【#親子玩樂 ‼️最新‼️炮台山「東岸公園」 | 設兒童平衡車試驗空間】
最近知道Alfred 課外活動班附近又多個新公園，佢就係炮台山有個新起嘅東岸公園，所以趁佢完課外活動後，就帶佢過去行先。
入面有咩睇？
✅有個超大個草地，草地上有唔小座椅同遮陽設施
✅面積頗大嘅兒童平衡車試驗空間，有兩條彎彎曲曲嘅車路比小朋友玩下車。
✅ 具海濱標誌性、超吸睛同超巨型字體嘅「VICTORIA HARBOUR」打卡藝術燈牌。
✅ 類似「跳飛機」嘅小玩意
✅ 兩條小遊樂滑梯
✅ 區內最大特色：維港首條向公眾開放嘅防波堤，可超近距離360度飽覽維港景致。
✅ 防波堤末端有個大型排風口裝飾。
🔷詳文分享：bit.ly/3oqrzFL
總結：呢度地方真係好大，而且每個區域都分得好仔細同有點距離。不過如果小朋友無平衡車或無帶車嚟玩嘅話，呢度嘅兒童玩樂設施就真係比較小（只有兩條小遊樂滑梯），但勝在環境好，有足夠地方比小朋友跑跑跳跳。如果大家都係附近嘅話，都值得一去影下相嘅。個人就唔太建議專程去啦！
溫馨提示：
1️⃣保護環境，自己垃圾，自己帶走。
2️⃣地方比較空曠，請做好防曬或防蚊措施。
3️⃣疫情緩和都唔可以鬆懈，記得勤手洗/搓手，勿摸眼、口、鼻。
4️⃣公園比較新，而且我哋第一日嘅下午嚟，人流特別多。所以提提大家都要好好看顧好自己小朋友呀！
——————————————————
【#東岸公園主題區（第一期）】
地址：炮台山屈臣道以西（炮台山地鐵站A出口）
開放時間：24小時
交通：從港鐵炮台山站經油街轉入電器道，至屈臣道街尾即達，步程約7分鐘
——————————————————
兒童玩樂設施 在 澳門兒童遊樂設施關注組 - Facebook 的推薦與評價
如果大家發現到新奇好玩嘅兒童遊戲設施，或者兒童設施問題，都歡迎同我哋報料！一齊為小朋友提供一個安全、健康、愉快嘅玩樂空間。 instagram: macau_children. ... <看更多>