同罐頭係最好💯，但如果餐餐都係咁，貓奴好快就會窮到連自己都養唔起💸💸💸。我哋會搵啲接近新鮮肉成分嘅貓糧（平啲丫嘛）。點先係好嘅貓糧呢？咁我哋就要自己睇睇貓糧包裝後面提供嘅貓糧成分表喇，有幾個重點要留意：
1️⃣無穀物
2️⃣低碳水化合物（少於10%為最理想，唔好超過20％）
3️⃣最好係鮮肉，唔好係肉粉或肉類副產品
4️⃣避免貓糧中成分有：
❌化學防腐劑：BHT(二丁基羥基甲苯)，BHA(丁基羥基茴香醚)，Ethoxyquin(乙氧基喹因)，Propyl Gallate(丙基棓酸鹽)
❌肉類副產品：Meat by-products，Animal by-products，Poultry by-products
❌致敏／高碳水化合物成分：Corn ／Maize (粟米)、Soy (大豆／黃豆)、GRAIN (穀物)、Brewer's Rice (釀造大米) ／Brewer's Yeast (啤酒酵母)
❌人造色素：Blue2，Red 40，Yellow 5，Yellow 6，Titanium Dioxide
❌不良蛋白質：Egg Product (蛋產品)、
Pea Protein／ Potato Protein (豌豆／ 薯仔蛋白)／ Vegetable Protein (不明植物蛋白)
❌不良脂肪：Animal Fat (動物脂肪)／Fish Oil (魚油)、Vegetable Oil (植物油)
❌不良纖維：Cellulose (纖維素)／Powdered Cellulose (粉狀纖維素)
❌不良補充劑：Menadione (甲萘醌)、Salt (鹽)、Carrageenan (卡拉膠)、Dried Beet Pulp (乾甜菜漿)
❌調味劑：Natural Flavor (味精)、Digest (消化物)
- - - - - - - - - - - - - - - - - - - - - - - - - - - - - - - - - -
✅我自己就選擇咗Orijen 成貓糧雞肉味，主成分係雞肉，過8成係肉類，符合美國飼養控制中心（AAFCO）營養標準。接三位主子返嚟咗多年都係食Orijen，so far好健康🙏🏻。
Orijen貓糧雞肉味成分：
鮮雞肉(18%)，鮮火雞肉(7%)，鮮雞蛋(5%)，鮮雞肝(5%)，鮮比目魚(5%)，鮮鯡魚(4%)，鮮火雞肝(4%)，鮮雞心(4%)，鮮火雞心(4%)，鮮雞頸(4%)，脫水雞肉(4%)，脫水火雞肉(4%)，脫水鯖魚(4%)，脫水沙甸魚(4%)，脫水鯡魚(4%)，雞脂肪(3%)，紅扁豆，豌豆，綠扁豆，膺嘴豆，黃豌豆，豌豆纖維，斑豆，白腰豆，雞軟骨(1%)，鯡魚油(1%)，凍乾雞肝，凍乾火雞肝，南瓜，冬南瓜，靑瓜，防風草，胡蘿蔔，蘋果，梨子，甘藍菜，菠菜，甜菜，蘿蔔菜，棕海帶，蔓越莓，藍莓，薩斯卡通莓，菊苣根，薑黃，奶薊草，牛蒡根，薰衣草，藥蜀葵根，玫瑰果，腸球菌。
Orijen 貓糧營養成分：
✅蛋白質 42% （40%以上算好）
✅脂肪 20% （15％以上算好）
✅水份 10% （乾糧有冇水份唔重要，因為貓貓肯飲水先係最重要）
✅纖維 3% （5％以下算好）
☑️碳水化合物 18% （屬於10-20%可接受範圍內）
就咁睇其實我家主子食嘅Orijen 貓糧都算唔錯，除左碳水化合物未算係最合適標準範圍內👏🏻。價錢中價位偏高啦🙁，大約$8xx有5.4kg，我屋企3隻主子大約一個半月食晒一包，未計我有時會白烚雞柳/罐頭俾佢哋食🤣。
不過都有聽過貓貓食Orijen會屙爛💩💩，所以貓糧「沒有最好，只有更合適」，希望我嘅分享可以幫一眾貓奴為心愛嘅主子揀到最啱心水嘅貓糧👍🏻。
#沒有最好
#只有更合適
#貓糧
#為咗愛貓就要自己睇包裝上嘅營養成分
#係愛呀哈利
#唔好sales話好就信
#要有求證精神
#orijen
#貓糧好貴呀🤦🏻♀️
#5年前訂6百幾
#宜家去到8百幾蚊仲要細包左😖
#大家有冇訂貓糧平啲嘅鋪頭介紹吓
#貓貓
#主子
#Pets
#cats
#領養不棄養
宜家去到8百幾蚊仲要細包左 在 IKEA 宜家家居- 【IKEA新家具... 的推薦與評價
上次係沙田分店買格仔櫃同層架，加左200蚊要求送貨，點知你地職員話送貨只包送大件家私，格仔櫃入面既箱又唔包送! 我一連買左6個箱，仲要唔係紙黎! 係全部厚膠板個隻!! 我 ... ... <看更多>