尖沙咀【伊賀日本燒肉料理】停不了口的放題
係香港食日式燒肉, 價錢一般都偏貴, 如果要食到飽, 可能每人至少都要過千蚊落樓。半年前同媽咪黎過尖沙咀伊賀食燒肉放題, 每位價錢都係三百蚊有找, 就可以任點任食120分鐘, 每位加多HK$30仲可以任飲汽水tim~
今晚相約一班舊同學出來聚聚, 一齊食返餐放題, 揀左呢間近尖東站既"伊賀日本燒肉料理", 勝在之前我做過白老鼠, 唔會係伏!
當晚係平日晚8點左右, 餐廳內已經坐滿食客, 不過店內抽煙系統未如理想, 店內稍為有點煙霧瀰漫既視覺效果。
所有order都以ipad點, 減少出現落錯單/漏單情況出現, 點完order, 其實d野食黎得好快…
其實黎得呢度食燒肉, 都預左比多HK$30轉任飲汽水, 而呢度除左可樂、忌廉、7喜等汽水外, 都有提供呢D出面較為少見既飲品。
如果想飲酒既朋友, 就要額外加HK$48/杯喇~
四人入座就可以食到海膽刺身船:
海膽很清甜, 完全沒有腥臭味, 入口即溶
刺身船中魷魚、海膽、蟹鉗同埋象拔蚌都冇得再Order~
不過象拔蚌入口有陣腥味....
三文魚被切得有一定既厚度, 雖然魚油味唔太突出, 入口有點口感。
反而火灸三文魚壽司稍為燒過, 所以魚油較為豐富。
更有軍艦同埋日式凍食前菜。
燒肉方面, 豬、牛、羊、雞款式齊全, 所有肉類都為薄切, 所以略為燒下, Keep到少少肉汁就可以好快食得。
安格斯小牛排牛脂分佈很平均, 入口時牛脂味都很突出。
就連有骨牛肋肉都唔會好韌~
不得不讚呢度既單骨雞翼, 醃得非常入味, 有原味同辣味選擇, 正!! 我地Encorn左好幾ROUND。
呢度更有提供日式炸物, 吉列炸蝦 表面炸得乾身脆口, 雞軟骨更很爽脆
炸鮮奶 外脆內軟, 入口有淡淡既牛奶香, 甜甜地
除左燒肉, 呢度更提供海鮮, 海蝦、青口、帶子、魷魚鬆、蟶子、蜆等等....
海蝦大大隻, 而且很爽甜, 不是死蝦
青口同帶子都加上少少牛油, 很惹味
最正既一定係蟶子, 用一小器皿裝住咁燒, 唔怕係燒既過程中抽乾水份, 蟶子中既湯有被調味, 甜甜地,又帶少少鹹, 更顯鮮甜味。
可惜我地打算點第二ROUND, ipad中已顯示缺貨, 很失望。
不過呢度既海鮮清潔都做得唔錯, 海鮮中都沒有食到有沙泥。
蔬菜我地就揀左牛油金菇同埋栗米, 同樣地都order第二round, 栗米粒都缺貨了。
最後, 每人更可獲一杯雪糕做甜品, 不過雪糕很奇怪為半溶狀...幸好回家都沒有肚痛。
如果每晚九點半入座, 更有8折優惠, 但就要先考慮一下食物既缺貨程度喇~
整體黎講, 呢度既食物質素水準都不錯, 只是有某幾款食物很快缺貨, 但總算肉類的存貨充足, 食到差不多十點, 肉類都沒有缺貨問題出現。
而且呢度沒有漏單問題, 食物又黎得幾快, 侍應都很招呼周到, 不時為我地換碟等等...
尖沙咀地段任食燒肉兩小時, 仲有埋日式小食、刺身等等....的確係幾抵!
————————————————
餐廳名稱:伊賀日本燒肉料理
Address: 尖沙咀赫德道4號The Hart 3樓
Tel.: 28871028
營業時間:
星期一至四
12:00-17:00
18:00-00:00
星期五至日
12:00-17:00
18:00-01:00
設加一服務費
接受預先訂座: Yes
====================
Find me on
Facebook/Openrice/UBlog: Keresawong.L.S
====================
#hkfood #hkfoods #hkfoodie #foodie #hk #hongkong #hkblog #hkblogger #blogger #香港 #香港人 #香港食評 #食評家 #香港美食 #美食推介 #放題 #烤肉
「壽司安日式料理openrice」的推薦目錄:
壽司安日式料理openrice 在 Keresa Wong.L.S Facebook 的最佳貼文
旺角【神輿日本料理】煥然一新的日式放題
創興廣場5樓裝修後改左名做"神輿日本料理", 同樣都係日式放題, 任飲任食兩個鐘。一打開lift門, 門面裝修擺設跟日本神殿有點相似, 別具日系感。
店內座位比之前多了不少, 更設部份卡位。
所有野食同野飲都係自行click order紙落單, 我地可以安坐座位等食。
野飲方面以罐裝汽水為主, 如果想飲酒, 每位加HK$28更設無限任飲。
野食款式包括刺身、卷物、手卷、壽司、一品料理、炸物、天婦羅、鍋物、主食、小食、爐端燒同埋甜品...
野食都黎得幾快, 可以密密食~
先來一盤刺身, 刺身款式多達12款, 刺身以冰墊底, 所有刺身都很新鮮, 沒有腥味, 特別是馬刀貝, 超級爽口; 帶子很肥美; 不過唯獨覺得三文魚有點薄, 沒什麼爽口感。
壽司既更有花之戀、卷物、手卷
軍艦即叫即整, 紫菜還是脆的, 必點的一定是海膽軍艦, 海膽鮮甜, 入口即溶
冷盤小食 螺肉、八爪魚 兩款口感都好爽
蝦----分別有串燒蝦同埋芝士焗虎蝦
芝士焗虎蝦芝士味什濃, 芝士厚厚的, 入口軟棉, 當中夾集沙律醬, 整隻蝦味道較濃, 隻蝦略帶點爽
令我地忍不住再Encorn!!
薯蓉帆立貝 - 帆立貝焗後都唔會太乾身,面層有少少芝士, 仲可以有拉絲tim~
天婦羅蝦 有索油紙墊底, 所以食落唔會太油, 而且即炸, 咬落脆得有聲
芝麻雞翼 表面勁多芝麻, 而且好乾脆, 很香口
牛油炒雜菇 好入味, 牛油味幾出
一口牛 好林, 每件都細細粒, 而且入味
芝士焗蠔 隻蠔唔腥, 焗完隻蠔都唔會乾
芝士年糕 外脆內軟
羊架 大大件, 雖然有點肥膩, 肉質幾林, 而且沒有太大陣羊羶味
燒物 雞腎、雞翼、雞軟骨, 雞軟骨燒得好乾身香口
最後當然要主攻甜品啦...雖然甜品款式只有和果子同埋雪糕兩款, 但呢度既雪糕為自家製, 味道什濃, 而且香滑, 值得食多幾杯~
————————————————
餐廳名稱:神輿日本料理
Address: 旺角彌敦道593-601號創興廣場5樓
Tel.: 3160 8456
營業時間:
星期一至四: 16:00-01:00
星期五至日: 16:00-02:00
公眾假期前夕: 16:00-02:00
設加一服務費
接受預先訂座: Yes
====================
Find me on
Facebook Page▸ www.facebook.com/keresawong/
Instagram▸ https://www.instagram.com/keresawong.l.s
Blog▸ https://keresawongls.blogspot.hk/
Blog▸ http://keresa.pixnet.net/blog
U Blog▸http://blog.ulifestyle.com.hk/blogger/keresawong/
TheZtyle▸ http://keresawongls.theztyle.com
Openrice▸ Keresawong.L.S
==================
#hkfood #hkfoods #hkfoodie #foodie #hk #hongkong #hkblog #hkblogger #blogger #香港 #香港人 #香港食評 #食評家 #放題 #旺角 #香港美食 #美食推介