Casio 嘅 G-Shock 系列一直以型同耐用見稱，近年貴價款亦都不斷創新，最近就推出咗今年全新嘅 GravityMaster GWR-B1000 系列，有乜功能呢？今日就同大家做個開箱呀！
呢隻 GravityMaster 嘅錶圈同埋錶帶採用碳纖維製成，而按鈕、按鈕管同埋零部件就採用鈦合金，令呢款為飛行人士而設嘅手錶堅固又輕巧。碳纖維除咗輕之外，其實睇落去都非常高貴，唔只錶面呀，你睇吓錶底亦都採用咗全新嘅設計，俾人煥然一新嘅感覺。成隻錶只有 72 克重，相比其他同系列嘅功能錶嚟講絕對係相當之輕，不過戴上手嘅手就一流喇。錶面喺黑嘅地方會有螢光嘅夜光，不過亦都可以按前面嘅大掣發出白色嘅 LED 光以便睇時間。
雖然呢隻 GravityMaster 無電子顯示，不過功能方面就一樣唔少。只要打開 G-shock Connected 應用程式，加入新嘅手錶，再按著指定嘅按鈕 2.5 秒左右，就可開始同你嘅手機做配對。睇下！配對好之後，手機就馬上可以為手錶調較番正確嘅時間埋時區。
當手錶同埋你嘅 iPhone 或者 Android 手機配對咗之後，你可以隨時長按一按呢粒掣，就可以紀錄低你當時嘅位置、日期同埋時間，之後你可以隨時翻查自己紀錄過嘅地方、甚至可以砌出你嘅飛行路線架。
好多人都鐘意飛行錶上面嘅複雜設計、但係錶上面大大小小嘅細錶盤就唔知有乜用喇。原來呢隻錶嘅下方細錶盤可以用做兩地時區顯示，只要用同一個應用程式，設定你想顯示嘅第二時區地方就可以！除咗飛行人員方便之外、其實我地去有時區差別嘅地方旅行同埋公幹都一樣用得著架！
另外，呢隻錶仲有反向搵電話嘅功能。只要長按隻錶呢粒掣3-4秒，就會啟動尋找手機嘅功能，只要部機唔係喺太遠，收到訊號之後電話會發出聲響提示，方便搵番部電話。
《Z世代達人》
麥卓華
#Gshock #gravitymaster #GWR-B1000
casio電子手錶調日期 在 Casio 指針與錶面時間不準，如何校正？ - Mobile01 的推薦與評價
Casio 手錶 背面有一個框框框起來的四位數號碼，那是機芯號碼，請到Casio 官網下載此機芯號碼的說明書手動調整就可以了。 傳送門. 強忍敗家的衝動是痛苦的！ ... <看更多>