當落住滂沱大雨⛈，你見到人地無遮，你會點做呢？
#長文分享 #好人好事系列 #圖文不符
今朝一早第一日同弟弟去九龍灣工廠區學溜冰⛸️ ，因為唔係好熟路，事前搵好哂巴士，諗住一定ok，誰知去到巴士站發現原來個班巴士係特別班次，姐係無得搭😪，好彩前一晚都有睇過下其他巴士選擇，成功搵到另一架車去到附近，但落車點就唔係同一個位，但望完地圖都好ok，都唔算遠，總算上到車🚌
但當架車一出隧道，我就知出事喇😣，皆因屋企果邊明明陽光普照☀️，但九龍呢邊勁大雨，大雨嘅程度係巴士車窗望出去，好似有一盆盆水倒落去🥲，而我係帶住弟弟，自己一個袋，揹住一袋校服連鞋，再加書包，但係無遮🌂😪。好彩，今朝出門口弟弟係咁話好曬，我比左頂帽佢帶，臨落車，我即刻拎件褸幫佢著好，帶好頂帽，brief 定佢
👩🏻：弟弟，出面好大雨，我哋冇帶遮，一陣媽咪抱住你，你攬實我，我跑快啲，ok？
👦🏻：Ok媽媽
落車好順利跑入左隧道，準備係隧道上返地面準備出lift之制，竟然有位小姐做左以一連串嘅事，相信會令我畢生難忘
👩🏻🦱：🌂比你呀
👩🏻：下，好大雨wo，你比左我，咁你點呀？
👩🏻🦱：唔緊要啦，好過小朋友濕
👩🏻：唔好啦 （同一時間，佢窒咗把遮比我就走左）
係果刻，我真係好感動🥲，係我呢個咁無助，仲諗住出lift搵個位放低個仔，睇下條路點行之制，遇到呢位咁無私嘅小姐，真係好感恩🙏🏼。學完嘢之後，我都把握住呢個機會同弟弟講，今次姨姨幫咗我哋，下次我哋有能力都一定要幫返人。
由於成件事太突然同匆忙，我無拎到呢位小姐嘅聯絡方式，唔知下星期去上堂會唔會有緣再遇到呢？今朝10:00，觀塘休憩處隧道送咗把遮🌂比我哋嘅呢位小姐，我哋衷心多謝你🙏🏼，唔知你會唔會有機會睇到呢個post呢😊感謝你嘅無私大愛，弟弟同我先可以安全去到上堂❤️
唔係好熟 在 搞黎搞去細楷都唔係好熟- Explore - Facebook 的推薦與評價
睇下搵唔搵到26個細楷先？. #搞黎搞去細楷都唔係好熟 · #持續多感官活動 · #有趣學習. 30. 9 Comments. 5 Shares. Like. Comment. Share. ... <看更多>