工作上，又黎到一年做review的時間，作為新加入金融業一年，有啲嘢係唔需要考慮，但由於今年真係一個打十個咁款，所以點都要提一提：升職。
當然，每間大機構有自己的「潛規則」，唔係話單純你做得好定唔好，就決定升遷。尤其是我們這些做後勤的，唔係用跑數去睇升唔升，部門大環境內有啲人排左三四年，如果見到你遲來先上岸，應該會崩潰到一個點，也很難說得過去吧？
所以動動腦筋都知道一年升Director，在後勤支援的工種裡，是不可能任務。尤其我上一份工作的title還不過是marketing executive，來到這裡才做manager一年咁大把... 點會升得咁快？
但明知無效，又為什麼要說？
因為醉翁之意不在酒— 部門係有個同我工作類近的空缺，那個空缺剛好高我一格。禮貌上，無論如何，佢都應該跟我說一下，但是他沒有。這種態度讓我有點不爽，既然你不給我解釋，那我就來問你要個解釋，這個是姿態的問題：千萬不能讓人有一個感覺是「這傢伙無論怎樣也會好好的工作，我可以不用管他啦！」
其次，扮爭取升職是一種有點微妙的策略。只要是在一個合理的範圍內爭取，其實也是表示想上進的表現。除非你上司是一個大爛人，否則沒有人在爭取後會得到一個絕對的「不能」，往往答案都是「不能，但是...」作為交換的籌碼，而我一直看中的，就是這些東西。如果引用哈利波特有關萬應室的一句台詞，大概就是：
If you have to ask, you'll never know.
If you know, you need only ask.
所以，今年我拿到了好幾個我想做的project，當中學到嘅嘢會很有用。而上司看中了我一個很奇怪的能力：交朋友的能力（大概是經常被仔溝練回來的）。所以未來一年，我會對人多過對字，我其實幾滿意的，比起那個做行政的空缺，好玩得多了。
講真，我唔太恨升職，英國稅太重，升左加埋人工又如何？我上司高我兩級咪又係日日帶飯盒慳錢？扣完稅後落袋，人工最多加一兩成，但工作量肯定唔止多兩成。你要我犧牲依家遲到早退、放兩個鍾飯break的逍遙快活去𢭃你幾千蚊？咪啦～ 唔好阻住我準時放工落吧俾仔溝，大佬呀，春宵一刻值千金，我一個月又點止一刻呀？
#賺左都唔夠買人參吊命
#咁賺黎做咩
#升職誠可貴
#溝仔價更高
#我只係想返一份減壓的工
#依家咁樣好好
#無論你喜歡誰請你記住留下給我這位置
#最佳位置
#只想你依然亦想得起我不是任你處置
咁賺黎做咩 在 More content - Facebook 的推薦與評價
超壯觀 講真產品無效果#我入咁多貨黎做咩⁉️ 講真一間公司賺唔到錢#我會做咁多年嗎⁉️ ... 有冇人有興趣做網店/拎平貨/每日用空餘時間賺多份收入⁉️... ... <看更多>