「我希望我的音樂和表演能為別人帶來快樂、安慰和啟發，這就是我的初衷。」－－節錄自張敬軒演唱會場刊其中一句。
張敬軒嘅 “Alter Ego” 降兩度，風騷又賤嘴，令觀眾捧腹大笑；
與離世歌迷 Tobey 隔空合唱，教大家珍惜眼前人，為觀眾帶來當頭棒喝；
以流水、當代舞、中樂同圓型大環，比喻生死輪迴，較觀眾看得目瞪口呆；
快樂、安慰同啟發都感受到，有入場睇嘅大家又覺得比幾多分呢？
觀賞第四場，軒仔透露有留意網上評論，所以將降兩度兩首外語歌曲取消。台前幕後努力排舞、努力背歌詞（泰文同越南文都背到… 犀利）、努力綵排走位，但都從善如流，聽粉絲網上意見，話改就改，大合唱時更唱到跪拜觀眾，唱盡 side track 到近 12 點先散水，如此疼錫粉絲嘅歌手，有入場睇嘅大家又覺得比幾多分呢？
其實，快樂、安慰同啟發之餘，我仲睇到歌手嘅認真、謙卑同心機。所以呢個演唱會，已經唔需要比分，唔需要一個分數去認證究竟好唔好睇，因為我睇到不能用評分去衡量嘅努力。
人幾時都需要娛樂，生活喺今時今日嘅香港，人更需要娛樂，非常有幸可以欣賞到呢個娛樂性同藝術性並重嘅演唱會。本土炮製嘅演唱會，拎出去國際真係唔失禮㗎。
#其實降姐果兩首歌我好想睇 #cut咗好唔開心
#仲有唔記得講 #我無諗過佢跳舞咁好睇 #呢個真心驚喜
#好慶幸今年睇嘅演唱會都好好睇 #另一個係Gigi
📸 ：Catherine Lo
