有日一對情侶嚟到診所。
佢哋行埋嚟登記處，女嘅同我講：「我哋要結婚啦」
係呀？唔好諗住三九唔識七都嚟派帖俾醫生呀。
我：「嗯？有咩幫到你哋？」
女：「結婚前要做嘅嘢我哋都要做」
我load咗陣，嚟得診所應該唔係想嚟借床卦：「係咪想做身體檢查呀？」
男點頭。
我：「好呀，麻煩兩位俾身分證我呀，我同你哋登記呀，轉頭入醫生房醫生會同你哋講解身體檢查嘅項目」
女問我：「同我重點驗佢有冇性病呀」
唔駛咁強調嘅，本身都有驗。
我：「入到醫生房再同醫生講呀」
女：「有幾多種性病就驗晒幾多種佢」
男斜眼望住女朋友。
女再講：「性病淨係佢驗得㗎啦」
男問女：「點解你唔駛驗呀？」
女：「你之前有過幾多個女朋友呀？」
男：「你夠唔係處女囉？你係處咩？」
女朋友神情慌張口窒窒：「你..你..嗰啲ex可能唔乾淨㗎嘛」
男：「你啲ex好乾淨呀？你專食和尚呀？」
嗱嗱嗱，唔俾咁樣話和尚呀，曳曳呀。仲結唔結婚呀？吓？耍花槍返屋企啦好冇？
女應該唔知點駁咀好，向我求助問我：「姑娘，你話性病係咪應該要驗晒佢啦？」
I LOVE MY JOB！我當然係一個hard sell嘅診所助理：「梗係梗係，驗晒佢好呀放心啲嘛，兩位都一齊驗啦」
女望住我冇出聲。點啫，仲結唔結啫？驗唔驗呀？係就俾身分證我啦喂～
我：「你哋俾身分證我先呀，我要同你哋登記咗先可以入醫生房」
女粒聲唔出離開診所，男嘅都跟住離開。
咁又冇咗兩個客添，SORRY呀醫生。
婚前性病檢查 在 全加醫事檢驗所, profile picture - Facebook 的推薦與評價
我們提供＃最優質的健檢諮詢□ 健康咨詢服務、婚前健康檢查□ 全方位基因檢測、多項過敏原檢測□ 性病篩檢、癌症篩檢現在預約，立即為您排檢 ... ... <看更多>