關於 新疆 grace ，我們在網路上蒐集到這些相關的討論、資訊與評價

《超時空相聚》

兩個月了，總是有啲抽離唔到。

雖然今年未完，但身邊好像發生了許多事情，身心多少都有啲疲累，畢竟我都只是一個凡人……

除咗時間，朋友亦係最好嘅良藥，去沖淡一些突如其來人生嘅衝擊。感恩身邊除咗意佬，一直都有好朋友撐我、鼓勵我。而琴日更加萬萬估唔到可以有咁樣嘅組合出現！

因拍節目而有緣相識嘅我們，一個喺意大利飄浮返來嘅我、一個新疆飛馬行疆 - 我要去新疆嘅Grace，仲有全世界都已停下來，佢卻膽大過拳頭，喺懸崖村同怒江大峽谷度東奔西跳嘅Janis Chan 陳貝兒貝兒。三位lady繼19年認識後終於可以相聚，好似穿越時空，返返去兩年前啱啱拍嫁3嘅感覺，「雞啄唔斷」絕對係可以形容我哋三個琴日見面嘅情景！

正如貝兒所講，仲有其他人妻已歸位！希望我剩低唔係好耐喺香港嘅日子，可以見埋尼日利亞嘅Serena&孖寶同見多次摩洛哥嘅小霞⋯⋯淨係幻想一下到時逐個分享點樣過五關斬六將都要返嚟鄉下已經夠晒緊張！

By the way, 原來有成4、5年冇喺香港過中秋食月餅喇，所以琴日當場失控啪咗3/4個🤭

貝兒你要快啲好返呢，食多啲嘢～
Grace你都一樣食多啲，等你生個肥肥白白嘅No.3 !

IG @misi_gipsy_italy

#嫁到意大利
#返咗嚟香下
#朋友 #良藥
#5年冇食過月餅
#我會減肥的
#不過食埋先

「嫁到這世界邊端」小團圓 🙂 好開心喺中秋之前約到 新疆人妻 Grace同埋 意大利人妻Karen 出嚟小團圓。兩位人妻都係我節目嘅女主角，但係其實今日係佢哋兩個第一次同時一齊喺我面前同框出現！好夢幻ne、係雙陪嘅幸福快樂！其實 非洲人妻 Serena 同 摩洛哥人妻小霞都喺香港，一定要再約！咁多個女仔到時一定好嘈！

拍攝嘅時候Grace 同老公馬飛一個仔仔，而家 Grace已經陀住第三個寶寶、恭喜恭喜！！！佢一個人帶埋大仔飯飯喺香港安胎期間都繼續做緊嘢、勁！而 Karen 呢大半年亦經歷咗好多，意佬同佢繼續互相支持鼓勵、感動！好開心睇住我哋港女人妻們嘅幸福生活，今日唔經唔覺三個女仔傾咗好耐又食咗好多嘢⋯⋯ 係要我都增返d幸福肥嗎？

預祝大家中秋節快樂、幸福滿滿！

#一個節目嘅緣份
#嫁到這世界邊端
#多謝Grace嘅新疆特產
#大家快啲搵佢網購


Grace - 飛馬行疆 - 我要去新疆
Karen - 嫁到意大利 生根唔落地。

❤️

《請原諒我的自私》

朋友，親戚，甚至阿媽，都同我講過九萬次，如冇乜特別就唔好返嚟，等遲下平靜啲再作打算。但係我一意孤行，其實真係冇乜特別……只係我特別想念呢個家。

如果有一日有人話俾我知，我屋企發生大火，我諗無論自己間屋被燒得如何頹垣敗瓦，都會想返去睇吓。因為被破壞的唔係區區一個瓦遮頭， 而係一個充滿住我嘅童年回憶、高低起跌、快樂與憂愁，曾守我護我嘅安樂窩。

重踏呢片土地，往日合埋眼都識得行嘅路，今日已長滿荊棘，越走過，心越被荊棘刺得痛。倆伙子一路頭顎顎咁揾路，我問自己：

「到底我對呢個地方感到陌生，還是，我已經成為呢個地方嘅陌生人？」

帶住意佬，同自己講過一定要好好保護佢👫。既然前面路封了，咁就帶著意佬走另一條路吧🏃🏻‍♂🏃🏻‍♀

「哎呀～你哋返咗嚟呀！你哋要去邊啊？」
「返到嚟小心啲喇，返去埃及後繼續加油啊！」
偶然喺街上遇到認得我地嘅同鄉，一個個和藹可親嘅笑容，一句句簡單但給力嘅慰問；好溫暖，好窩心🥰，口裡道謝之餘，心存感激。

世界咁大，嫁給愛情而跟佬遠走高飛的人妻有許多。我同新疆人妻Grace多得《嫁到3》而認識，我橫跨非歐洲，Grace就喺亞洲，喺時針與分針交錯之間，我哋竟可喺香港相見！
琴日更有幸親手抱起新鮮滾熱辣兩日大嘅饅頭仔！饅頭仔兩日大已識得單眼flirt女仔，佢驚人嘅屎產量除咗俾到一股氣味我之外，仲俾到我一股力量，係愛嘅力量！係愛呀！♥️媽們十月懷胎咁辛苦帶我哋嚟到呢個世界，唔係因為貪方便，唔係400萬養一個好平，係因為愛。

意佬，請原諒我嘅自私。行過彌敦道，你話你見到香港變成咁，好唔開心，但你可親眼力證：世事難料，但人間仍有愛。

#嫁到意大利生根唔落地
#飛馬行疆 - 我要去新疆
#人間有愛 #飯飯仲可愛
#饅頭屎產量驚人 #一連放左5個屁
#陌生人 #祝福香港 #期待下次回來