呢個其實係一個悲劇、一個意外，但人為因素絕對可以阻止到佢發生。😞事實上很多狗也會襲擊貓，所以喺寵物展呢啲有貓有狗嘅場合，主人更加應該要審慎小心。
貓主如果真係要長期餵貓仔，可以餵完放返入籠或貓袋，點解要長時間放係心口個袋，然後「吉」個頭出嚟任人摸？佢仲噉細，有細菌都唔太安全。何況仲會遇到咁多狗，絕對有一定危險程度。
狗主就更大問題，明知狗會咬貓，亦明知寵物展會有貓嘅出現，就應該要戴口罩同上狗繩、並四處觀察清楚環境睇吓有冇貓喺附近，以免發生慘劇。有攻擊性仲要坐BB車仔，又唔拖實狗繩。大家有睇馴狗師節目都知，你當隻狗係人噉竉壞，佢哋咪更惡更難控制囉。
其實如果兩位主人都小心啲，就唔會發生呢個意外，毛孩都係受害者。所以我話絕對係人為問題，而且兩位都有責任，因為大家都太大意。
成日叫狗主要拖實狗繩，除咗防範走失，亦可避免狗狗襲擊其他動物或衝出馬路發生意外。
成日叫貓主盡量少帶貓出外、裝紗窗。因為貓貓對陌生環境容易感到害怕，又非常容易走失，好奇亦害死貓。
記住係人類社會，動物都係被動。主人要將你嘅寵物放係咩位置和環境，會直接影響佢哋嘅安全度。希望主人們都應該以此為鑑，好好保護及管束好自已竉物，做個盡責嘅主人，唔好再有同類事件發生了。🙏🏻
希望貓貓安息～😢
#守護動物 #做個盡責主人
國際寵物用品博覽 在 上聯寵物用品博覽會 - Facebook 的推薦與評價
✦11/18-21 台北國際寵物用品博覽會暨台北貓展︱南港展覽館二館✦… See more. 說好出門卻下雨!媽咪無辜勤安撫 ... ... <看更多>
相關內容