【 #聖誕重甜被竇片單 - 5套聖誕必睇sweet爆電影＋金句合集！ 】
「我以為自己想要節日情人，但事實上，我想要你跟我度過所有節日。」
年年聖誕節比起出去同人迫，更鍾意留喺屋企同另一半攬住張被睇戲，特別係啲唔駛點用腦嘅sweet戲，可以輕輕鬆鬆咁攤喺度睇，真是好爽！！咁啱今年無得出去食飯，不如留喺屋企煮飯仔直落movie night～即刻睇下今年聖誕重甜被竇片單，拿拿聲bookmark定啦，仲有幾日就到喇！！！
.
1. 《節日限定之戀》
節日對於單身狗嚟講，真係一個可怕嘅日子，除咗街裡愛人一對對，單身仲好易畀啲親戚朋友質問：「唔駛拍拖咩？」有時真係好想問返佢：「我有拖拍駛喺度？下？」於是戲中男女主角趁聖誕各自搵咗對方做節日情人（holidate），究竟兩個好驚付出真感情嘅人有無辦法搵到real date？呢套係今年Netflix新戲，新鮮滾熱辣，唔想翻炒舊戲就可以揀呢套！！
.
2. 《真的戀愛了》
可以話係聖誕愛情片中嘅經典，劇情簡單溫馨，每年聖誕同Mariah Carey首《All I Want For Christmas is You》一樣都會畀人瘋狂翻炒... 由若干個愛情小故事組成，故事人物互相認識關聯，再串連成一個大故事。劇中經典一幕為其中一位主角用卡紙寫字同暗戀對象表白，一頁一頁畫紙咁揭，原來佢就係「猜猜畫畫」式表白嘅始祖... 雖然劇情都係啲老套肉麻嘢，但仍然會睇到人sweet到傻笑～～ （唔駛用腦之選）
.
3. 《寶貝智多星》系列
經典Home Alone系列，相信都唔駛介紹啦！仲記得細細個第一次睇Kevin大戰賊仔，覺得佢真係好鬼精靈，search返原來佢已經就快40歲，個樣仲歷盡滄桑～ 果然童年回憶都係唔好隨便search！系列一共有5集，都係講kevin獨留在家嘅故事，搞笑不失深度，教人珍惜屋企人，亦教人勇敢去愛，當然都係第一、二集最好睇啦！
.
4. 《BJ單身日記》
相信每個女仔都曾經FF過遇到白馬王子，就好似故事主角BJ咁，雖然已經30歲、樣子平平愛爆粗（兼愛瘋狂飲酒），仲打緊份牛工，但仍然會半夜睇劇、聽歌聽到喊... 但面對愛情，最後我哋往往發現，有時你以為係「啱嘅人」往往唔識珍惜你，你覺得「岩岩巉巉嗰件」，反而最鍾意你真實嘅一面。「I like you, just the way you are」，《BJ單身日記》講嘅唔係一個童話故事，但就係一個好真嘅愛情故事。
.
5.《緣分精華遊》
要形容呢套戲，形容為似棉花糖都不為過！點解？因為啲愛情戲就好似棉花糖咁，入口即溶，易理解、易消化，尤其攬住另一半睇特別sweet。偶爾唔小心分心（唔知你哋搞咩啦下），都可以即刻pick up返劇情，絕對係聖誕節輕鬆小品～ 故事講述兩個失戀女人想轉換新環境，於是交換住處，譜出新戀曲嘅故事，寂寞的人遇上愛，就係咁簡單又咁sweet。
.
P.S. 我哋仲聯乘咗幾個本土創作者，做咗過 #在家過聖誕串聯製作，好畀心機的（又哭咗），大家有興趣可以睇睇！！
.
#聖誕重甜 #講緊套戲姐 #但我鍾意睇啲用腦戲 #咁你都可以睇天能嘅大佬 #情侶 #愛 #愛情 #語錄 #拍拖 #香港 #搞笑 #聖誕 #電影 #金句
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
但我鍾意睇啲用腦戲 在 [新聞] 陳豪、阿佘戳破摘星奇緣- 看板HK-drama - 批踢踢實業坊 的推薦與評價
陳豪、阿佘戳破摘星奇緣
與戚其義和周旭明合作無間的陳豪和佘詩曼，繼《天與地》後，再在無綫劇《 4 In Love
》中飾演情侶，上演一幕浪漫童話故事── MK宅男戀上超級巨星，在這個童話故事入面
，只有幸福和快樂的結局。
然而現實終歸是殘酷，阿佘和陳豪均坦言「摘星之戀」在現實中難開花結果，看來灰姑娘
故事真的只存在於童話內。 撰文：何慧斯
做慣型人的陳豪在無綫劇《 4 In Love》中，扮演 MK宅男，一直迷戀「超級巨星」佘詩
曼，最初阿佘只是利用陳豪，為自己塑造親民形象，縱使兩人的身份和背景有莫大差別，
但最後竟然發展成一段童話式的愛情關係。談到這段愛情，陳豪說：「我哋呢段童話式愛
情係超現實，基本上係冇乜機會發生，平凡人同明星會談戀愛喎，睇完真係令人有憧憬同
希望，如果真係發生會點？究竟可唔可以承受到中間所發生嘅事？例如成日要 stand by
開工冇時間見，睇到另一半拍 kiss戲會有乜嘢反應，呢啲係好直接同真實嘅問題，幕前
工作嘅人係會明白，幕後嘅人會唔明，直到發生咗問題，原來真係會介意，平凡人同明星
拍拖呢個問題，其實都幾爭議。」
陳豪情繫圈中人
怎樣維繫一段感情也甚有難度，陳豪說：「感情事睇落好似好簡單，其實係好深奧嘅事。
人與人相處之道係最考驗人嘅地方，開始時大家都好愛對方，而且仲好 enjoy過程，但跟
住中間點維繫、點為大家設想同包容？呢套劇嗰四段愛情關係印證咗愛情係無分界限，當
喺愛情上遇到問題，人會喺唔同情況下，作出唔同選擇，所以對唔同人係有唔同嘅共鳴。
」
現實生活中，陳豪並沒有戀上平凡人，反而戀上同屬藝人的陳茵媺，或者正如陳豪所言，
作為幕前人會明白對方立場，難怪當問到劇中愛情是否跟現實相似時，他笑說：「冇咁童
話，我係好平凡同平淡，好傳統嘅人，冇呢啲咁激，不過唔係悶，係好穩陣。我哋鶽家鎖
定事業，雖然我鍾意演藝事業，但希望將來可以做啲用腦而唔係用勞力嘅工作。」
飾演超級巨星的阿佘，某程度上有不少情節跟現實相似，她感同身受說：「我相信好多藝
人都有呢個諗法，喺戲入面嘅我成日都覺得好攰，唔想再做，不過因為有心癮，又或者身
不由己，所以先繼續做落去。」談到劇中感情觀，阿佘更覺得與現實相似：「每個人喺唔
同階段，追求嘅嘢都唔同，我以前希望搵一個人可以照顧我，但當自己可以照顧自己嗰陣
，又想搵一個真係愛我嘅人，而唔係為錢同地位，呢個咪係我憧憬。」
阿佘：要零猜疑
阿佘續說：「有時遇到啲圈外人，相處落去變咗有好多問題出現，首先係佢自己心理問題
，男仔事前係要做多啲心理準備，始終有傳統觀念，如果男仔搵錢少過女仔，點都會有啲
自卑同動搖。時間嘅配合都好大影響，仲有如果圈外男仔見到明星女友同人 kiss，雖然
明知道係工作，不過真係好難會接受到，冇咗呢份信任，會產生好多問題，所以雙方一定
要好堅持，仲要零猜疑，先可以行多幾步。」
髮型： Billy Choi of Hair Culture
化妝： Marsha of A&V make up School
Source:
https://ppt.cc/Gq_8
阿佘百變造型叫苦
拍劇多年的佘詩曼飾演過不同角色，但不少觀眾認為，阿佘交到戚其義的手上，一定會有
驚喜，阿佘聞言後笑說：「基本上喺阿戚手上嘅演員，佢盡量都唔會重複形象，最好係將
你成個人反轉晒，所以拍佢嘅戲係會上癮，因為永遠唔知佢下一次又會玩啲乜。」
拍喜劇冇包袱
笑指阿佘拍完《天與地》後，相信已沒有難事，阿佘說：「所以拍得好舒服好輕鬆，我第
一次開阿戚嘅戲，可以係冇包袱、冇負擔，個心唔使乸住乸住，可能係愛情故事，加上同
《天與地》唔同劇種，不過都要留心睇。」陳豪也深表認同，他笑說：「阿戚今次將佢（
阿佘）變化好大，喺戲入面阿佘有好多個造型，最靚都係今次。」
阿佘提到這些百變造型，忍不住大吐苦水說：「最尾嗰日開工真係想死，因為故事講我拍
過好多戲，所以每個造型嘅戲都要拍少少，結果我喺一日之內，要拍古裝、武打兼吊威吔
，跟住又要我跳印度舞兼咪嘴唱印度歌，臨尾仲要扮貓女，喺巴士頂直插落地擺埋甫士，
我已經冇晒力，腳軟又好驚，嗰刻真係想退出娛樂圈。」幸好出來效果不俗，阿佘覺得辛
苦也是值得。
喜吸引新觀眾
《 4 In Love》和《天與地》風格截然不同，問二人會否覺得《天》劇打開了另一個觀眾
層面？他們說：「大家都冇預期《天與地》嘅成功，冇諗過做啲乜嘢去維繫某班人，其實
只要你睇番之前嘅《火舞黃沙》，你會發覺我哋一路嘅方法都冇變，只係今次吸引到一班
唔鍾意睇電視嘅人開始注意，不過發掘咗一班新觀眾梗係開心。」
本新聞轉貼自：
https://ppt.cc/Pgl9
--
※ 發信站: 批踢踢實業坊(ptt.cc)
◆ From: 1.64.162.4
※ 編輯: wasabi1 來自: 1.64.162.4 (02/19 07:20)
... <看更多>