關於 其實無嘢想表達 ，我們在網路上蒐集到這些相關的討論、資訊與評價

曾幾何時，我們受的教育，做人一定要有後盾，愛情上女人要找個可依靠的男人，而男人就要找個背後支持你成功的女人！
工作上要找大機構，有靠山冇事業，也不至一貧如洗！
做人年輕時要努力，就是要為老來時夠本錢，可以毅然去做番自己，個底夠厚的話，黄昏叔叔都可以出櫃
我們現在還有什麼後盾、靠山、背後支持？就算有你又敢相信，又肯接受嗎？
一位幾十年朋友，從前家境相當不俗，但朋友唔想承繼家族沉悶生意，畢業後就開始自己創業，但搞一樣死一樣！家族認為朋友敗壞家聲，給朋友兩條路，一回家協助打理家族生意，二斷絕與家族關係！
基本上二是多餘，是焗揀回家去
但朋友竟然就係選擇二，寕願自己繼續去失敗，都唔想靠人去成功
終於朋友得償所願，幾十年來做乜衰乜，可說人生就只有失敗！
而朋友多年來的座右銘是，我人生最成功是我每一個失敗，都心甘命抵，一直都係自己决定人生！
我不是認為朋友做得對，但錯與對之間，還有一樣東西叫 人生意義
我們永遠的後盾、靠山都是自己
自己做得好，就會推動自己也做得好
自己不夠好，當然會自己同自己攬炒
但至少都仲係自己决定！

#有靠山放心勇往直前
#冇靠山冇壓力勇往直前
#點都係自己衝
#其實無嘢想表達
#只是今日想寫想寫的字

育有一子一女的Anda於2014年確診乳癌，進行切除手術後，2016年癌症復發，癌細胞轉移到肝臟。身體面臨巨變，她心情被受打擊可想言之，更甚者，她更要面對家中只有數歲大的子女，「醫生話畀我聽嗰下我都接受唔到」，Anda憂心指如何可以將自己接受不了的事告訴子女。

Anda的子女中，女兒更是「癡身」，會是想時時刻刻「癡」在媽媽身旁，這令本身要接受治療而身心俱疲的Anda更是矛盾，「每當自己一個人靜落嚟嗰陣，就會諗起自己嘅病情，跟住就會喊，經常都會覺得自己唔喺度，腦海經常都有呢啲畫面，但喺仔女面前要扮無事」，因為Anda認為子女年紀尚小，覺得不宜將自己病情告訴他們，因此在他們面前隻字不提自己患病。

可是小朋友的觀察力超乎想像，那時是Anda病發的時候，女兒也似乎察覺了媽媽有異樣，「有時同朋友去生日會，係件好開心嘅事，佢都話佢好想去，但佢去完之後就會話，『點解會用咗呢啲時間去同朋友玩呢』，佢話如果可以嘅話，『我會想多啲時間陪你』，我唔知點解小朋友會唔想去玩，喺呢個年紀用嚟陪媽媽，我就開始觀察佢，覺得佢有啲奇怪。」

Anda說女兒有時間中會問我些有關生死的問題，「譬如『媽媽你話人死咗會上天堂，你上咗天堂，仲可唔可以同我傾偈呀？又或者你可唔可以帶埋我去天堂呀？』我話人死咗先去天堂，我都唔知幾時會上天堂，如果我上咗天堂，你仲會有爸爸、有細佬、有其他親人，你都要好好生活，她就同我講，『唔啦，你死咗我自己喺度都無意思，我想同你一齊去天堂。』」

女兒的反應令Anda覺得太誇張，「佢（女兒）夜晚會喊，話會發夢，其實我陪咗佢好多晚，我都嘗試用自己嘅方法疏導她嘅情緒，睇吓佢咩事，發覺佢唔會話我知係咩事，淨係識得喊。」

Anda坦言那時不懂處理女兒的情緒，「每一晚你見到自己個女為自己身體狀況喺度喊，其實好很難受，嗰一刻其實我都好想喊，但我要好積極，我唔想畀負面情緒佢」，因此Anda成為一個嚴厲的母親，有時會責罵女兒，其實只時希望對方可以在自己在生時學會獨立，但女兒只是小學生，「依家諗返起佢都好無辜。」

Anda之前都參加過香港癌症基金會的活動，覺得他們幫到患癌的家庭，就向基金會下協助兒童的彩虹會求助，及後女兒獲安排藝術治療課程，Anda同時也獲輔導。

註冊藝術治療師海琳解釋指，藝術治療是心理治療的一種，它的獨特性在藝術創作方面，因為小朋友未懂說話時，已經可以塗畫，所以他們未表達到事情時可以繪畫輔助，加上治療師會邀請小朋友表達創作內容，孩子表達自己的能力因而加強。

海琳續指，治療過程與父母的溝通和相處很重要，因為他們處理到小朋友所表達的焦慮等情緒時，也可幫助小朋友與家長溝通，從而在家庭的層面上也可以處理問題。

Anda指女兒很喜歡畫畫，卻沒想過藝術治療可以幫到女兒，「原來真係投其所好，因為佢係有啲慢熱，未必容易同人傾到自己內心世界。」Anda透過藝術治療師，得悉女兒原來知道自己有很嚴重的病，雖然她不知道是甚麼，但知道是有機會會死亡的病。

Anda坦言那一刻自己才開始醒，因為她以為女兒一直都不知道患病，在她知道同時，自己又沒解釋清楚，令女兒覺得自己很快會離世，但其實情況未到如此惡劣，所以令她內心積壓了很多恐懼。

Anda接受輔導員建議跟女兒坦白病情，「其實佢哋可能只係小學五年班，已經察覺到身邊很多嘢轉變緊。」女兒清楚母親病情後，情緒有所好轉，令Anda如釋重負，「我覺得好開心，佢會好關心我嘅病情，但又唔會好似以前咁負面，而係積極咁看待。」

更令Anda窩心的是，女兒在接受藝術治療起，就已經會每晚製作小手工為自己打氣，現在更變成她的一個習慣，至今仍在繼續，Anda估計女兒為自己製作了約200份作品，「其實佢都幾犀利，可以一直維持咁做。」

Anda現時定期服藥控制病情，她的願望當然是身體健康，但也把女兒記在心上，「媽咪梗係最最希望見到個女大學畢業，之後結婚生仔，但如果喺呢刻，我見到佢她大學畢業已經好開心。」

香港癌症基金會屬下的彩虹會旨在協助5-17歲因家人患癌而受影響的兒童及青少年。彩虹會的臨床心理學家、藝術治療師和社工等專業團隊，可擔當患癌人士和孩子的溝通橋樑，紓緩孩子的憂慮。

心悅是一間殮葬商的生命頌禮司，工作除了協助逝者家屬策劃喪禮，在喪禮的過程中透過家屬所想的儀式為離去的生命頌禮，追憶生命，「喺過程睇佢哋（家屬）需要係咩，然後我哋有咩方法彰顯到離開咗生命嘅故事，然後可以令到呢個家庭延續佢嘅愛，同時抒發傷感。」

「生命頌禮就係Life Celebration，生命其實好值得去慶祝，生前可以慶祝，死後又可以慶祝。」一條生命離去，總有人會感到傷痛，有甚麼好慶祝的地方？心悅說，喪禮有笑，也可以有淚，「笑嘅地方係，我曾經同佢有一啲好深刻嘅回憶，可能係生活好瑣碎嘅片段都可以，籍住分享，其實大家都慶祝，曾經我同呢個人走過呢啲路，今日佢走到盡到啦，我們回想嘅時候，曾經相處都有值得高興嘅事。」

因此除了替喪禮張羅外，心悅很多時也會與家屬談到逝者的故事。「其實喺傾談嘅過程，好多時家人都係回顧緊佢嘅生命，當然回顧中有落淚、有不捨得，但對佢哋嚟講係抒發咗好多好混亂嘅感受，而將佢哋嘅焦點，從處理喪禮搬到，其實我哋都要處理你嘅感受。」心悅指她的工作是協助處理喪禮的實務工作，但情緒上就需要家屬自己處理，「但喺過程中我哋會陪住你。」

人生中有喜恕哀樂，因此家屬回顧逝者生命時，都不會只得快樂的回憶，「（家屬）都可以講佢唔好嘅嘢，但今日唔好嘅嘢，其實係一個轉化，當我們再提嘅時候，其實都可以放低。」因此她的工作經常提到「道愛、道謝、道歉、道別」，就是希望在最後一刻送別的時候，去為親人做一個最完滿的送別。

心悅認為在送別時道歉很重要，因為在最後一次面對那人時，如果都未放下，之後要處理的時間會再漫長多一點。她也明白不是每件事都很容易放下，但重點是要顧及情緒，「情緒從無得到正視，主要係成個社會文化問題，因為情緒係大家很怕的一件事。」

因此她覺得透過喪禮，親友可以一起去擁抱與分享情緒，也藉此告訴對方，「你有嘅情緒我都有，同埋你有情緒、你喊緊嗰陣，你唔係自己一個孤伶伶咁喊，我喺你側邊，你有我，我又有你。」

喪禮中有很多集俗與儀式其實也充滿心思，但心悅指若參加者忽視了背後的意義就會令環節流於表面，她以吉儀為例，指內裏硬幣原本是感謝親友來喪禮，給對方乘車走，糖果則是希望對方在送別的難過有一點甜，但很多人會說要盡快用盡那硬幣及糖果，像是很害怕如把它們帶回家會有不好的事情發生，「其實都幾得意，呢個原本係用嚟多謝你，同埋令你有啲開心，但最後演變出嚟係不可以帶返屋企。」

心悅指死亡經常都會有這種渲染，也令她反思死亡是否真的如此壞。「死亡固然唔係我哋想面對嘅嘢，因為分離嘅痛真係好痛，但死亡裏嘅祝福唔係消失咗，個祝福就係有個家人過身，我哋去團聚去表達對佢嘅愛，我哋要好好送別佢，我哋仍是一家人。」

她形容生命頌禮是一份禮物，而送一份好的禮物不一定要高級的安排，「嗰種好唔係要外表好，而係全家人好真，可以好真咁覺得佢唔好，可以好真咁唔捨得佢，呢啲係好感動。」她認為一個喪禮沒有人的真實情感是不行的，「死亡唔一定只有黑色，唔一定只有白色，都可以好溫暖。」

香港教育大學（教大）宗教教育與心靈教育中心，與華人永遠墳場管理委員會（華永會）共同舉辦大型生命教育項目「終‧生‧大事」，其中「『回想生命的喜悅』生命教育多媒體創作比賽」正徵集相關照片及微電影，期望參加者在創作過程中，能重新思想生活中快樂的片段。比賽附設免費公開講座，由專家就生命教育作分享，並由專業拍攝團隊分享攝影及拍照的入門技巧。

留學生活注意！日本租房子外國人可提防被騙

最近我發現我以前租屋比貴咗錢！
原來搵到良心公司可以免禮金收平好多。

今日好簡短咁同大家分享3樣喺東京租屋嘅一啲小秘密。因為搞完真人騷，有個喺東京開地產公司嘅香港人聯絡返我問我洗唔洗幫手，之後我發現原來我以前喺東京租屋比嘅初期費都比人食咗好多水。有幾樣嘢想分享返比啲準備來日本租屋嘅人知幫大家慳錢。

第一，其實有好多屋都係免禮金。
一開頭嚟日本租屋嘅人相信都知道，喺度租屋要比好貴初期費，大概會係一個租金乘3.5左右，點計呢？以呢間屋為例。11萬羊租、敷金（即係按金）11萬羊、禮金又11萬羊，夾埋啲火災保險同保證公司料金都差唔多要比4個月租錢先入住到。

一開頭我乜人都唔識喺到以為禮金係一定要比，因為係日本文化，要白白送多舊錢比屋主多謝佢比間屋我住，但原來有好多屋都係可以免咗佢，只要你遇到個良心中介幫你同屋主傾。但問題嚟啦，有時有啲中介會同你講，因為你係外國人所以要比多一個月禮金等等加錢先可以住，當然有時係屋主嘅意願，但都有機會agent叫管理公司加多個月禮金當係佢agent自己嘅佣。呢啲情況大家要注意。


第二，注意初期費用可以縮減。
因為呢位香港朋友以前比人呃過，所以當佢自己做老闆幫人搵屋嘅時候會想做返個良心中介。但問題又嚟啦，如果佢幫屋主收嘅錢係同房屋物件列表列嘅一樣，仲要無埋禮金，咁佢點賺錢呢？

其實好簡單，呢個東京有咁多屋放租，agent同地產公司唔會間間都推，而屋主嘅屋想推到出去就同你喺ig shop想賣到件衫出去一樣，要落廣告。所以如果真係同你fd過打band嘅話，即使個中介唔收你comission都可以收到廣告費食到飯，但當然正常情況下都會收comission搵食，但唔會多過一個月。而我想表達嘅點係如果大家搵屋時覺得中介報價好費，就記得要小心。我嘅建議係你可以用同一間屋問幾個中介去睇吓個初期費用係咪一樣，盡量避免比人湯多一筆。畢竟留學生嘅我都經歷過死慳死抵嘅生活，希望可以幫到大家慳得一筆得一筆。

以上有提到嘅保證公司呀災保險呀等等初期費包嘅字眼有咩唔明都可以ig問我，甚至你搵到間房想知係咪可以再平啲都可以隨時搵我幫手。喺香港報留學個陣跟中介搵埋屋我自己就非常唔建議，因為至少會比佢哋食兩浸水，要搵我朋友幫手嘅直接問我都無問題。今日嘅留學生活提醒去到呢度，希望大家可以分享比你嘅朋友等佢小心唔好好似我咁嚟到就蝕咗一筆，始終留返啲錢生活會比較好。下條片見！88

Follow ERNEST 緊貼日本狀況：
https://www.instagram.com/ernest_pch/