#港劇推介 #含劇透
一口氣睇哂12集👋🏻
.
好耐無試過追一套港劇追得咁chur 《向西聞記》每集都同一單本地新聞或議題有關，如動物傳心師、PTGF、土地問題、健身金融傳銷等。
.
雖然話係講社會問題，但《向西聞記》每集都好搞笑兼貼地之餘，又會令觀眾反思同埋好有共鳴。
.
其中最抵死一集我覺得係《嘉亨灣》，2個人去老蘭搵食，又扮住喺港島過尚住宅區，以為自己好醒咁呃到對方而暗爽。現實呢種情況其實好普遍，好多人為咗虛榮感都會搞一場大龍鳳來扮回流ABC或者富2代。
令觀眾睇完最無奈嘅一定係《碌架床》，一家6口迫埋住2房1廳公屋，2對夫婦瞓同一間房上下碌架床，仲要用極端手法生BB來爭一間房。睇完之後你可能會覺得好荒謬，但香港現實比呢個故事其實更荒謬。
劇中不乏粗口同成人場面，18歲以下人士要注意。不過呢套劇嘅粗口位好自然同埋唔會過多，亦都唔會為講而講，反而增添唔少本土味。
以前我哋睇大台劇，通常頭5集講某d行業都會拋好多專業術語出來，之前就離唔開3角戀情情塔塔，令觀眾覺得香港係咪冇可能拍到一啲高質素或者愛情以外嘅劇集呢？ .
.
《向西聞記》最令我驚喜嘅係獵奇、懸疑部份；如《台北的港男港女》、《骨與慾》以及《碌架床》，劇情其實一路睇一路都會估到少少，但結局又會令我覺得好驚喜。
呢套劇另一個值得讚嘅位係多靚仔靚女睇！仲要個個都唔同類型，分別有星味十足嘅廖子妤、娘娘杜小喬、偶像靚女Yanny同Jessica、ViuTV索女沙津；男星方面就有陳安立、張繼聰、張建聲同王宗堯。
圖片來源：《向西聞記》
#hkword #hkmusic #hkpop #cantopop #cantonese #廣東歌 #廣東話 #netflix #港劇 #向西聞記 #廖子妤 #張繼聰 #張建聲 #張沛樂 #蔡明思 #陳穎欣 #Supergirl #王宗堯 #向西村上春樹 #牛雜妹 #胡杏兒 #陳安立 #趙永洪 #tonick #趙善恆 #hmv #杜小喬
supergirl yanny 在 陳穎欣Yanny - Facebook 的推薦與評價
陳穎欣Yanny. 104045 likes · 542 talking about this. Yanny Chan 陳穎欣演員/ 香港女子組合Super Girls 成員Tel.: (852) 2802 6106 E-mail: of. ... <看更多>