《終極拆解》
誠如我呢兩個禮拜，經常發晦氣話齋：其實大家等等等，等咩啫，美國個個月都有通脹數據，個個月都有議息，俾你等到喇，個市咪又係溫溫燉燉！三月到依家都幾乎四個月喇，港股又係咁，美國又係咁唔郁，都唔知要等到幾時？好似尋晚咁丫，市場將最新既點陣圖一致理解成2023年加息兩次，比原預期既早左咁又點？美股跌得果少少（仲要低位拗腰）港股仲有得升，咁係咪又過左關喇等下個月？
個世界係咪咁簡單呢？你有無覺得今日個市想行？拿，所以我話俾大家一個終極既解說，而係全面既。同大家分享金、股、匯、債四個主戰場：隔夜金價要跌係岩既，加息觸發孳息上升，壓金好正常；但係金價只係打粒十字星而且無放量，唔洗驚。股市下跌都係岩既，之但係最怕孳息既高估值納指仲跌得少過道指（個別金融股好似花旗仲要插添）又邊似炒緊加息呀？如是者，金、股都好似無乜野。
美元就有野喇！美匯指數尋晚係大陽燭放量急升，即時挑戰5月初高位91.43，企穩既話，隨時再上4月初93.47。至於個債，十年期債息暫時受制1.58前區間底部阻力，未見有恐慌。綜括喇，即係話响四個主戰場當中，匯市係最大反應既。無他既，事關加唔加息都係貨幣政策，匯市就最受影響。而且，大家都應該學多樣野：就係擴闊眼界去睇埋美國牽一髮動全身，到底其餘主要央行會點樣去應對。
咁深奧既野，梗係要聽我去教大家：簡單講，美國個息一加，錢就永遠向高息處走既，就係回流返美國。對應黎講，其餘主要央行包括日本、歐元區同中國都要即時驚走資。所以，未來佢地唔能夠再放鴿講放水，否則，本國既錢就會越黎越唔值錢，佢地都會被迫放慢放水既步伐。不過，中國未必有影響，因為阿爺本身都想人仔落。你睇，之前搞外匯存準都無穿過既6.41，今日都穿左仲落到去6.42。
我明白大部分人睇到呢度都仲係一頭霧水架喇，因為你地好衰，只係想人話俾你知個市會升定跌，最好就俾埋冧把添！放心，你地有幾衰我絕對理解：拿，我初步既判斷（初步架咋下）個市係積極既，有可能將消息奸茅地演繹為「仲有兩年時間」陰霾淡化，反而炒上。但無論如何，恆指上望只可以睇到293先，區間頂真係硬。至於板塊就要避金，人民幣貶值既，咪有利航運同出口，利淡內房股囉！
今日講住咁多先，晏晝放假同個仔溫習bye～
👋🏽
#美國 #聯儲局 #提前加息 #收水 #全球央行焗跟
全球央行焗跟 在 再升1碼已是極限？全球央行周有人比聯準會還狠！馬斯克痛批 ... 的推薦與評價
(00:00)優於預期!美初領失業金人數略降至19.1萬人(01:58)美SEC鎖定Coinbase 控琳賽蘿涵非法推廣虛幣(02:45)銀行財務危機下Fed仍升1碼正反兩派掀 ... ... <看更多>