好耐無update大家啦～雖然燒賣開始左返托兒所差唔多一個月，不過我無因為咁而得閒左。多左時間，開始搵工、練車、為SOE Travel做準備同埋開始返自學法羅文。搵工方面，我都send左好多application，打左好多電話，包括有侍應、銀器製作、酒店前台、拉麵廚師、包裝芝士、花店員工、托兒所helper 等等等等，不過一係無回音，一係就因為法羅文唔流利被拒絕。其中拉麵廚師份工被拒絕嘅原因最搞笑，佢覆我：喺我地登完廣告之後，我發現其實我地唔需要請人🤣🤣🤣🤣就喺我搵工搵到頹嘅時候，喺魚工廠做緊野嘅菲律賓人妻就話可以介紹我入去做，漁業為法羅島第一大行業，我本住非到魚廠非好漢嘅心，一於去魚廠探過究竟，加上人工好唔錯，平日時薪有大約200港紙一個鐘，周末更可高達370蚊一個鐘，於是就打左電話去問下有無空缺。佢話今個禮拜暫時無，可能下個禮拜有。係咁嘅，有無工開視乎當日有無漁船返，所以有時可以返足一星期，有時又無工開咁。我仍然喺度等緊電話🤞🏻🤞🏻🤞🏻 而魚廠喺離首都大約20-25分鐘車程嘅一個鎮仔kollafjorður，所以我都要開始練返車，一有call就要開車返工。（驚）如果真係返左工再同大家分享下魚廠嘅工作。
至於SOE Travel，我開左個instagram account 同Facebook page☺️黎緊會將以往喺「我從九龍半島搬到法羅群島」post過嘅各種旅遊資訊慢慢搬返去個邊，方便黎旅行嘅大地之友搵資訊，以後有關法羅群島旅遊嘅post都會喺個邊更新😊如果大地之友有興趣，請follow og account @soe_travel 或者Facebook page https://www.facebook.com/Soe-Travel-101845788345463/ ❤️至於呢個account，會繼續分享我同大地之子同燒賣嘅法羅生活☺️如果你地有關於法羅旅遊嘅問題，我繼續樂意為大家解答😊
而家只希望出年會有疫苗🙏🏻🙏🏻🙏🏻大家又可以環遊世界。期待之後SOE Travel能夠為大家服務，帶大家開開心心遊法羅❤️❤️❤️
#soetravel #法羅群島 #faroeislands
半島廚師人工 在 我係一個廚師,專業聯合會..... | 有意者請致電或WS ... - Facebook 的推薦與評價
[ 尖沙咀半島酒店The Peninsula Hotel ]. 全部都係$ 70 $ 70 $ 70 $ 70 $ 70 $ 70 $ 70 $ 70. $ 7 0 / h ( 特別日子，人工$ 9 0 / h ). 大量聘請以下職位：. 樓面侍應. ... <看更多>