【香港|日本素食雜貨 日本大熱銅藻Akamoku】
自從睇完恐怖醫學的銅藻Akamoku後，牛叔叔一直都話要食，日本材料喎，仲要係無鰹魚成份，香港地邊有咁易搵，但無意中，係fb見到最近新開一間專賣日本素食雜貨 Veggie Labo，仲有我地最想食既銅藻，即時雙眼發光，昨日終於能夠去拜訪這小店啦。
Veggie Labo 係旺角廣華街，店面就唔係好大，一眼都睇哂，麻雀雖少，但五臟俱全，加上老闆May 會睇清睇楚每個食材成份係唔係適合素食，呢份心思就已經好令我放心，至少唔洗下下google translate 咁麻煩。
先說銅藻Akamoku，係日本最頂級的海藻，睇過恐怖醫學既朋友都知道，銅藻可以減低內臟脂肪，特別係唔做運動既人，而店內有乾燥同佃煮2款，我就2款都買哂，佃煮係可以即食，有山椒同一味2款，而山椒味酸酸甜甜好開胃，好啱用黎送飯同送粥。
而梅醬就係因為係嵐山食過，好後悔無買，而May就教用紫菜+飯+梅醬一齊食，就係最好食，仲可以加生薑沖水，能夠醫感冒，佢話係鳥取縣鄉下既人就係咁樣醫病養生，梅醬只得醬油同梅干2種成份，無添加劑及鰹魚，咸酸的味道就好似咸柑桔，可以放一點入銅藻拌飯吃。
豆乳拉麵(純素)，食素後好耐都無食過拉麵，唔係豚骨就係雞骨湯，而豆乳拉麵係同豚骨湯勁似，仲要係無五辛，不過係用豆乳製，就無豚骨咁濃同厚身，如果想食濃身湯的純素拉麵，就要食武士拉麵。
素漢堡扒，典型日本製法，係用蒟蒻及大豆而成，無台式素肉咁實，相反有一點腍身同咬口，而每一包素漢堡扒連同燒汁，放入熱水煮5分鐘就食得，最啱懶人既我。
仲有日本米同昆布，下次要買黎試試。
Veggie Labo - 日本菜食食材雑貨店 -
地址︰旺角廣華街48號廣發商業中心12樓1214室
(佢係一星期只開幾日，所以上去之前最好問清楚開放時間，如果唔係就白行一趟，祝大家復活節快樂。)
#afternoontea #dessert #foodie #foodiehk #tasty #lifestyle #foods #travel #traveler #travelblogger #kittyxbeanscat #lindacat #邱蓮達 #blogger #bloggerhk #hkfoodie #hkfood #hkig #ighk #yummy #vegan #vegetarian
咸柑桔沖水 在 用咸金桔泡水喝，止咳潤喉。怕上火的你 - YouTube 的推薦與評價
... 咸金桔簡介過完年，基本上年桔就沒有用處了，這個時候就可以用來做咸金桔，每當感冒咳嗽，咽喉不適的時候，就撈出一顆咸金 桔沖水 喝，效果棒棒滴。 ... <看更多>