#親子遊 #香港海洋公園 #Yahoo團購抵買優惠
澳洲嘅大表姐一年先返黎一次，上年有同佢去海洋公園，今年都唔例外。琴日我地就一行9人，一早向海洋公園出發❤️海洋公園地鐵站開左咁耐，我真係琴日先第一次搭，原來金鐘仲要轉幾次電梯，先去到月台搭南港島綫去海洋公園站😍
我地係係Yahoo買團購飛，可以係樂園門口用手機 app show QR code / print 團購出來，show 到 QR code 就得！入到場，水都旁會有好幾位攝影師係到，會幫大家影家庭照，影完就可以去返右面嘅舖頭睇相，影就靚嘅就可以買返黎紀念下啦！
我簡單介紹我地玩過啲咩，詳講我諗冇人想睇😅我地去左海洋奇觀，睇魚魚；兒童王國，一定要介紹嘅係嶠媽都係第一次睇嘅「威威海洋列車」，好似歌舞劇咁，有真人和公仔講故事、唱歌🎤和跳舞，睇到劻霖都手舞足蹈🕺🏻
兒童王國 (海濱樂園) 必玩：昇空奇遇 (小童版摩天輪🎡)、小丑🤡旋風 (小童版翻天飛鷹)、蛙蛙🐸跳 (小童版跳樓機)、彈彈屋 (有個跳彈床)、砵砵火車🚞頭 (不過琴日去琴維修中⋯)，另外，中間仲有個公園比小朋友放放電！
唔少得去亞洲動物天地睇熊貓🐼，竟然比我地親眼望到熊貓🐼去 poo poo & vv，笑左🤭仲有小熊貓🐻，訓練員好似係到 train 緊小熊貓，但原來佢地係到同小熊貓玩個陣，會幫佢做埋檢查架😯真係唔講唔知！行出熊貓個到，仲見到水瀨，訓練員係到同水瀨玩緊，可能都係訓練嘅一種！嶠媽最唔開心係，原本個到仲有個大嘅車水輪，但拆左，我同嶠爸拍拖開始，每次來都會係個到影一張相，琴日見到拆左真係好唔開心😔
之後就乘坐登山纜車🚡，向山頂上嘅玩樂設施進發！乘坐登山纜車🚡絕對係欣賞風景嘅好時機！落左纜車，即刻向海洋劇場進發，因為一日得3場，我地落車已經差唔多開始，但去到靚位都被人坐哂，所以我地就坐側面，但小朋友仍然睇到好開心😃嶠媽細個最鐘意都係睇海洋劇場，上年新年後入園，撞正維修冇得睇，好失望😞好彩今次帶埋劻霖來睇到👍🏼
我地大人玩左幾樣機動遊戲咋！不過就玩左幾個攤位遊戲，贏左幾個公仔。最易玩係係高峰樂園入面，有一個射擊遊戲，係將波波放入氣槍，之後向住5個膠造廁紙筒射，射中5個就即有大獎，射中4個就有特別獎，4個特別獎就可以換一個大獎，3個大獎就可以換珍寶獎，但最後我地要左3個大獎，拎左3架海洋公園巴士🚌返屋企！架巴士公仔真係好靚！大家可以去玩下，$50/12個波。
食野方面，我地係兒童王國 (海濱樂園) 食左豬扒飯、肉醬意粉、雞翼薯條🍟。嶠媽建意叫飯/意粉 ($66)，再加個薯條🍟拼汽水🥤($55)，因為雞翼薯條餐都要$108，分開拼有埋飯/意粉食，最抵👍🏼另外，仲有係 McDonald 買野食，最抵係買珍寶汽水🥤，$24就有珍寶裝，識買一定買珍寶🤭
💡另外，Yahoo 團購仲有特別優惠，可以拎住團購紙，換指定 Häagen-Dazs™ 脆皮雪糕批，或在18:30後於「食尚水都」嘅4間小食亭，直接當$50美食現金券用！記住，Häagen-Dazs™ 脆皮雪糕批有指定小食亭換，而且有機會會冇貨！$50美食現金券一定要18:30後先用得！
海洋公園 Yahoo 團購連結：
https://hk.deals.yahoo.com/hong-kong/offer/1175409;_ylt=AuYvLEg6NQCjg_oTfLNxYNUd8mRH
===================
海洋公園
地址：香港仔黃竹坑道 180 號
電話：3923 2323
#去玩都要平住玩 #團購真係特別平 #記住要換雪糕批 #不過琴日冇哂貨 #50蚊美食玩金券我地換哂飲品飲 #團購仲有33日 #記住睇清楚換領日子 #星期日至四再平啲 #星期五六貴少少 #但都係超平 #芊嶠與劻霖成長日記 香港海洋公園 Ocean Park Hong Kong
