關於 台慶壹句 ，我們在網路上蒐集到這些相關的討論、資訊與評價

#台慶壹句：Big Big Shop Challenge! 《萬千星輝大派對》你可以睇到最後嗎？

有冇睇前晚台慶嘅after party呢？若果冇，咁小編就強烈建議你睇返，因為呢個廣告，真係破咗好多個紀錄呀！

一、可能係香港史上最長嘅直播廣告雜誌 — 舊陣時歡樂今宵，據聞廣告係直播嘅，由啲明星直接揸住產品推銷。估唔到而家復興返呢個傳統，廣告時段仲要長達21分42秒，刷新四個月前，由《big big channel大公司周年慶》中途插播直播廣告所創嘅18分24秒紀錄！

二、可能係明星總身價最高嘅廣告雜誌 — 呢個派對，雲集全台超過40個當家小生花旦，衣香鬢影參與演出，以大台明星廣告演出費動輒六位數去計算，成條片嘅藝人費用就已經超過400萬！加埋華麗佈景、藝人身上嘅行頭同衣飾（包括馮盈盈嗰件貎似淘寶貨嘅貴價晚裝），呢個廣告製作費面價隨時過千萬，咩樓盤廣告都比唔上佢呀！

三、可能係司儀做得最chur嘅廣告雜誌 — 全片撇除片頭長約 20 分鐘，總共Sell 咗超過 40 款產品，即係平均半分鐘 Sell 一樣嘢。睇見三位主持全程冇停過口，就知時間極度緊逼 — 要知道，正常大台直播節目，確實可以overrun，只需延播之後個節目就得，但廣告受廣播條例規定時數上限，絕不可能話加長就加長！

以上三個紀錄，單係頭兩個已值得申請入世界紀錄，大台不妨諗諗佢呀！

------------------

想睇到更多關於廣告的有趣分享？
一、搶先看／see first 我們的facebook page 內容（步驟：按專頁cover photo 下方嘅following 掣-> see first ）
二、follow 廣告狂人其他平台：
ig: instagram.com/madmanmonogram
fb group: fb.com/groups/305727013148450
telegram: t.me/madmangossip
medium: medium.com/@madmanmonologue

#台慶壹句：今年台慶頒獎禮，又學上年咁玩植入式廣告，叫班藝人食炸雞？係就係雞全部都係雞，不過就多隻字變炸子雞，無綫照辦煮碗再玩，好處有二：一、明寸通訊局（無綫因去年嘅炸雞植入被當局罰15萬，不過司法覆核緊）；二、見《阿爺廚房》大熱就互相利用，既幫《阿》做宣傳，亦攞「又食雞」做噱頭，喺擒日傍晚左右連環出 po 做勢。大台越來越識玩social media 了。

=========
不再小圈子，令真正多人睇嘅作品獲得重視！由本版主辦嘅 #廣告狂人大賞2016 現已接受公眾提名，聽日就截止啦，立即了解詳情： http://bit.ly/2hmSZu3

#直播壹句：潮流興食雞，KFC 亦趁勢同 PUBG crossover 搞「全港食雞大行動」，上周五決賽仲搞噱頭，搵嚟號稱全港首個Virtual Idol — i零做旁述。直播中，KFC貫徹TVB台慶食炸雞嘅植入精神，加入虛擬偶像拎起卡通炸雞、空投KFC coupon、外賣電單車駛過等畫面，成件事卡通化，望落都幾有趣。

不過，i零就好似大台播足球搵嚟嘅花瓶一樣，成日講「啱呀」作回應，好多觀眾都忍唔住留負評：「聽佢講嘢好辛苦」、「畀啲雞條女食～ 塞住佢把口先，好嗎」；但亦有網民竟然垂涎佢嘅美色，留言表示「i零我可以」喎。

其實，虛擬偶像喺日本已風行咗一段時間，絆愛、未來明、輝夜月同虛擬狐耳蘿莉大叔全部勁多Fans ！不過，呢啲Idol 嘅對白同動作，其實都係真人透過 adobe animator 呢類軟件即場演繹嘅，角色背後嗰位，未必有咁可愛架！今年初，虛擬狐娘 Youtuber のらきゃっと 就喺直播途中現出大叔真身！「i零我可以」，真係要諗清楚啦⋯⋯