關於 係喎書面語 ，我們在網路上蒐集到這些相關的討論、資訊與評價

《吵鬧下的平靜，1月2號》

這個女人，40歲。
一早起床看見的是…一片爭論聲音。

『呀…全都是姜濤呀…』

戰火亦開始蔓延至WhatsApp Group。

看見標準「姜糖」Amy不斷發表勝利者宣言，
她皺皺眉頭，於是在Group中發出一句：

『講個笑話：香港樂壇。』
她開火了。

對於還未能忘記黎明與伊健的她，
一時之間接受不了姜濤也很正常。

做人嘛，人人都會主觀。

當然，本著『屌人者終將會被屌』的法則。
所以，Amy將她屌柒了…

而又再根據『屌人者終將會被屌』的原理…
很自然地，
她也反屌柒了Amy。

就這樣，兩人瘋狂互屌。為這篇用書面語寫的文章加入了大量生殖器官。

面對這種吵鬧…這個女人覺得…

『很安靜。』
她笑了，快樂地笑了。

『有甚麼比盡情互屌，更能體現自由？』

『又有甚麼比起暢所欲言，更能令內心安靜。』

她覺得2020年，忘記了很多事。
其中一樣，
就是大家為了心儀的明星瘋狂互屌。

這種爭論無害，更能促進思考。
至少，讓更多本地新星的名字讓她記住。

很好很好。

其實，這只是一個很正常的生活。
但這兩年，大家都忘記了，
或沒有空閒去當個正常人。

約一星期前，因為一篇新聞令她有另一番感悟。

這新聞是你我皆知的
《主教山食水配水庫，古羅馬式圓拱建築曝光》

首先，她覺得很奇怪…
極度奇怪…
看見眾人討論這則新聞時…她有種說不出的違和感。

思索數天，直至1月1日。
她才明白這份違和感的原因。

『原來睇新聞係可以開心㗎。』

她忘記了自己有快樂的權利。
因為很久都沒試過。

每每面對新聞，她也是雙拳堅握，如臨大敵。
新聞Push的，不是「不公義」的消息，就是「確診人數」。

所以這種快樂的新聞…
是另一種心靈的安靜。

當然，
『安靜』這個詞，一體兩面。
有些時候，來自內心感受。
有些時候，則是強逼承受。

『喂，餐廳嚟㗎。呢啲嘢 細聲啲講啦』

『你del msg穩陣啲喎』

『你唔好再貼喺部電腦度啦…你知大老闆同啲政協幾fd㗎啦』

這一年，有些安靜…是很恐怖的。
因為吵鬧，就會被是誣捏成犯法。

所以在1月2日，
面對這種吵鬧，內心卻很安靜。

正值下午時份，
她如常為今夜的晚餐作準備。

距離巴士到站還有2分鐘…看著前路，卻突然起了霧。
當然了…
戴上口罩和眼鏡，一呼氣就會變得朦朧。

看不見的時候，最好聽聽音樂。
她帶起耳機，播著BLACKPINK的《How You Like That》

為何是BLACKPINK ？
其實她是不懂K-Pop的，但沒關係。

因為最後她與Amy和解了。
和解條件很簡單：
1）她今天嘗試全日聽K-Pop (也許因為姜濤似韓星，最後爭吵的戰場扯到K-Pop去了)
2) Amy今晚重溫《古惑仔3之隻手遮天》

不懂嘛，就嘗試一下吧。
直到看清漫長的前路為止。

最後，
是甚麼話題，令兩個罵得耳紅赤熱的人，有和解的傾向？
很簡單，

Rubberband。

MeWe：張晨
https://mewe.com/p/%E5%BC%B5%E6%99%A8
P.s. 用app有機會彈app…可搜尋「Cheungson」

IG: cheungson88
https://www.instagram.com/cheungson88/
（很少人Follow的acc，有時說說生活事）

自我介紹（寫書人伊維特篇）
雖然出喎好多本書
但還是唔好意思自己叫自己做作家
好似以前主力做talk show唔係music show
其實唔好意思叫自己做DJ

我文筆唔好
成日書面語溝口語
（佢地話我創咗一個格式，
幫我改咗就會👀好覺眼）
寫書係我想每日做嘅嘢
作者係我想大家記得我嘅身份。
記得編輯Nancy講過
「文筆唔係好，你係sell橋嘅」
「睇完個故仔我發惡夢！」
（呢個係稱讚，係血腥故事想要嘅效果）
佢係一個無改我內容嘅編輯
感謝佢～
之前嗰啲lolanto就唔好提
寫同性戀都唔俾～

最無拘無束就係自己出書
盡量少啲人參與，
我俾錢，我話事
時間我控制
我話幾時出就幾時出！

自己賣
當然製作費自己俾
呢件事暫時沒有賺錢嘅可能
連我啲貓都養唔到
不過我會盡量繼續
唔想讓自己離呢個身份太遠

如果你買過我嘅書
或者打算買
🍎感激讀者身份的你
👉🏻買我本書WhatsApp 9768-5388
其他舊書都有啲啲存貨

你都自我介紹一下
用呢個tag
#自我介紹hello

（以前前面會舊相唔敢post，會有好多fan屎想殺死我）

［坡倫港之夢］交易所嘅嘢，股價就係盈利，盈利就係大市成交，成交就係國運

1. 明報專欄，但你知我作風就係導讀打多篇文，甚至比原文更長。本人十分長氣，例如廣告post，其他啲KOL求其打兩句，甚至照copy大會畀嘅文。本人就好均真，由頭作過一篇文的。

2. 好，自吹自擂完。講返，上星期四五，港交所（388）連跌兩日，成交都唔細。你話業績差我諗唔係，點都同李小加起身有啲關係。咁亦即係市場對佢嘅肯定：總好過你起身人人開香檳。邊位會咁？有嘅，例如微軟之前個CEO，Steve Ballmer．

3. 當然，有個講法話，唔係小加做得好，係嚟緊嗰件更仆街，亦有可能。但凡事都係講相對，諗起老夫子漫畫，講佢租屋搬走，包租婆好唔捨得佢，話下個租客一定冇佢咁好。老夫子係咁話邊會呢，包租婆話，咩唔係呀，真係一個比一個混帳呀！

4. 小加雖則係大陸佬，但講真嗰種大陸味係唔重，海歸精英喎。下一位又會點？係咪整件農村土佬畀你？大家放長雙眼。

5. 但如果只講小加做得好唔好？我覺得還不錯。上市公司啦喎，給我股價，其他免問。

6. 咁其實，佢任內，港交所股價升八成幾九成。11年嚟講真係唔係好多，但至少已經跑贏恒指—你數下有幾多間公司跑贏恒指？你自己又得唔得？

7. 如果計年度化嘅，一年5-6%回報，加埋港交所派息還不錯，整體還可以—不過正如朋友Jacky Luk話齋，人地倫敦交易所，同期升差不多10倍。

8. 但交易所呢，其實都幾被動，都幾睇「國運」。而且好多係當地獨市生意，你搵唔到間九龍交易所去同佢比。咁你同倫交所股價比當然差，但，唔好只同勁人比嘛，望下廢人。廢人在邊？坡國是也。聽講有民主。坡交所，同期股價，係得個桔嘅。喂，班蘭蛋糕都貴咗N倍啦。

9. 又不過，正所謂即使我們錯，不比他們多。要贏人先要贏自己。如果同上手比呢？就差得遠了。上手年代（我由02計起，因為再之前倫交所未上市），港交所升10倍。但倫交所嗰個年代，反而只係升得七成。所以，我估係「國運」多過個CEO（咁，又話時話，係咪值咁高人工呢）

10. 然後再睇，以上呢啲股價表現，大約就當佢地各自年代各自公司嘅純利表現相符的。呀畢菲特話齋，短期係投票機，長期係磅重嘛。路遙知馬力（死埋），日久見楊森（未死），是真的。

11. 而再進一步講，交易所利潤，基本上都係睇大市成交。換言之，股價就係利潤，利潤就係成交，所以股價就係成交（＊）。咁做乜之前香港成交升得咁快，而家就慢，倫敦就此消彼長？

12. 都係，「國運」。李小加年代之前，2002-2010，食到正中國大國企嚟香港上市嗰浸。一大堆而家最活躍成交嘅股票都係當時嚟香港上市，幫港交所日日貢獻幾十億成交（每隻喎！），係咁印錢。但到小加上台後，已經冇呢支歌仔唱，要上嘅大公司都上晒。所以要搵外國公司，呢方面就鬥唔贏倫敦了，時也命也。

13. 而小加任內，至少搞成咗兩件好事（我指對港交所股東好，公唔公義你自己諗）。第一就係萬惡嘅滬港通，第二就係更加萬惡，本人反對嘅，同股不同權。冇咗大型國企上市潮，點炒旺個成交？就係呢兩樣嘢。你睇而家阿里巴巴一日幾多成交？

14. 所以呢篇文絶對唔係幫小加或港交所講嘢，但我覺得小加嘅功過，七三甚至八二開啦。比較核突當然係舊年高調向倫交所示愛仲被拒，成件事十分土豪又核突。

15. 佢繼任人？就仲難搞了。同股不同權最大嘅阿里巴巴已返嚟，嚟緊聽講會有京東網易百度之類美國上市二次回歸。但，點再谷成交？搶國際公司，似乎真係唔夠倫敦同紐約搶。咁你又冇大型國企又冇大型民企（大得過阿里巴巴？）上嘅，點搞？

16. 另外留意，其實香港嘅大市成交，相對於個市值，係偏低嘅。Jargon講即係個velocity低。原因好多，但肯定唔係香港人唔夠爛賭，都話師奶都識講引伸波幅識講縮Vol，輪證牛熊反向槓杆ETF都唔少成交。真正問題，係好多你見到嘅市值，其實係唔流動嘅。所以大陸亦一路推呢個H股全流通嘅東西，但進度似乎十分慢下。

17. 睇晒呢度千幾字都未夠皮嘅，可以睇明報原文（https://bit.ly/3coA1fw）。或者下面都會有晒全文。其實睇我點樣用唔同嘅方法寫同一個課題，口語同書面語嘅分別

18. （＊）呢個邏輯嚴格有啲問題，因為個「就係」唔係數學上嘅等於，係「大約反映」。咁你「大約」得十次八次，就好似以訛傳訛咁，係呀每次都同上一次差不多，最後就完全不同了。

李聲揚：李小加十年功過七三開

【明報專訊】上星期五表現最差藍籌是港交所（0388），可能是和CEO李小加明年約滿後離職有關。一般情况下，CEO離職股價即跌，是對CEO能力的肯定，至少市場不是開香檳慶祝送瘟神。

怎樣評價李小加？作為上市公司，最重要的，還是股價。同文陸振球兄在facebook指出李小加任內，股價大幅跑輸對手倫敦交易所（倫交所）。小弟搜集了資料，再加上另一對手新加坡交易所（新交所），補充一下。

附表中2002至2009年的8年（選擇2002年而非2000年是因為倫交所2001年才上市），小弟稱為BC，即Before Charles，李小加是2010年頭上任；2010至2019年的10年，就當然是AC，After Charles了。

正如陸兄所言，AC年代10年，港交所股價升了81%，至少跑贏了恒指的29%升幅；年均回報約是6%，計及不錯的派息，表現中規中矩，直到你和同期升了10倍的倫交所相比。不過，若要找人墊底，新交所股價更不堪，10年股價原地踏步。考不到第一，也不要包尾。

過去十年倫交所股價大幅跑贏港交所
當然，各有前因莫羨人，要贏人先要贏自己。若將港交所AC年代股價，和BC年代相比，又如何？結果就有點難看了，BC年代，港交所股價升了近12倍，遠勝對手（新交所升了7倍，倫交所只升71%），也遠比AC年代好。明顯見到，BC年代是港交所和新交所黃金時期，股價表現遠勝倫交所；但到AC年代，風水輪流轉，倫交所表現大幅跑贏。

原因為何？正是因為盈利。BC年代，港交所盈利升了7倍，股價升12倍。AC年代呢？港交所純利升86%，股價升81%，可見長期來說，股價不騙人。倫交所呢？剛好相反，BC年代純利增長慢，AC年代純利增長較快，股價表現也是如此。至於新交所，BC年代純利增長不及港交所，AC年代更是三家之中包尾，股價表現也是一樣。

進一步要問的是，為何BC年代港交所盈利強勁，AC年代則無以為繼，而倫交所則此消彼長？小弟認為並非李小加問題，而是歷史因素。

交易所生意，主要是看大市成交。BC年代，港交所剛好食正國企來港上市風潮，這些巨無霸企業帶旺了成交。到AC年代，未上市的大型國企已不多，港交所唯有打國際牌，吸引其他地方企業，但成績未如理想。反而是倫敦食四方飯多年，BC年代倫交所未能受惠於中資上市潮，但到AC年代招攬國際公司，就搶贏港交所了。

股價來自利潤，交易所利潤則來自成交額。以此來看，李小加任內功過，應算是七三甚至八二之比。股價是跑輸倫交所，但至少跑贏恒指和新交所；而AC年代缺乏大型國企上市，打國際牌又鬥不過倫交所，先天不足之下，如何增加大市成交？促成滬港通及引進同股不同權公司，但在收購方面，成效則值得商榷。收購倫敦金屬交易所（LME）貢獻盈利不大，而去年高調向倫交所示愛，最後收購失敗，更有點「肉酸」。

下一個10年 港交所面對更大挑戰
李小加帶領港交所10年，以非家族生意來說，算是頗長時間了。繼任人面對兩座大山：第一，香港股市的成交額，明顯低於相若市值的其他市場。沒有巨型新股上市，如何進一步提升成交額？第二，如何吸引更多外國公司在港上市？下一個10年，恐怕是更有挑戰性。

（筆者為證監會持牌人士，沒持有上述股份）

-
版務：收費專欄已推出，支持埃汾高質文章。幾舊水睇三個月，一星期三篇

請去呢度訂：bit.ly/2wVXndj
課程編號填: CC01
科咗水後後有Login及Password畀你

逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。