【 #天下女友一擔擔 - 一人一個女友發過最荒謬嘅夢 】
（真人真事）有排女友好迷美劇Walking Dead，每日收工返嚟都要煲劇撈飯，然後睇飽食醉就瞓，過住豬一樣嘅life。嗰期佢成日都會FF自己係入面啲主角，打喪屍好有一手，係團隊入面嘅阿頭諸如此類... 點知有日瞓瞓下覺，佢突然目露凶光咁拍醒我，正當我心諗乜咁快天光咩，佢好嬲咁話：
「頭先我發夢啊！我哋畀喪屍圍攻，跟住我好唔好彩畀人咬中感染咗，咁我就問你要唔要殺咗我啦，因為我隨時會變異。跟住你條友諗都唔諗就開槍爆咗我頭啊，有無搞錯啊！！！連猶豫都無即係你根本唔愛我...（下刪一千字）」
.
之後佢成日都無再同我講過嘢，一撩佢講嘢就大大聲話我弒妻狂魔，搞到餐廳啲人望晒過嚟，真係離晒大嫂... 我正式宣布所有女朋友都以為自己拍緊《潛行凶間》，係分唔清夢境同現實的🙂
一齊圍爐，留言一人一個女友發過最荒謬嘅夢！
.
#喂我發夢你畀車撞死咗牙 #然後過馬路嗰時仲拖住一個唔識嘅女仔 #原來你真係有出軌 #唔係我錯覺 #離晒大嫂 #乜你無聽過夢境同現實係相反㗎咩bb #情侶 #愛 #愛情 #語錄 #拍拖 #香港 #女朋友 #hkig #搞笑 #女友語錄 #圍爐 #展開激情討論
.
睇咗笑完就算？不如追蹤埋我哋啦！
即Like @港式情侶 HKstyleCouple 收聽更多港式愛情趣事、一齊學識點樣愛❤️
IG : https://instagram.com/hkstylecouple
歡迎DM投稿戀愛趣事/愛情煩惱，我哋等緊你㗎😙！
乜你無聽過夢境同現實係相反㗎咩bb 在 #乜你無聽過夢境同現實係相反㗎咩bb - 探索| Facebook 的推薦與評價
explore #乜你無聽過夢境同現實係相反㗎咩bb at Facebook. ... 事）有排女友好迷美劇Walking Dead，每日收工返嚟都要煲劇撈飯，然後睇飽食醉就瞓，過住豬一樣嘅life。 ... <看更多>