【慳啲，執舊傢俬】
就係英國人慳，才可以留低咁多古典傢俬
當年初到英國嘅時候租屋個業主係連埋傢俬嘅，而且當年一件都無由香港運過黎，所以呢次要認真咁揀傢俬。我兩公婆其實最鐘意，就係舊嘅實木古董傢俬。英國呢類嘢真係多到儍，其實講到底因為英國人對傢俬好實際。可以話係慳（或者孤寒），結果周圍都係唔年代同風格嘅舊傢俬。
就係上eBay同FB Marketplace，都睇到我地選擇困難症病發。大家唔好以為又古董又實木，必定係好貴嘅事情。事實上就算年代一樣嘅古董枱，平貴都會有，癡線嘅係有時會唔洗錢。我無寫錯，你亦無睇錯，張七八十年歷史嘅Bureau Desk係免費！只要肯自己去搬，或者搵人車走就得。
神奇地港媽發現咗我地住嗰區，有個慈善機構開嘅二手古董傢俬鋪（其實係個倉咁大）係同地方政府合作嘅。佢地有義工去回收啲舊傢俬，之後番新同修理好。賣到嘅錢就作為慈善用途，我地呢啲孤寒嘅乞衣cheap精緊係唔執輸去八下啦。最後買咗五個唔同大小嘅櫃，一張廚房餐枱加四張凳，無一樣唔係老過我至少廿幾年嘅。價錢連運費係......£300有找！
#人窮志短執舊嘢
#傢俬名真係學英文
#年代風格名學歷史
人窮志短執舊嘢 在 Goodbye HK, Hello UK - 【慳啲，執舊傢俬】 就係英國人慳，才可以 ... 的推薦與評價
【慳啲，執舊傢俬】 就係英國人慳，才可以留低咁多古典傢俬... ... 價錢連運費係......£300有找！ #人窮志短執舊嘢#傢俬名真係學英文#年代風格名學歷史| Facebook ... ... <看更多>