【絕種收息股】
近日個市唔好，群組度都多左人問我有咩收息股好，揸長既。又係匯控（5）、領展（823）果d？但係佢地既股價好麻麻咋渦，前景又有陰霾：上年就擔心社會運動，今年就擔心武肺，好似領展既收入都受累差晒啦。講到收息，當然就係有升有息最好啦，今日就同大家介紹依隻豐盛服務（331）。
集團既業績包含四大板塊，分別係機電工程、清潔及洗衣、環境同設施管理，其中好幾個業務都係市佔龍頭。集團剛剛公布左截至12月底既中期業績，其中收益達24.2億，同比增6%；純利達1.44億，同比增26%。其中機電工程既業務佔佢地最大餅，即係風火水電，佔集團總體既收入61%。
由於係龍頭既關係，佢地响不同業務既客仔全部都係大野。包括機電既有入境處總部同啟德體育園；清潔既有高鐵、機場同領展商場；洗衣既有馬會、主題樂園、酒店同航空公司；環境既有科學園同好多屋邨；至於設施管理既就有會展同K11等等。客源廣闊，而且業務穩定，增長就自然好。
至於你問：武肺對佢地有無影響？機電工程係慢左既，基於開工率降低，內地既來料亦有受阻；不過放心，好多既工程已經陸續復工，而慢左既交貨亦係由於不可抗力，相信損失有限。至於清潔既需求就大左，因此都係拉上補下既啫。集團既payout ratio有54%，股價又長年創新高，仲想點？
買入價：現價
目標價：5.00元
止蝕價：3.35元
投資策略：分注吸納，長線持有
