玩咗幾日，又係時候要回歸堅道。
堅道，正如我成日講，基本上係冇乜嘢好食嘅。所以我又要行落威靈頓街。
聽講有一間食滷水鵝好出名。於是我又去試吓。睇咗一輪，原本想食個特級，但係諗吓，點食得落呀，雖然眼闊肚腩都闊，但係食到頂住個胃都冇乜意思！所以就叫咗個鵝肉墨魚雙併。
我唔鍾意食鵝片嘅，啖啖肉冇嚟性格，所以叫鵝肉，貪佢有啲細節。雖然唔係最靚嘅部位，但係都幾軟熟，而墨魚略硬，不過都可以接受。嗰兩塊魚餅類物體同豆卜青豆係送嘅，其他人就冇豆卜嘅，其他人會有蛋，但係因為我走蛋，所以請我食豆卜，都幾均真。再加杯飲品，埋單唔使$100。
唔算貴，唔算平，唔算好食，又唔可以話唔好食！中環食晏就係咁！
#何嘉麗callmegaga #何嘉麗 #為食路上
#堅道徘徊 #威靈頓街 #日日香鵝肉飯店
#大家仲記唔記得林美香
#嗰陣時每逢星期三真係唔俾佢報新聞
