出咗去見客，同事喺街忽然大叫：「糖蔥餅呀！」
結果佢買嚟請我食之餘，仲買多咗啲話要拎返屋企畀阿爸食。
同事：「我阿爸話呢啲舊式街頭小食係佢童年回憶，可能去到佢個孫嗰代就會冇晒。」
我：「呢啲懷舊小食製作過程複雜，利潤又唔高，所以愈嚟愈少地方有得賣。」
同事：「咁搞法遲早會消失。」
我：「糖蔥餅嘅消失講緊嘅係技術失傳，將來仲有機會整得返，但有啲我哋而家好鍾意同成日食到嘅食物，好似三文魚、咖啡等等， 第日都可能會消失，而呢啲食物萬一真係消失咗，分分鐘返唔到轉頭㗎喇。」
同事：「點會呀？冇可能啦！」
最初我都係咁諗，但自從睇完《食物博物館》之後，你就會知道唔係冇可能，因為隨住氣候危機，唔少食物都會受到影響，產量變少、營養價值變低、價格上升，甚至會消失㗎！
喺《食物博物館》裡面，我見到 梁祖堯 飾演嘅館長向小朋友介紹食物嗰陣，只能夠用口述方式去形容味道，相信冇人想見到呢一日出現。試想像下，當垂手可得嘅食物都變成奢侈品，甚至變成博物館展品，我哋係咪承受得起呢？呢個又係咪我哋想要嘅未來呢？
係時候反思我哋嘅生活習慣，身體力行用行動改善氣候危機。
Greenpeace 綠色和平 - 香港網站
#綠色和平 #氣候危機近在嘴邊
#食物博物館 #氣候危機 #別讓食物成為奢侈品 #反思生活習慣 #身體力行
別讓食物成為奢侈品 在 臺大進修推廣學院- 【別讓自己成為職場的奢侈品】 為什麼35歲 ... 的推薦與評價
【別讓自己成為職場的奢侈品】 為什麼35歲以後，突然就不受歡迎了？ 因為35歲以後，人往往就變成了「職場中的奢侈品」。 你認為呢？ 什麼是職場中的奢侈品？ ... <看更多>