[黑暗兵法星期二]
今日，我要教大家抄功課。
大家唔好誤會，我唔係要大家練精學懶，我只係要大家學識用腦。
事先聲明，今日呢篇文嘅對象唔係小學生(一句半句好心自己做啦)，亦唔係大學生(係咪想畀veriguide捉plag呀)，而係中學生(特別係高中果班) 。
升上中學之後，無論係通識地理，抑或中西歷史，都會開始要求學生寫eassy，長度由版半至兩三版不等。好多唔識做/唔想做，又唔想欠交嘅同學，往往會諗住打開本書，見字就抄，寫夠min pay就求其交文。咁我唔講大家都知，篇文九成九扣題唔緊，答非所問。
當年，小弟同幾位兵兵合作寫書，就曾經訪問其中一位兵兵學習通識嘅心得。點知，其中一位兵兵竟然同我講：｢我科通識係抄功課抄返嚟嘅。｣我聽完當堂嚇一跳，然後真係得啖笑－佩服嘅笑。
原來，果位兵兵係通識科科長，每次佢收齊晒功課，佢就會拎其中兩三本來睇，一睇瘋狂抄書嘅同學，了解相關概念嘅定義；再睇考試高分嘅同學，學吓人地嘅界題方法﹑答題框架；三睇寫嘢詳盡嘅同學，記低人地用嘅例子。睇完之後，佢只會抄低資料性部分(例如定義﹑例子)，申述同拓展部份就會用自己嘅文字改寫。結果，佢嘅文章可謂集百家所長，分數亦見得下人。每｢抄襲｣一次，亦令佢變強一分。最後，佢由中四通識肥佬，變成中五通識全級第一。
總而言之，比起亂咁嚟做錯晒，用下腦咁樣抄反而會令你得到更多。對學習成果而言，「抄」同「做」之間嘅分別，唔在於有冇模仿過人地份嘢，而係在於你有冇用腦。
P.S 以上內容只適用於寫eassy，數理果類有標準答案嘅功課就乖乖地自己做啦！
P.S.2 記得，抄都要用腦。如果你瞇埋眼直抄畀人發現，唔好怨我。
P.S.3如果你全班嘅功課都衰到貼地/根本冇人交的話都唔駛驚，我有一個好好嘅參考對象介紹畀你－我同兵兵出嘅《中文通識一路通》。佢嘅內容不但關於例子同答題技巧，仲橫跨中文通識，睇一本等如睇兩本，慳水慳力慳時間。｢上中下｣三品範文更有助你了解自己，步步升LV。唔睇，買本返去定驚都抵啦！
#等睇人話我教壞學生 #等睇人話我枉為人師
#嚴格嚟講我已經唔係現職老師
#其實我教緊你用腦 #又曲線賣廣告
#中文通識一路通 #BenSir #BenSir同你學教仔
圖片來源：周星馳《逃學威龍》
中文通識一路通 在 文憑試應試系列──中文通識一路通- Books - Marketplace 的推薦與評價
本書為同學擬訂多個作文題及範文，指導同學如何運用同樣的事例作答通識答題和中文作文題，以及如何應用不同的寫作技巧來闡明立場和立論。 ... <看更多>